Isaías 26:1 - CHUYA QELLQA La Biblia en Quechua de Ayacucho 2012

¹ Chay tiempopim, Judá nacionpi kay takita takinqaku: Allin takyasqa llaqtam kapuwachkanchik, salvawanakupaqmi perqakunatawan torrekunata Tayta Dios hatarirachin.

Quechua Ayacucho Bible 1987

¹ Chay tiempopim Juda nacionpi takinqaku kayna niq takita: Mana yaykuy atina llaqtam kapuwachkanchik. Salvakunanchikpaq llaqtam kapuwachkanchik. Murallakunatam Tayta Dios hatarirachin salvaykuwananchikpaq. Amparakuna murallakunatam hatarirachin salvaykuwananchikpaq.

Chuya Qellqa 1992

¹ Chay tiempopim, Judá nacionpi kay takita takinqaku: Allin takyasqa llaqtam kapuwachkanchik, salvawanakupaqmi perqakunatawan torrekunata Tayta Dios hatarirachin.

Isaías 26:1 Iomraidhean Croise

Esdras 3:11

Wakiqmi takikunawan Tayta Diosman graciasta qorqaku, wakiqñataqmi kaynata takispa kutichirqaku: Tayta Diosman ancha kuyakuq kasqanmanta graciasta qoychik, Israelpaq kuyapayakuyninqa wiña-wiñaypaqmi, nispanku. Llapallan runakunam hatun kusikuywan qaparispa Tayta Diosta yupaycharqaku, Tayta Diospa templonpa cimientonta churasqankurayku.

Isaías 12:1

Chay punchawmi ninki: Dios Taytalláy, graciastam qoyki, contraypiña piñakuruchkaspaykipas piñakuynikitam ñoqamanta asuriykachinki. Kunanqa qanmi hawkayayta qoykuwanki.

Isaías 14:31

¡Filisteokuna, qapariyllawanña waqaychik, llakimanta qaparkachaychik, nanaywan qewipakuychik! Norte lawmantam qosni hinaraq tropakuna kallpamuchkanku, soldadokunapas tropanmanta mana chullaykuspam hamuchkanku.

Isaías 2:11

Hatun tukuq runakunapas uchuychasqam kanqaku, hatunchakuqkunapas kumuykachisqam kanqaku. Chay tiempopiqa Tayta Diosllañam hatunchasqa kanqa.

Isaías 2:20

Chay punchawpim llapa runakunaqa, yupaychanankupaq qorimanta qollqemanta ruwakusqanku idolonkunata wischunqaku. Masukunapa ukuchakunapa kasqanmanmi chaykunata wischunqaku.

Isaías 25:9

Chay punchawpim ninqaku: ¡Qawariychik, paymi Diosninchikqa! payllapi hapipakusqanchikraykum salvaykuwanchik, chaynaqa, salvawasqanchikraykuyá anchata kusikusun, nispanku.

Isaías 31:5

Imaynam alton pawaq urpikuna qesanta harkakun, chaynatam Tayta Diospas Jerusalén llaqtanta nanachikunqa, harkakunqa, libranqa hinaspa salvanqa.

Isaías 31:9

Mancharikuymantam manaña kallpayuq rikurinqaku, capitanninkunapas banderankuta saqespam ayqekunqaku, Tayta Diosmi chaynata nin. Paypaqqa Sión moqopim lenwachkaq ninan kachkan. Jerusalén llaqtapiñataqmi hornon kachkan.

Isaías 33:5

Hanaq pachapi yachakuq Tayta Diosmi hatunchasqa kachkan, Sión llaqtatam mana pimanpas sayapakuywan chaynataq allinkuna ruwaywan huntaykun.

Isaías 33:6

Paymi allin kawsakuy qosuqnikiqa, paytaqmi yachaytawan yuyayniyuq kaytapas salvakunaykipaq qosunki; Tayta Diosta manchakuynikim ancha kapuqniyuq kaynikiqa.

Isaías 4:2

Chay tiempopim Tayta Diospa ikllichisqan runa kanqa suma-sumaq kuyayllapaq, Israelpa mirayninkunamanta puchuqkunapa alabakunankupaqmi kanqa. Allpankupa rurun cosechasqankum hatunchakuspa alabakunankupaq kanqa.

Isaías 5:1

Kunanmi kuyaqniypa uvas huertanmanta takita takisaq. Kuyaqniypam uvas huertan karqa, tukuy imapa qespinan waqtapim huertan karqa.

Isaías 56:5

hinaptinqa paykunamanmi churikuna qonaymantapas aswan allin kaqkunata qosaq, temploypa perqankunapim sutinkuta qellqachisaq, mana chinkaq wiñaypaq takyaq sutitam qosaq.

Isaías 60:18

Allpaykipiqa wañuchinakuypas manam uyarikunqañachu, tuñichinakuywan purmachinakuypas manam kanqañachu. Murallaykikunatam “Libraqniy” nispa sutichanki, punkuykikunatam “Yupaychana” nispa sutichanki.

Isaías 62:10

Lloqsiychik, lloqsiychik punkunkunata, llaqtaypaq ñanta allichaychik, ñanta sumaqta kichaychik, ruminkunata wischuychik. Llapallan nacionkuna qawananpaq banderata sayachiychik.

Isaías 62:11

Tayta Diosmi kay pachapa patankama kayta uyarichin: “Sión llaqtaman willaychik Salvaqnin chayamusqanta, Diosmi runankunata pusamuchkan, llamkasqanpa pagontam apamuchkan”, nispa.

Jeremías 33:11

Chaywanpas ñoqa Tayta Diosmi kaynata nini: Kaypim kaqmanta uyarikunqa runakunapa kusikuymanta qapariyninwan asiyninku chaynataq casarakuqkunapa fiesta ruwasqankupas, uyarikunqataqmi: ¡Tukuy Atiyniyuq Tayta Diosman graciasta qoychik! Payqa allin ruwaqmi, kuyakuyninpas wiña-wiñaypaqmi, nisqankupas. Templomanmi kuyakuy ofrendankuta apamunqaku. Chaynaqa kanqa huklaw nacionkunaman preso apasqakunata kay allpaman kutichimuptiymi, chaynapim ñawpaq watakunapi hinaraq kanqaku. Ñoqa Tayta Diosmi chaynata nini.

Ezequiel 40:5

Templopa hawa lawninpim huk murallata rikurqani. Chay runapa hapisqan tupunam kasqa kimsa metro sayayniyuq. Chay murallata tupuruptinmi kasqa kimsa metro sayayniyuq hinaspa kimsa metro anchoyuq.

Zacarías 2:5

Tayta Diosmi kaynata nin: Ñoqam Jerusalenpa muyuriqninpi lenwachkaq nina murallan kasaq, hinaspaymi chawpinpi atiyniyta qawachikusaq, nispa.

Zacarías 2:9

Chayraykum chay nacionkunawan kikiy peleasaq, criadonkunallawanmi tukuy imankutapas qechurachisaq, nispa. Chaynapim yachankichik Tukuy Atiyniyuq Tayta Dios kachamuwasqanta.

Números 21:17

Chayraykum Israelpa mirayninkuna kaynata takirqaku: Pozomanta yaku lloqsimuchun. Pozomanta takisun.

Mateo 16:18

Chaymi ñoqapas niki, qamqa Pedrom kanki, kay rumipa hawanpim iglesiayta hatarichisaq, paytaqa wañuypa atiyninpas manam vencenqachu.