Isaías 27:11 - CHUYA QELLQA La Biblia en Quechua de Ayacucho 2012

¹¹ Sachapa kallmanpas chakiruspaqa pakirunmi, warmikunam chaykunata huñuruspa ninata ratachinku. Mana yachayniyuqmi kay llaqtaqa, chayraykum unanchaqninpas mana llakipayanqachu, nitaqmi paykunataqa kuyapayanqachu.

Quechua Ayacucho Bible 1987

¹¹ Sachapa kallman chakiruptinmi pakiparunku. Warmikunam chaykunata huñuruspanku ninata ratachikunku. Mana entiendeq runakunam kay runakunaqa. Unanchaqninkupas manam llakipayanqachu paykunataqa. Ruraqninkupas manam kuyapayanqachu paykunataqa.

Chuya Qellqa 1992

¹¹ Sachapa kallmanpas chakiruspaqa pakirunmi, warmikunam chaykunata huñuruspa ninata ratachinku. Mana yachayniyuqmi kay llaqtaqa, chayraykum unanchaqninpas mana llakipayanqachu, nitaqmi paykunataqa kuyapayanqachu.

Isaías 27:11 Iomraidhean Croise

Isaías 1:3

Toropas dueñontaqa reqsinmi, asnopas dueñompa ruwapusqan corraltaqa reqsinmi. Israel llaqtaymi ichaqa mana reqsikuq hinaspa mana uyarikuq rikurirun.

Isaías 18:5

Uvaspas sisayta tukuruspa, rurunkunapas poqoyta qallaykuptin, manaraqpas cosechayta qallarichkaptinkum, kallmankunata machetewan rawmanqa, ikllipankunatapas kuchuparuspam wischunqa.

Isaías 43:1

Jacobpa miraynin Israel llaqta, unanchaqniki Tayta Diosmi kaynata nisunki: Ama manchakuychu, ñoqam libramurqayki sutikimantam qayamurqayki, qamqa ñoqapam kanki.

Isaías 43:7

Sutiywan sutichasqakunata, hatunchasqa kanaypaq unanchasqaykunata, ñoqallapaqña kananpaq ruwasqay runaykunatam pusamusaq, nispa.

Isaías 44:2

Mamaykipa wiksanpi paqarichisuqnikim, unanchasuspayki yanapaqniki Tayta Diosmi kaynata nin: Serviqniy Jacobpa mirayninkuna, akllakusqay Jesurún llaqta, ama manchakuychu.

Isaías 44:24

Reclamaqniki Tayta Diosmi, manaraqpas nacechkaptiki unanchasuqnikim kaynata nin: Ñoqaqa tukuy imapas unanchaq Tayta Diosmi kani, ñoqam cielokunata mastarirqani, mana pipapas yanapasqanmi kay pachata takyachirqani.

Isaías 5:13

Chaynaqa, mana yachayniyuq kasqanraykum llaqtayqa huklaw nacionman presochasqa rinqa. Paykunamanta reqsisqa runakunam yarqaymanta wañunqaku, llapallankum yakumanta chakinqaku.

Isaías 9:17

Chaymi Señorqa mana llakipayanqachu jovenkunatapas, viudakunatapas, mana tayta-mamayuqkunatapas, llapallanku millakuypaq llullallaña kasqankurayku, chaynataq yanqakunata rimaq kasqankurayku. Chaywanpas Tayta Diosqa, hinallam piñasqa kachkan atiyninwan castigananpaq.

Jeremías 11:16

Ñoqam sumaq ruruyuq rapisapa aceitunas sachawan suticharqayki. Kunanmi rayowan hina ninata ratarirachispay kañarusqayki, hinaptinmi kallmaykikunapas toqyasparaq rupanqa.

Jeremías 13:14

Hinaspaymi urpukunata takanachispa pakichkaq hina taytantawan churinta takanachisaq. Manam pampachasaqchu, nitaqmi llakipayasaqchu, paykunata wañuchispayqa manam kuyapayasaqchu, nispa. Ñoqa Tayta Diosmi chaynata nini.

Jeremías 16:5

Tayta Diosqa kaytapas niwarqataqmi: Wañuqpa wasinmanqa amam yaykunkichu, amam waqaysinkichu nitaqmi llakiysinkichu. Kay llaqtamantam qechuruni, hawkayay, kuyakuy hinaspa llakipayakuy qosqayta. Ñoqa Tayta Diosmi chaynata nini.

Jeremías 25:37

Tayta Diosmi anchata piñakuruspan kuyayllapaq pastokunata chinkarachin.

