Isaías 26:11 - CHUYA QELLQA La Biblia en Quechua de Ayacucho 2012

¹¹ Dios Taytallayku, qamqa ñakarichinaykipaqmi chaylla kachkanki, paykunam ichaqa mana musyakunkuchu, llaqtaykita llumpay kuyasqaykita qawaspam penqaypi tarikunqaku. Contraykipi kaqkuna ninawan kañasqa kachunku.

Quechua Ayacucho Bible 1987

¹¹ Dios Taytalláy, castiganaykipaqmi chaylla kachkanki qamqa. Ichaqa manam cuentata qokunkuchu paykunaqa. Runaykikunamanta ancha sienteq kasqaykitayá qawachunku. Chay sientesqaykimantayá paykunaqa penqaypi kachunku. Contraykipi kaqkunapas ninawan kañasqayá kachunku.

Chuya Qellqa 1992

¹¹ Dios Taytallayku, qamqa ñakarichinaykipaqmi chaylla kachkanki, paykunam ichaqa mana musyakunkuchu, llaqtaykita llumpay kuyasqaykita qawaspam penqaypi tarikunqaku. Contraykipi kaqkuna ninawan kañasqa kachunku.

Isaías 26:11 Iomraidhean Croise

Jobwan Sutichasqa Libro 34:27

Chaytaqa ruwan paymanta rakikurusqankuraykum, kamachikuyninkunata mana kasukusqankuraykum.

Éxodo 9:14

kunanmi llapallan castigoyta kacharimusaq qanman, serviqnikikunaman hinaspa runaykikunaman, chaynapim yachanki tukuy kay pachapi ñoqa hina huk Diosqa mana kasqanta.

Isaías 1:31

Kallpasapa runapas qopa hinañam rikurirunqa, ruwasqankunapas nina chispa hinañam kanqa, manaña pipas amachaqnin kaptinmi kuskankuña ruparunqa.

Isaías 10:16

Chayraykum Tukuy Atiyniyuq Diosqa kallpasapa runankunata eqoyachinqa, hatu-hatunllaña kaynintam lenwachkaq ninawan hina ruparachinqa.

Isaías 10:17

Israelpa achkiqnin Tayta Diosmi lenwachkaq ninaman tikrakunqa, huk punchawllapi ruparuspam nacionpi tukuy rikchaq kichkakunatawan qorakunatapas chinkarachinqa.

Isaías 11:13

Efraín castapa envidiakuq kayninpas chinkarunqañam, Judá nacionta cheqniqkunapas tukurunqañam. Efraín castapas manañam Judá castata envidiakunqañachu. Judá castapas manañam Efraín castata ñakarichinqañachu.

Isaías 18:3

Kay pacha muyuriqpi kawsaq runakuna, orqokunapi banderata sayachiptinkum qawankichik, trompetata tocaptinkum uyarinkichik.

Isaías 37:32

Jerusalén llaqtamantam miranqaku, lluptiqkunapas Sión llaqtamantam miranqaku. Tukuy Atiyniyuq Tayta Diospa kuyakuyninmi chaynata ruwanqa.

Isaías 42:13

Tayta Diosqa hatun piñakuywan peleaq soldado hinaraqmi lloqsinqa, qaparispanmi guerrapi peleananpaq qayaykachakunqa, enemigonkunata venceruspanmi munaychakunqa.

Isaías 44:18

Chay runakunaqa manam imatapas yachankuchu nitaqmi yuyaymanankuchu, ñawinkupas mana qawanankupaqmi wichqasqa kachkan, mana entiendenankupaqmi yuyayninkupas tutayasqa kachkan.

Isaías 44:9

Idolokunata ruwaqkunaqa mana imapaq valeq runakunam, ancha kuyasqanku idolokunapas mana imapaq valeqmi. Chaykunaman hapipakuqkunaqa mana rikukuq hinaspa mana musyakuq roqrukunam, chayraykum penqaypi kanqaku.

