Isaías 27:12 - CHUYA QELLQA La Biblia en Quechua de Ayacucho 2012

¹² Chay punchawmi Tayta Diosqa, Eufrates mayumanta Egipto wayqopi mayukama, trigota saruchkaq hina sarunqa, qamkunam ichaqa chulla-chullamanta akllasqa kankichis.

Quechua Ayacucho Bible 1987

¹² Erapi gamillakunata trillachkaq hinam Tayta Dios chay tiempopi castiganqa. Eufrates achka yakuyoq mayumantam Egipto law wayqokama castiganqa. Israelpa mirayninkuna, qamkunatam ichaqa huñusunkichik. Qamkunatam chulla-chullallamanta payqa huñusunkichik.

Chuya Qellqa 1992

¹² Chay punchawmi Tayta Diosqa, Eufrates mayumanta Egipto wayqopi mayukama, trigota saruchkaq hina sarunqa, qamkunam ichaqa chulla-chullamanta akllasqa kankichis.

Isaías 27:12 Iomraidhean Croise

Génesis 15:18

Diosmi Abramwan chay punchaw huk pactota ruwaspan nirqa: Miraynikikunamanmi kay allpata qosaq, Egipto mayumanta Eufrates hatun mayukama.

1~Reyes 8:65

Chay punchawpim rey Salomón llapallan Israelpa mirayninkunawan Tayta Diospa qayllanpi qanchis punchawpuni hatun fiestata ruwarqaku, hinaspam qanchis punchawtawanraq ruwarqaku. Chaynapim chunka tawayuq punchaw hatun fiestata ruwarqaku. Chaypaqmi Israelpa mirayninkuna hamurqaku Hamat llaqtaman yaykuna qasamanta qallaykuspa Egipto wayqokama.

Nehemías 1:9

Ñoqaman kutirikamuspa kamachikuyniykunata kasukuptikichikqa, karu llaqtakunapi cheqechisqa kasqaykichikmanta huñumuspaymi, sutiy hatunchasqa kananpaq akllasqay sitioman kutichimusqaykichik”, nispayki.

Isaías 17:6

Imaynam aceitunata pallaruptinku iskay-kimsa rurullaña qeparun, otaq allin ruruq kallmapi tawa pichqallaña puchurun, chayman rikchakuqmi kanqa. Israelpa yupaychasqan Tayta Diosmi chaynata nin.

Isaías 49:5

Unanchawaqniy Tayta Diosmi manaraq nacechkaptiy payta servinaypaq qayawarqa, Jacobta payman kutirichinaypaqmi churawarqa, Israel llaqtata payman huñunaypaqmi akllawarqa. Tayta Diosmi hatunchaqniyqa, Tayta Diosmi kallpanchaqniyqa.

Isaías 56:8

Israel runakunata preso kasqankumanta kutichimuq Tayta Diosmi kaynata nin: Chay kutichimusqay llaqtamanmi huk runakunatawanraq huñumusaq, nispa.

Jeremías 3:14

Tayta Diosmi kaynata nin: Mana kasukuq churikuna kutirikamuwaychik, qosaykichikmi ñoqaqa kani. Sapa llaqtamantam hukta akllasaq, sapa castamantañataqmi iskayta akllasaq, Sión llaqtaman kutichimunaypaq.

Jeremías 44:28

Asllañam guerrapi wañunaykichikmanta lluptispa Egiptomanta Judá nacionman kutinkichik. Chaynapim Judá nacionmanta Egiptoman hamuqkuna yachanqaku, ñoqapa rimasqaychus icha qamkunapa nisqaykichikchus cumplikusqanta.

Ezequiel 20:34

Sinchi piñakuywan castigaspay chaynataq hatun atiyniywanmi maypim cheqesqa kasqaykichik llaqtakunamanta hinaspa nacionkunamanta huñumusqaykichik.

Ezequiel 20:41

Qamkunatam nacionkunapi llaqtakunapi cheqesqa kasqaykichikmanta hurqomusqaykichik, hinaspam llapa nacionkunapa qayllanpi miski asnaq ofrendata hina chaskispay chuya kasqayta reqsichisqaykichik.

Ezequiel 39:25

Chayraykum ñoqa Tayta Dios kaynata nini: Jacobpa mirayninkunatam preso risqankumanta kutichimusaq, chuya sutiyraykum paykunataqa kuyapayarisaq, chaynapim sutiyta allinta qawachikusaq.

Ezequiel 47:19

Sur lawpi linderonmi qallarinqa Tamar llaqtapi, hinaspam yakupa kanan Meriba-cades lawkama chutarikuspan Egipto wayqonta Mediterráneo lamar qochaman chayanqa.

Amós 9:9

Ñoqam kamachisaq Israelpa mirayninkuna llapa nacionkunapa suysusqan kanankupaq; imaynam trigota harneropi suysuptinku mana chullallapas allpaman wichinchu, chayna suysusqa kanankupaq.

Zacarías 8:7

Tukuy Atiyniyuq Tayta Diosmi kaynata nin: Ñoqapunim llaqtayta libramusaq, intipa qespimunan lawpi nacionkunamanta, intipa seqaykunan lawpi nacionkunamantapas.

Lucas 15:4

¿Mayqannikichiktaq qamkunamanta pachak ovejanmanta huknin chinkaruptin isqon chunka isqonniyuqta purunpi saqeykuspa, chay chinkaq ovejata tarimunankama mana maskamunmanchu?

Juan 10:16

Kachkantaqmi kay corralpi kaqkunamanta sapaq ovejaykunapas. Paykunatapas pusamuptiymi qayakuyniyta uyarinqaku, chaynapim huk kanchallaña kanqaku, michiqninkupas hukllañam kanqa.

Juan 6:37

Taytapa qowasqankunaqa llapallanmi ñoqaman hamunqa, ñoqaman hamuqtaqa manam qarqonichu.

Josué 15:4

Chaymantam Asmón lawman rispan Egipto wayqoman chayaspa Mediterráneo lamar qochapi tukurqa. Chaykamam Judá ayllupa allpan sur lawman chayarqa.