Jeremías 4:22

Tayta Diosmi kaynata nin: Llaqtayqa mana yachayniyuqmi, manam reqsiwankuchu; paykunaqa mana yachayniyuq churikunam, paykunaqa mana yuyaymanayniyuq runakunam; mana allin ruwaypaqmi ichaqa yachaysapallaña, allin ruwaytam ichaqa mana yachankuchu.

Jeremías 8:7

Alton pawaq cigüeñapas yachanmi haykapim kutimuyta, kullkupas, wayanakuypas, chiwakupas yachanmi huklawman astakuyta. Runaykunam ichaqa ñoqa Tayta Diospa kamachikuyniykunata mana yachankuchu.

Ezequiel 19:12

Ichaqa piñakuywan chutaruspankum pampaman wischuykurqaku. Intipa qespimunan lawmanta hamuq wayra chakirachiptinmi rurunkunapas wichirurqa, kallmankunapas chakiruptinmi ninamanña wischuykurqaku.

Ezequiel 20:47

Chay montekuna lawmanyá ñoqa Tayta Diospa nisqayta kaynata niy: Chaypi kaq sachakunata kañaykuptiymi verde sachakunatawan chaki sachakunatapas ruparunqa, chay ninaqa manaña amachay atina kaspanmi chaypi yachaq runakunapa uyantapas lliw rupanqa, sur lawmanta qallaykuspa norte lawkama.

Ezequiel 9:10

Paykunataqa manaña llakipayaspam castigasaq, paykunamanqa imaynam kawsasqankuman hinam pagapusaq, nispa.

Oseas 4:14

Ichaqa, hayka qariwanña churikichik puñukuptinpas hukwan-hukwanña llumchuynikichik waqllikuptinpas paykunataqa manam castigasaqchu; qamkunapunipas chuchumika warmikunawan, idolokunata qachakuyninwan serviq warmikunawan qachakusqaykichikrayku. Chayraykum mana yachayniyuq llaqtaqa tuñichisqa kanqa.

Oseas 4:6

Mana yachayniyuq kasqanraykum llaqtayqa chinkachisqa karqa. Yachachikuyniyta wischupakusqaykiraykum sacerdote kaynikimantapas qarqorusqayki; Diosnikipa kamachikuyninkunata qonqarusqaykiraykum ñoqapas miraynikikunata qonqarusaq.

Mateo 13:15

Kay runakunapaqa sonqonkupas rumiyasqam kachkan, rinrinkupas upayasqam kachkan, ñawinkupas wichqasqam kachkan. Mana qawakunankupaqmi ñawinkutapas wichqarunku, mana uyarinankupaqmi rinrinkutapas taparunku, chaynapi mana entiendenankupaq nitaq ñoqaman kutirikamunankupaq, chaynapi ñoqapas mana sanoyachinaypaq”, nispa.

Mateo 13:19

Ñanman wichiykuq muhum Diospa munaychakuyninmanta palabrata uyarichkaspan mana entiendeq runaman rikchakun, paypa sonqonpi tarpusqa muhuta supay hamuruspa qechurusqanrayku.

Mateo 3:10

Hachaqa ñam sachakunapa sapinman churasqaña kachkan. Mana allin ruruq sachakunaqa kuchusqa kaspam ninaman wischusqa kanqa.

Juan 15:6

Pipas ñoqapi mana takyaqqa qorusqa kallma hinam wischusqa kanqa, chakiruspanmi ninapi rupananpaq wischusqa kanqa.

Romanos 1:28

Diosta mana kaqpaq hina hapisqankuraykum, Diospas mana allinkuna yuyaymanaymanña saqeykun, chaynapi mana ruwana kaqkunataña ruwanankupaq.

Romanos 1:31

allin kaqkunatapas mana entiendey munaqkuna, rimasqankutapas mana ruwayman churaqkuna, mana kuyapayakuqkuna, paykunaqa manam pitapas llakipayankuchu.

Deuteronomio 4:6

Kasukuspa ruwaptikichikqa wakin nacionpi runakunam reqsisunkichik qamkunaqa allin yachayniyuq hinaspa allin yuyayniyuq runakuna kasqaykichikta. Paykunapas kay kamachikuykunata yachaspankum ninqaku: “¡Cheqaptapunipas allin yachayniyuq hinaspa allin yuyayniyuq hatun nacionmi kay nacionqa!” nispanku.

1~Tesalonicenses 2:16

paykunaqa mana judío kaqkuna salvakunankupaq allin noticia willanaykutam harkakuwanku. Chaynata ruwaspankum aswan mastaraq huchankuta llimparichichkanku, ichaqa ñam paykunapaq wiñay castigo chayaramunña.

Santiago 2:13

Pipas runamasin mana llakipayaqtaqa juicio punchawpim paytapas Cristo mana llakipayanqachu, runamasin llakipayaqtam ichaqa llakipayanqa.