Isaías 26:20 - CHUYA QELLQA La Biblia en Quechua de Ayacucho 2012

²⁰ Llaqtalláy, wasikichikman yaykuychik, punkuykichikta wichqakamuspa chaypi pakakamuychik, Diospa piñakuynin pasarunankama pakakamuychik.

Quechua Ayacucho Bible 1987

²⁰ Runamasillaykuna, rispaykichikyá cuartoykichikman yaykuychik. Punkuykichikta wichqakamuspayá chaypi pakakamuychik. Tayta Diospa piñakuynin pasarunankamayá ratollapas pakakamuychik.

Chuya Qellqa 1992

²⁰ Llaqtalláy, wasikichikman yaykuychik, punkuykichikta wichqakamuspa chaypi pakakamuychik, Diospa piñakuynin pasarunankama pakakamuychik.

Isaías 26:20 Iomraidhean Croise

Génesis 7:1

Chaymantam Noeyta Tayta Dios nirqa: Aylluykikunapiwan kuska arcaman yaykuy, llapallan runakunamantam qamta allin ruwaqta qawayki.

Génesis 7:16

Tukuy rikchaq animalkunam chinantin orqontin arcaman yaykurqaku Diospa kamachisqanman hina, chaymantam arcapa punkunta Tayta Dios wichqarurqa.

Jobwan Sutichasqa Libro 14:13

¡Ima allinraq kanman piñakuyniki pasanankama wañuqkunapa kasqanpi pakaykuwaptikiqa! ¡Ima allinraq kanman plazota qoykuwaspayki yuyariwaptikiqa!

Proverbios 18:10

Tayta Diospa sutinqa mana tuñichiy atina torre hinam, allin runaqa chayman kallpaspam amparakun.

Proverbios 22:3

Allin tanteakuq runaqa sasachakuyta qawarispam suchurikun, mana yachayniyuq runam ichaqa sasachakuyman yaykuruspan ñakarin.

Isaías 10:25

Manapas unaymantam contraykichikpi piñakuyniy tukurunqa, piñakuyniyqa enemigoykikunatañam pasaypaqta chinkachinqa, nispa.

Isaías 10:5

¡Ay, imaynaraq kanqa Asiria nacionpa reynin! Payqa castiganaypaq makiypi kaspim, piñakuyniytam makinman churani.

Isaías 13:5

Karu nacionkunamantam hamuchkanku, kay pachapa cantonkunamantam hamuchkanku. Tayta Diosmi piñakuyninwan armasqa hamuchkan, kay pachata purmachinanpaqmi hamuchkan.

Isaías 34:2

Tayta Diosmi llapa nacionkunapaq chaynataq tropankunapaqpas piñasqa kachkan, wañuchispa chinkachisqa kanankupaqmi payqa hapiykachin.

Isaías 51:16

Cielokunatam mastarirqani, kay pachatam takyachirqani. Simikimanmi palabraykunata churarqani, makiypa llantuyninwanmi harkarqayki. Sionpi yachaqkunatam nini: “Llaqtaymi qamqa kanki”, nispay.

Isaías 51:4

Llaqtalláy chaylla uyariway, runaykuna allinta uyariwaychik: Yachachikuykunam ñoqamanta lloqsimunqa, kamachikuyniymi runakunata kancharinqa.

Isaías 66:14

Chayta qawaspam sonqoykichik kusikunqa, llanllariq qora hinam tulluykichikpas musoqyanqa. Tayta Diosmi serviqninkunaman atiyninta reqsichinqa, enemigonkunamanmi ichaqa piñakuyninta rikuchinqa.

Jeremías 31:14

Sacerdotekunamanmi allinnin mikuykunata qosaq, llaqtaymi allinkuna qosqaywan saksasqa kanqa. Ñoqa Tayta Diosmi chaynata nini.

Jeremías 7:23

Paykunataqa kaynatam nirqani: Nisqaykunata kasu-kuptikichikqa ñoqam Diosnikichik ka-saq qamkunañataqmi llaqtay kanki-chik, nisqaykunaman hinayá kawsaychik, chaynapi ima ruwasqaykichikpas allin kananpaq.

Ezequiel 11:16

Chaynaqa, ñoqa Tayta Diospa nisqayta paykunaman kaynata nimuy: Paykunatam kay nacionmanta qarqoruspay tukuy hinastinman cheqerachirqani, ichaqa manam unaypaqchu. Chaywanpas maypiña kaptinkupas ñoqam paykunapa santuarion kasaq.

Daniel 11:36

Norte nacionniyuq reymi tukuy imam munasqanta ruwanqa, hatun tukuspanmi kaynata ninqa: “Ñoqaqa llapallan dioskunapapas hawanpim kachkani”, nispa. Payqa Diospa contranpipas millakuypaq mana allinkunatam rimanqa. Payqa tukuy imapim allinllaña lloqsinqa Diospa piñakuynin payta hayparunankama. Diosqa imam tanteasqantaqa ruwanqapunim.

Sofonías 2:3

Kay pachapi llapallan llampu sonqo runakuna, kamachikuyninkunata ruwayman churaq runakuna, Tayta Diosta maskaychik. Allin kaqkunata ruwaychik, uchuychakuychik, hinaspaqa icharaqpas Tayta Diospa piñakuynin punchawmanta pakaykusqaraq kawaqchik.

Mateo 23:37

¡Jerusalén, Jerusalén! ¡Profetakunata wañuchispam qanman kachamusqakunata rumiwan chamqapanki! ¡Hayka kutitataq wawaykikunata huñuykuyta munarqani! imaynam chiwchinkunata wallpa rapran ukupi oqllaykuq hina, ichaqa manam munarqankichu

Mateo 6:6

Qamyá ichaqa, mañakunaykipaqqa cuartoykiman yaykuy hinaspa punkuta wichqaykuspa mana pipapas rikusqallanta Dios Taytaykita mañakuy, chaynapim pakasqallapi ruwasqaykita rikuq Taytayki premioykita qosunki.

2~Corintios 4:17

Ñakariykunaqa pisillam hinaspa pasaruqllam, chaymantañam chaskisunchik mana imawanpas tupachiy atina wiña-wiñaypaq hatun kaqkunata.