Isaías 27:1 - CHUYA QELLQA La Biblia en Quechua de Ayacucho 2012

¹ Chay punchawmi Tayta Diosqa hatu-hatun espadanwan, Leviatanwan sutichasqa millqorayaq maqta uruta wañuchinqa, Leviatanwan sutichasqa apurawman kallpaq maqta uruta sipinqa, wañuchinqataqmi lamar qochapi dragontapas.

Quechua Ayacucho Bible 1987

¹ Chay punchawmi culebrata Tayta Dios castiganqa. Manchakuypaq espadawanmi payqa castiganqa. Leviatanwan sutichasqa arwirikuq culebratam castiganqa. Hatun espadawanmi castiganqa chay culebrataqa. Leviatanwan sutichasqa millqoykachakuq culebratam castiganqa. Lamar qochapi manchakuypaq animaltam atiyniyoq espadanwan castiganqa.

Chuya Qellqa 1992

¹ Chay punchawmi Tayta Diosqa hatu-hatun espadanwan, Leviatanwan sutichasqa millqorayaq maqta uruta wañuchinqa, Leviatanwan sutichasqa apurawman kallpaq maqta uruta sipinqa, wañuchinqataqmi lamar qochapi dragontapas.

Isaías 27:1 Iomraidhean Croise

Jobwan Sutichasqa Libro 26:13

Pukuyninwanmi cielokunata puyumanta limpiarun, makinwanmi millqoykachaq maqta uruta wañurachin.

Jobwan Sutichasqa Libro 3:8

¡Ima allincha kanman karqa chay punchawta ñakaqkuna ñakaptinkuqa, Leviatanta rikcharichiy yachaqkuna ñakaptinkuqa!

Jobwan Sutichasqa Libro 40:19

Paytaqa llapallanmanta puntatam unancharqani, ñoqa unanchaqllanmi wañuchiyta atiyman.

Jobwan Sutichasqa Libro 41:1

¿Yaqachu Leviatán sutiyuq animalta anzuelowan hapiruwaq? ¿Yaqachu qallunta lazowan wataruwaq?

Isaías 26:21

Tayta Diosqa maypim kasqanmantam lloqsimunqa, paypa contranpi huchallikusqankuraykum kay pachapi yachaqkunata castigananpaq hamunqa; kay allpaqa manañam wañusqakunapa yawarninta pakanqañachu, wañusqakunatapas manañam pakanqañachu.

Isaías 51:9

¡Rikchariy! ¡Tukuy Atiyniyuq Dios Taytalláy, rikchariy! Atiywan pachakuy, ñawpaq watakunapi hina rikchariy, ñawpaq tiempokunapi hina rikchariy. ¿Manachum qamqa lamar qochapi manchakuypaq Rahab sutiyuq animalta tuksiparurqanki?

Isaías 65:12

guerrapi wañunaykichikpaq citaykichik, qonqoraykachispam kunkaykichikta kuchusunkichik. Qamkunaqa qayaptiypas manam uyariwarqankichikchu, rimapayaptiypas manam kasuwarqankichikchu; aswanqa qawachkaptiymi mana allinkunata ruwarqankichik, mana munasqay kaqkunatam akllarqankichik, nispa.

Isaías 65:25

Atoqwan malta ovejapas kuskankum mikunqaku, leonpas toro hinam pajataña mikunqa, maqta urupas allpatañam mikunqa. Chuyanchasqay orqopiqa manañam ima mana allin ruwanakuypas kanqañachu, nispa.

Isaías 66:16

Tayta Diosqa ninawanmi juzganqa, guerrawanmi llapallan runakunata juzganqa, Tayta Diosqa achka-achkatam wañuchinqa, nispa.

Jeremías 47:6

Tayta Diospa espadan, ¿haykapitaq samanki? Vainaykiman kutiykuspayki samaykuyña.

Jeremías 51:13

¡Yaw, Babilonia nación! Iskay hatun mayukunapa chawpinpim yachanki, tukuy imayuq apu-apum kankipas. Puchukanayki punchawmi chayaramunña, wañunayki punchawmi chayaramunña.

Jeremías 51:34

Sión llaqtam kaynata nin: Babiloniapa reynin Nabucodonosormi ñutuparuwaspan mikuruwarqa, mana imayuq platota hinam saqeruwarqa, rakrapu hinam millpuruwarqa, ñoqawan wiksanta huntarachispanmi atqoruwarqa.

Ezequiel 29:3

Ñoqa Tayta Diospa nisqayta kaynata niy: Egipto nacionpa reynin Faraón, ñoqam contraykipi kachkani, mayupa chawpinpi wischurayaq manchapa hatun animal hinam kanki. Qanmi kaynata nirqanki: “Nilo mayuqa ñoqapam, ñoqam unancharqani”, nispayki.

Amós 9:3

Carmelo orqopa puntanpiña pakakuptinkupas chaypi maskaykuspaymi hapimusaq; qayllaymanta lluptinankupaq lamar qochapa ukunpiña pakakuptinkupas, maqta uruta kamachiptiymi chaypi kachumunqa.

Apocalipsis 12:3

Huktawanmi huk señalta hanaq pachapi rikururqani: Hatun puka animal Dragonta, chay animalmi kasqa qanchis umayuq, chunka waqrayuq, sapa umankunapiñataqmi huk corona kasqa.

Apocalipsis 13:11

Chaymantam huk animalta kay pachamanta qespimuchkaqta rikurqani. Chaypam kasqa Corderopa hina iskay waqrankuna, rimayninñataqmi kasqa Dragonpa rimaynin hina.

Apocalipsis 13:4

Chay Dragontam yupaycharqaku manchakuypaq animalman atiyta qoykusqanrayku. Yupaycharqakutaqmi chay manchakuypaq animaltapas: ¿Pitaq kay manchakuypaq animal hinaqa kanman? ¿Pitaq paywanqa peleanman? nispanku.

Apocalipsis 16:13

Rikurqanitaqmi Dragonpa siminmantawan manchakuypaq animalpa simin-manta hinaspa pantachikuq profetapa siminmanta karyakunaman rikchakuq kimsa mana allin espiritukuna lloqsimuqta.

Apocalipsis 17:1

Qanchis angelkunamanta kaq, qanchis copayuq huknin angelmi asuykamuwaspan kaynata niwarqa: Kayman hamuy, hinaptinmi achka yakukunapa hawanpi tiyaq chuchumika warmipa imaynam castigasqa kananta qawachisqayki.

Apocalipsis 17:15

Angelqa niwarqataqmi: Chuchumikapa tiyasqan achka yaku-kuna rikusqaykiqa, llaqtakunam, runa-kunam, nacionkunam hinaspa tukuy rikchaq rimayniyuqkunam.

Apocalipsis 19:21

Wakiqninkuñataqmi caballopi silla-kuqpa siminmanta lloqsimuq espadawan wañuchisqa karqaku, hinaptinmi alton pawaq llapallan animalkuna saksarurqaku paykunapa aychankuwan.

Apocalipsis 2:16

Chaynaqa, huchaykimantayá wanakuy, mana wanakuptikiqa chaylla qanman hamuruspaymi simiymanta lloqsimuq espadawan paykunapa contranpi peleasaq.

Apocalipsis 20:2

Chay angelmi ñawpaq maqta uruwan sutichasqa dragonta hapirurqa, chay dragonqa Satanaswan sutichasqa Diablom, paytam waranqa watapaq chaqnarurqa.