Isaías 5:24

Imaynam qopata chaylla nina ruparun, imaynam chaki pastota lenwachkaq nina ruparun, chaynam qamkunapas sapinmanta tukusqa kankichik, wayrapa apasqan chaki wayta hina tukusqam kankichik. Chaynaqa, kankichik, Tukuy Atiyniyuq Tayta Diospa yachachikuyninta mana kasukusqaykichikraykum, Israelpa Chuya Diosninpa kamachikuyninkunata wischupakusqaykichikraykum.

Isaías 59:17

Allinkuna ruwasqanwanmi qasqonta hinaspa wasanta harkachikunawan hinaraq churakurqa, salvaq kasqanwanmi cascowan hinaraq churakurqa, vengakuyninwanmi pachawan hina churakurqa, piñakuyninwanmi mantonwan hina capakurqa.

Isaías 60:14

Ñakarichiqnikikunapa churinkunam uchuychakuspanku ñawpaqnikiman hamunqaku, usuchisuqnikikunam ñawpaqnikipi qonqoranqaku, paykunam sutichasunki: “Tayta Diospa llaqtan, Israelpa Chuya Diosninpa Sión llaqtan”, nispanku.

Isaías 63:15

Dios Taytalláy, hanaq pacha suma-sumaq chuya wasikimanta qawarimuy. ¿Maypitaq kachkan atiynikiwan kuyakuynikiqa? ¿Maypitaq kachkan allin sonqo kaynikiqa? ¿Llakipayakuynikichu ñoqaykupaq tukurun?

Isaías 66:15

Tayta Diosqa ninapa chawpinpim hamuchkan, carretankunapas kallpasapa viento hinaraqmi hamuchkan; llumpay piñakuynintam kacharimunqa, lenwachkaq nina hina piñakuyninwami castiganqa.

Isaías 66:24

Lloqsimuspankum contraypi hoqarikuq runakunapa ayankunata qawanqaku. Aychankuta mikuq urukunapas manam wañunqachu, cuerponkuta rupaq ninapas manam tukunqachu. Chaykunaqa llapallan runakunapa millakusqanmi kanqa, nispa. Ñoqa Tayta Diosmi chaynata nini.

Isaías 66:5

Tayta Diospa nisqanta kasukuqkuna uyariychik. Ñoqata kuyawasqaykichikrayku cheqnispa wischusuqnikichik wawqekichikkunam kaynata ninku: “Tayta Diosyá atiyninta qawachikuchun, chaynapi kusikusqaykichikta qawanaykupaq”, nispanku. Ichaqa paykunam penqayman churasqa kanqaku.

Isaías 9:18

Mana allinqa, tukuy rikchaq kichkakunata qorakunata ratachkaq nina hinam, monte sachakunatapas ruparuptinmi chusñankunapas qosninpa chawpinta muyurispa-muyurisparaq wichayman hoqarikun.

Isaías 9:19

Tukuy Atiyniyuq Tayta Dios piñakusqanraykum lliw nacionkuna rupachkan, runakunañataqmi ninapaq yanta hina kachkan. Runakunaqa runamasinta mana kuyapayarikuqñam kachkanku.

Isaías 9:7

Rey Davidpa trononmantam kamachikunqa, munaychakuyninpa atiyninmi tukuy hinastinman chayanqa, munaychakuyninpiqa hawkayaypas manam tukunqachu, munaychakuyninqa wiña-wiñaypaqmi takyanqa. Mana pimanpas sayapakuspam kamachikunqa, allin arreglokunawanmi munaychakunqa, kunanmanta wiña-wiñaykama. Tukuy Atiyniyuq Tayta Diospa kuyakuyninmi chaytaqa ruwanqa.

Jeremías 44:28

Asllañam guerrapi wañunaykichikmanta lluptispa Egiptomanta Judá nacionman kutinkichik. Chaynapim Judá nacionmanta Egiptoman hamuqkuna yachanqaku, ñoqapa rimasqaychus icha qamkunapa nisqaykichikchus cumplikusqanta.

