Isaías 26:7 - CHUYA QELLQA La Biblia en Quechua de Ayacucho 2012

⁷ Allin ruwaq runapa ñanninqa mana pantayniyuqmi, qamqa ñannintapas aswanraqmi allichaykunki.

Quechua Ayacucho Bible 1987

⁷ Pampalla ñan hinam allin ruraqkunapa vidanqa. Qam allin ruraq Diosmi pampallata ruranki chay ñannintaqa.

Chuya Qellqa 1992

⁷ Allin ruwaq runapa ñanninqa mana pantayniyuqmi, qamqa ñannintapas aswanraqmi allichaykunki.

Isaías 26:7 Iomraidhean Croise

1~Crónicas 29:17

Dios Taytalláy, yachanim runakunapa sonqonta qawasqaykita, sonqomanta ruwaqkunatam qamqa kuyanki, chayraykum allin sonqoywan tukuy kaykunata ofrecemuyki. Kunanmi huñunasqa llaqtaykita qawaykuni, tukuy sonqomanta kusikuywan ofrendanku qosusqaykita.

Jobwan Sutichasqa Libro 31:6

Diosyá mana suwakuq balanzapi pesaykuwachun, chaypim yachanqa mana huchayuq kasqayta.

Proverbios 11:5

Allin kawsakuyqa mana huchayuqpa ñannintam allichan; mana allin runam ichaqa mana allin ruwayninkunawan wichinqa.

Proverbios 20:7

Allin ruwaq runaqa allin kawsakuypim purin, churinkunapas pay hina kawsaspankuqa ancha kusisqam kanqaku.

Proverbios 21:8

Mana allin runapa ñanninqa qewi-qewi hinaspa sasallañam, mana pantaspa kawsakuqpa ruwayninmi ichaqa allin.

Proverbios 3:6

Tukuy ima ruwasqaykipipas Tayta Diospi yuyaymanay, hinaptinqa paymi munasqanman hina kawsachisunki.

Proverbios 4:18

Allin runakunapa ñanninqa pacha achikyay hinam, achkimusqanman hinam suma-sumaqta kancharimun.

Isaías 30:18

Chaywanpas Tayta Diosqa llakipayarisunaykichikpaqmi suyasuchkankichik, payqa kuyakuynintam qamkunaman reqsichisunkichik. Allin arreglo ruwaqmi Tayta Diosqa. ¡Mayna kusisqam paypi suyaqkunaqa!

Isaías 35:8

Chaynintam hatun ñan rinqa, Diospaq sapaqchasqa ñanwanmi sutichanqaku. Huchasapakunaqa manam chaynintaqa purinqachu, mana yuyayniyuqkunaqa manam chaynintaqa purinqachu Diospuni paykunawan kasqanrayku.

Isaías 42:16

Ñawsakunatam mana reqsisqanku ñanninta pusasaq, ñawpaqninkupim tutayayta achkiyman tikrasaq, ranra ñantam pampa ñanmanña tikrasaq. Paykunapaqmi tukuy kaykunata ruwasaq, paykunataqa manam saqesaqchu.

Isaías 52:12

Manam kallpayllachu lloqsinkichikqa, nitaqmi ayqechkaq hinachu ripunkichikqa, aswanqa Tayta Diosmi ñawpaqnikichikta rinqa, hina kikintaqmi qepaykichiktapas hamunqa.

Isaías 57:2

Paykunaqa hawka kaymanmi yaykurunku, sepulturankupim hawkaña samarunku.

Jeremías 10:23

Dios Taytalláy, yachanim, runaqa manam kawsayninmantaqa dueñochu, runaqa manam yachakunchu imayna kanantapas.

Oseas 14:9

Yachayniyuq runaqa kay willakuyniyta entiendechun, allin tanteakuq runaqa kay nisqaykunata yachachun. Diospa ñanninkunaqa mana pantayniyuqmi, allin ruwaq runaqa chaynintam purinqa, mana kasukuq runakunam ichaqa chaypi urmarunqa.

Sofonías 3:5

Tayta Diosmi ichaqa chawpinkupi allinllata ruwan, mana allintaqa manam ruwanchu, Payqa sapa achikyaqtam kamachikuyninkunata rimarin. Mana allin runam ichaqa mana penqakuq qara uya.

1~Corintios 4:5

Chaynaqa, qamkunapas amayá manaraq tiemponpiqa juzgaychikchu, Señorninchik Jesucristo hamuspan tutayaypi pakasqa kaqkunata achkiyman hurqomunankama. Paymi qawachinqa runakunapa sonqonpa munasqankunata, chayraqmi sapakamata Dios hatunchanqa.

2~Corintios 1:12

Kaywanmi kusisqa kachkaniku, ñoqaykuqa kay pachapipas chaynataq qayllaykichikpipas allintam kawsarqaniku. Diosmi yanapawarqaku mana engañakuspa payllapaqña kawsanaykupaq, chaynataqa kawsarqaniku manam yachayniyuq kasqaykuraykuchu.

Efesios 2:10

Diospa ruwasqanmi kanchik, paymi unanchawarqanchik Cristo Jesuswan huklla kaspa allinkunata ruwananchikpaq, chaykunataqa Diosmi ñawpaqmantaraq ruwarqaña chayman hina kawsananchikpaq.

1~Juan 3:10

Suti reqsiyllam Diospa churinkunaqa, suti reqsiyllataqmi diablopa churinkunapas. Allin kaqkunata mana ruwaqqa hinaspa runamasinta mana kuyaqqa, manam Diospa churinchu.

1~Juan 3:7

Churillaykuna, amayá piwanpas engañachikuychikchu, pipas allin ruwaqqa Jesucristo hina allin ruwaqmi.