Isaías 27:3 - CHUYA QELLQA La Biblia en Quechua de Ayacucho 2012

³ Ñoqa Tayta Diosmi chay uvas chakrata sapa kutilla parqopayaspa waqaychani. Mana imapas pasananpaqmi tuta punchaw waqaychani.

Quechua Ayacucho Bible 1987

³ Ñoqa Tayta Diosmi chay huertata waqaychani. Sapa kutillam ñoqaqa chayta parqopayani. Mana imapas pasananpaqmi chayta waqaychani.

Chuya Qellqa 1992

³ Ñoqa Tayta Diosmi chay uvas chakrata sapa kutilla parqopayaspa waqaychani. Mana imapas pasananpaqmi tuta punchaw waqaychani.

Isaías 27:3 Iomraidhean Croise

Génesis 6:17

Ñoqam kay pachaman sinchi parata kachaykamuspay pamparachisaq, chaynatam kay pachapi llapallan kawsaqkunata chinkachisaq. Manam chullapas puchunqachu.

Génesis 9:9

Ñoqam qamkunawan chaynataq miraynikichikkunawanpas pactota ruwani;

1~Reyes 8:59

Kay mañakusqayyá Señorninchik Tayta Diospa qayllanpi tuta punchaw kachun, chaynapi kay serviqninpaqpas chaynataq Israelpa mirayninkunapaqpas sapa punchaw necesitasqankuman hina allin arreglota ruwananpaq.

Isaías 31:5

Imaynam alton pawaq urpikuna qesanta harkakun, chaynatam Tayta Diospas Jerusalén llaqtanta nanachikunqa, harkakunqa, libranqa hinaspa salvanqa.

Isaías 42:6

Ñoqa Tayta Diosmi qayarqayki, makikimantam hapisqayki, waqaychaspaymi runakunawan pacto ruwasqay kanaykipaq churasqayki, nacionkunata kanchanaykipaqmi churasqayki.

Isaías 44:3

Ñoqam chakisqa allpakunaman yakuta chaqchumusaq, chaki allpakunapipas mayukunatam kallpachisaq. Miraynikikunamanmi Espirituyta chaqchurimusaq, qamkunamanta naceqkunatam bendicionniywan huntasaq.

Isaías 46:4

Yuyaqña kanaykichikkamapas ñoqaqa hina kaqllam kasaq, soqo umaña kachkaptikichikpas nanachikusqaykichikmi; unanchaqnikichik kasqayraykum apasqaykichik, nanachikuspaymi waqaychasqaykichik.

Isaías 46:9

Ñawpaq tiempopi imakunam pasakusqantayá yuyariychik. Ñoqallam Diosqa kani, ñoqamanta hukqa manam kanchu. Ñoqaqa Diosmi kani, ñoqaman rikchakuqqa manam pipas kanchu.

Isaías 49:8

Tayta Diosmi kaynata nin: Allin punchawkuna kachkaptillanraqmi uyariykuyki, salvanay punchawpim yanapaykuyki. Waqaychaspaymi llaqtakunawan qamnintakama pactota ruwanaypaq churasqayki, chaynapi tuñisqa llaqtakunata hatarichinaykipaq, purmachisqa allpakunata hapispa rakinaykipaq,

Isaías 5:6

Purmarachispaymi saqerusaq, manaña mallkisqa, manaña qorasqam kanqa, kichkakunapa qorakunapa huntaykusqanñam kanqa, puyukunatapas mana paramunanpaqmi kamachisaq.

Isaías 58:11

Ñoqa Tayta Diosmi sapa punchaw pusasqayki, mana imapa kananpim saksasqata uywasqayki, cuerpoykitam kallpanchasqayki, parqosqa huerta hinam kanki, mana chakiq pukyu hinam kanki.

Isaías 60:16

Nacionkunam allinnin mikuyta qosunki, reykunam qori-qollqenta apamusunki; chaynapim reqsiwanki, ñoqa Tayta Dios salvaqniki kasqayta, Jacobpa Atiyniyuq Diosnin reclamaqniki kasqayta.

Ezequiel 34:11

Ñoqa Tayta Diosmi kaynata nini: Kikiyñam ovejaykunata maskamuspay nanachikusaq.

Ezequiel 34:24

Ñoqa Tayta Diosmi paykunapa Diosnin kasaq, serviqniy Davidñataqmi kamachiqninku kanqa. Ñoqa Tayta Diosmi chaynata nini.

Ezequiel 37:14

Kawsanaykichikpaq espirituyta qoykuspaymi kikikichikpa allpaykichikpi churaykusqaykichik, chaynapim imam rimasqaykuna cumpliq kasqayta yachankichik. Ñoqa Tayta Diosmi chaynata nini.

Ezequiel 37:28

Ñoqapa temploy paykunapa chawpinpi wiñaypaq kaptinmi, wakin nacionkunapas yachanqaku Israel nacionqa ñoqapa sapaqchakusqay kasqanta.

1~Samuel 2:9

Payqa hapipakuqninkunatam waqaychan, mana allin runakunam ichaqa tutayaypi chinkanqaku, manam pipas vencenmanchu kikinpa kallpallanwanqa.