Jeremías 5:3

Dios Taytalláy, qamqa cheqap ruwaqtam maskanki. Castigoykipas manam paykunataqa nanarqachu, ñakarichiptikipas manam corregikuyta munarqakuchu; rumi hinaña rikuriruspankum mana wanakuyta munarqakuchu.

Miqueas 5:9

Dios Taytalláy, enemigoykikunapa contranpi makikita hoqarispaykim, enemigoykikunata pasaypaqta puchukarachinki.

Miqueas 7:10

Chayta qawaspanmi, ¿maytaq Tayta Diosnikiqa? niwaqniy enemigoypas penqakuymanta pakakunqa. Ñoqañataqmi ñanpi mituta hina sarusqata qawaspay kusikusaq.

Miqueas 7:16

Atiynikita qawaykuspankum nacionkunapas atiyninkumanta penqakunqaku, manam rimaytapas nitaq uyariytapas atinqakuchu.

Malaquías 4:1

Tukuy Atiyniyuq Tayta Diosmi kaynata nin: Hamuchkanmi punchaw, horno hina rupachkaq, chay punchawpim hatun tukuqkunawan mana allin ruwaq runakuna lenwachkaq ninapi qopa hina kañasqa kanqaku, paykunapaqqa manam imallankupas puchunqachu.

Mateo 25:41

Ichoqninpi kaqkunatañataqmi ninqa: “Llapa ñakasqakuna ñoqamanta anchuychik, diablopaqwan angelninkunapaq alistasqa wiña-wiñaypaq rawrachkaq ninaman.

Lucas 16:23

Chay apum, wañusqakunapa kasqanpi ñakarichkaspan karumanta qawarispan Abrahamta rikururqa, Lazarotañataq waqtanpi tiyachkaqta.

Hechos 28:27

Kay runakunapa sonqonqa rumiyarunmi, paykunaqa rikurirun sasa uyarikuqmi, ñawinkutapas wichqarunkum mana qawakunankupaq, upa tukurunkum mana uyarikunankupaq, chaynapi tukuy sonqonkuwan mana entiendenankupaq, chaynapi mana kutirikamuwanankupaq, chaynapi mana sanoyachinaypaq”, nispa.

2~Tesalonicenses 1:8

Hinaspam Dios mana reqsiqkunatawan Señorninchik Jesusmanta allin noticia mana kasukuqkunata castiganqa.

Hebreos 10:27

aswanqa mancharikuypaq juicio suyayllañam, chaypim rupachkaq rawraq ninapi enemigonkunata Dios kañanqa.

1~Pedro 3:16

Ichaqa llampu sonqowan hinaspa respetowan ruwaychik, Cristopi iñiqkuna hina allinta kawsaychik, chaynapi allin kawsasqaykichikmanta mana allin rimaqkuna kikinku penqaypi kanankupaq.

Apocalipsis 19:20

Manchakuypaq ani-malmi presochasqa karqa, paypa qay-llanpi admirakuypaq kaqkunata ruwaspa pantachikuq profetawan kuska. Chay señalkunawanmi pantachikuq profetaqa haykam manchakuypaq ani-malpa marcan chaskiqkunata hinas-pa imagennin yupaychaqkunata enga-ñarqa. Chay manchakuypaq animalmi pantachikuq profetapiwan kuska azufreyuq rupachkaq qochaman kawsachkaqlla wischuykusqa karqaku.

Apocalipsis 3:9

Satanaspa sinagoganmanta kaq llullakuspanku “judiom kani” niqkunatapas ñoqam qayllaykipi qonqorachisaq, chaynapim yachanqaku qam kuyasqayta.

1~Samuel 6:9

Ichaqa kaytam qawasunchik, sichum chay carreta qespinqa Bet-semes llaqtaman ñanninta, hinaptinqa chaypim yachasun Israelpa Diosnin kay ñakariykuna churamusqanta, mana chayna kaptinqa yachasunchiktaqmi chay castigoqa mana paymanta hamusqanta, aswanqa yanqa onqoylla kasqanta, nispa.