Isaías 26:16 - CHUYA QELLQA La Biblia en Quechua de Ayacucho 2012

¹⁶ Dios Taytallayku, sasachakuypi kaspaykum maskaykiku, ñakarichiwaptikikum mañakuykiku.

Quechua Ayacucho Bible 1987

¹⁶ Dios Taytalláy, llakikuypi kaspaykum maskarqaykiku. Qasillallamantam mañakuykiku castigawaptikiku.

Chuya Qellqa 1992

¹⁶ Dios Taytallayku, sasachakuypi kaspaykum maskaykiku, ñakarichiwaptikikum mañakuykiku.

Isaías 26:16 Iomraidhean Croise

Isaías 37:3

Paykunam nirqaku, Ezequiasmi kaynata nin: Kunan punchawqa ancha llakisqa, ñakarichisqa, penqayman churasqam kachkanchik. Wachakunanpaq kachkaspan manaña kallpayuq warmi hinam kachkanchik.

Jeremías 2:27

Qamkunaqa kullutam ninkichik: Taytaymi kanki, nispa; rumitam ninkichik: Churyaqniymi kanki, nispa. Ñoqatañataqmi qepancharuwaspaykichik uyaykichiktapas huklawmanraq muyuchinkichik, ñakarisqaykichik punchawmi ichaqa niwankichik: “Hatarispa salvaykuwayku”, nispa.

Jeremías 22:23

Libanomanta apamusqa cedrokunapa chawpinpim hawkallaña qesaykipi yachachkanki; ichaqa maynataraq qaparkachanki wachakuq warmita hina nanay hapisuptiki.

Jeremías 29:12

Chaymi qayakamuwaspa maña-kuwaptikichik uyarisqaykichik.

Lamentaciones 2:19

Tuta hatarispa qapariy yakuta tallichkaq hina sonqoykimanta Señorman willakuy, makikita hoqarispayki wawaykikunapaq mañakuy, paykunam callekunapi yarqaymanta wañunayachkanku.

Oseas 5:15

Huchankuta reqsikuspanku maskaqniy hamunankukamam maymi kasqayman kutikusaq. Ñakariyninkupim anchata maskawanqaku.

Oseas 7:14

Paykunaqa manam sonqomantachu mañakuwanku, aswanmi puñunankupi sirikuykuspa qaparkachanku. Trigotawan vinota chaskinankuraykum cuerponkuta kuchukunku, hinaspam contraypi hatarinku.

Números 21:7

Hinaptinmi Moisesman rispanku llapa runakuna nirqaku: Tayta Diospa chaynataq qampa contraykipi rimaspam huchallikuruniku. Chaynaqa, Diostayá mañakuy kay maqta urukunata ñoqaykumanta chinkachinanpaq, nispanku. Chaymi Tayta Diosta llapa runakunapaq Moisés mañakurqa.

Apocalipsis 3:19

Ñoqaqa haykam kuyasqaykunataqa qaqchaspaymi castigani. Chaynaqa, tukuy sonqoykiwanyá huchaykikunamanta wanakuy.

Jueces 10:15

Chaymi Tayta Diosta Israelpa mirayninkuna nirqaku: Huchallikurunikum, qamyá ñoqaykuwan munasqaykita ruway; ama hina kaspa kunan libraykullawayku, nispanku.

1~Samuel 1:15

Chaymi Ana nirqa: Manam taytalláy vinotapas nitaq ima sinkachikuqtapas tomarqanichu, ñoqaqa sonqoypi ancha llakisqam kachkani, chaymi Diospa qayllanpi sonqoymanta mañakuchkani.