Isaías 26:3 - CHUYA QELLQA La Biblia en Quechua de Ayacucho 2012

³ Dios Taytalláy, qamllapi tukuy sonqonwan hapipakuspa mana iskayrayaq runatam qamqa hawkallata waqaychanki.

Quechua Ayacucho Bible 1987

³ Dios Taytalláy, mana iskayrayaspa piensaq runatam hawkallata waqaychanki. Qamllapi hapipakuq runatam hawkallata waqaychanki.

Chuya Qellqa 1992

³ Dios Taytalláy, qamllapi tukuy sonqonwan hapipakuspa mana iskayrayaq runatam qamqa hawkallata waqaychanki.

Isaías 26:3 Iomraidhean Croise

1~Crónicas 5:20

Paykunam peleachkaspanku Diosta mañakurqaku, chaymi Diosman hapipakusqankurayku yanapaptin, Agarta yanapaqninkunatawan kuskata vencerurqaku.

2~Crónicas 13:18

Chaynapim Israel runakunaqa penqaypi karqaku, Judá runakunam ichaqa kallpanchasqa karqaku ñawpaq taytankupa Diosninpi hapipakusqankurayku.

2~Crónicas 16:8

Etiopía tropakunawan Libia tropakunaqa, ¿manachum achkallaña karqaku? ¿Manachum carretakunawan sillada tropankunapas achkallaña karqaku? Chaywanpas Tayta Diosman hapipakusqaykiraykum makikiman churaykurqa.

Isaías 12:2

Diosnilláy, qanmi kanki salvaqniyqa, qamllapim hapipakusaq, ñoqallayqa manañam manchakusaqchu, amparoypas takiypas qamllam kanki, qamllam salvaqniyqa kanki, nispa.

Isaías 26:12

Dios Taytallayku hawkallatam kawsachikuwankiku, qamllam tukuy ruwayniykutapas ruwarunki.

Isaías 27:5

Sichum waqaychanayta munaspaqa ñoqawan amistachun, arí, ñoqawan allinyanakuchun.

Isaías 31:1

¡Ay, imaynaraq kanqaku Egipto nacionman rispa yanapakuy maskaqkuna! Egiptopa caballonkunapi, kallpasapa silladankunapi, achkallaña carretankunapi hapipakuqkuna; ichaqa manam Israelpa Chuya Diosninpiqa hapipakunkuchu, nitaqmi Tayta Diostaqa maskankuchu.

Isaías 32:17

Allinkuna ruwaymi hawkayaytawan, hawka samakuyta hinaspa hawka kawsakuyta, wiña-wiñaypaq rurunqa.

Isaías 32:18

Chaymi llaqtayqa waqaychasqa wasikunapi hawkalla yachakunqaku, mana pipapas ima nisqanmi hawkalla yachanqaku.

Isaías 42:19

¿Pitaq ñawsaqa? ¿Manachum serviqnillay? ¿Pitaq mana uyariqqa? ¿Manachum willakunanpaq kachasqay? ¿Pitaq ñoqa Tayta Diospa akllasqay serviqniy hina llumpay ñawsaqa?

Isaías 42:6

Ñoqa Tayta Diosmi qayarqayki, makikimantam hapisqayki, waqaychaspaymi runakunawan pacto ruwasqay kanaykipaq churasqayki, nacionkunata kanchanaykipaqmi churasqayki.

Isaías 48:2

“Tayta Diospa sapaqchasqa llaqtanmi kaniku” niqkuna, Israelpa Tukuy Atiyniyuq Diosninpi hapipakuq tukuqkuna, kayta uyariychik:

Isaías 49:8

Tayta Diosmi kaynata nin: Allin punchawkuna kachkaptillanraqmi uyariykuyki, salvanay punchawpim yanapaykuyki. Waqaychaspaymi llaqtakunawan qamnintakama pactota ruwanaypaq churasqayki, chaynapi tuñisqa llaqtakunata hatarichinaykipaq, purmachisqa allpakunata hapispa rakinaykipaq,

Isaías 50:1

Tayta Diosmi kaynata nin: ¿Maypitaq kachkan mamaykichikwan rakinakuspay acta ruwanakusqay? ¿Pikunawantaq manu karqani qamkunata rantikunaypaq? Huchaykichikraykum rantikusqa karqankichik, mana kasukuq kasqaykichikraykum mamaykichiktapas qarqorurqani.

Isaías 50:10

Tayta Diosllata kasukuqkuna, serviqninpa willakusqanta uyariqkuna, tutayaypi purispa achkita mana tariy atiqkuna, Tayta Diosllaman hapipakuychik, Diosllaykichikman hapipakuychik.

Isaías 66:12

Ñoqa Tayta Diosmi nini: Hawkayaytam mayuta hina Jerusalenman kacharimusaq, nacionkunapa tukuy ima kapuqnintam lloqllata hina chayachimusaq. Paymi qamkunata mikuchisunkichik, marqayninpi apakachasqam kankichik, wawanta moqonpi tusuchichkaq mama hinam kuyasunkichik.

Jeremías 39:18

Paykuna wañuchisunaykimantam librasqayki. Ñoqapi hapipakusqaykiraykum vidaykita salvasaq. Ñoqa Tayta Diosmi chaynata nini.

Daniel 3:17

Rupachkaq hornoman wischuykachiwaptikikupas yupaychasqayku Diosniykum libra-wanqaku, librawanqakutaqmi maki-kimantapas.

Daniel 3:28

Hinaptinmi rey Nabucodonosor chaylla nirqa: Sadracpa, Mesacpa, Abed-negopa Diosnin hatunchasqa kachun. Paymi angelninta kachamurqa hapipakuqnin serviqninkunata libraykunanpaq. Arí, paykunaqa Diosnillankuta hatunchayta munaspankum ñoqapa kamachikusqaytapas mana kasukurqakuchu, wañuytapas mana manchakuspankum huk dioskunataqa mana yupaycharqakuchu.

Daniel 6:23

Chaymi reyqa anchallataña kusikuspan kamachikurqa, Danielta leonkunapa uchkunmanta hurqomunankupaq. Hur-qoruspa qawaptinkum mana ima heridallanpas kasqachu, Diosninpi hapipakusqanrayku.

Miqueas 5:5

Paymi hawkayayta apamuwasun Asiria nacionña llaqtanchikman hamuspan palacionchikkunaman yaykuptinpas, paykunapa contranpim qanchis michiqkunatawan ancha reqsisqa pusaq kamachikuqkunata kachaykusun.

Juan 14:27

Hawkayaytam saqekichik, hawkayayniytam qoykichik, kay hawkayay qosqayqa manam runakunapa qosqan hinachu. Amayá hukmanyaychikchu nitaq manchakuychikpaschu.

Juan 16:33

Kaykunataqa nikichik hawkayayta ñoqapi tarinaykichikpaqmi. Kay pachapiqa ñakarinkichikmi, ichaqa kallpanchakuychikyá, kay pachapi mana allinkunataqa venceruniñam, nispa.

Romanos 5:1

Iñisqallanchikraykum Diosqa mana huchayuqpaqña chaskiwanchik, Señorninchik Jesucristontakamam Dioswan hawkayayta haypanchik.

Filipenses 4:7

Diosninchikmi hawkayayta qosunkichik, chaytaqa manam runaqa entiendeyta atinchu, chay hawkayaymi sonqoykichiktawan yuyaymanaynikichikta Jesucristopi waqaychanqa.