Isaías 24:21 - CHUYA QELLQA La Biblia en Quechua de Ayacucho 2012

²¹ Chay punchawmi Tayta Dios ñakarichinqa hanaq pachapi kaqkunatapas, chaynallataq kay pachapi reykunatapas.

Quechua Ayacucho Bible 1987

²¹ Chay punchawmi cielokunapi mana allin tropakunata castiganqa. Chay punchawmi kay pachapi reykunata castiganqa.

Chuya Qellqa 1992

²¹ Chay punchawmi Tayta Dios ñakarichinqa hanaq pachapi kaqkunatapas, chaynallataq kay pachapi reykunatapas.

Isaías 24:21 Iomraidhean Croise

Isaías 10:12

Tayta Diosñataqmi Sión moqopi hinaspa Jerusalén llaqtapi ruway munasqankunata tukuruspan, Asiria nacionpa reyninta, hatun tukuq kayninwan ruwasqanmanta, alabakuspa, hatunchakuspa ruwasqanmanta castiganqa.

Isaías 13:11

Tayta Diosmi kaynata nin: Kay pachapi runakunatam huchankumanta castigarusaq, mana allinkuna ruwaq runakunatam castigarusaq. Hatun tukuqkunapa hatunchakuynintam tukurusaq, munaychakuspa pay tukuqkunatam kumuykachachisaq.

Isaías 2:12

Tukuy Atiyniyuq Tayta Diospa punchawninmi hamuchkan, hatun tukuqkunata uchuychananpaq, hatunchakuqkunata tuñichinanpaq;

Isaías 24:4

Kay allpam chakiruspan qawirun, lliw kay pacham pasaypaqta qawiruspa chakirun, ancha reqsisqa runakunam hukmanyarun.

Isaías 60:11

Punkuykikunapas tukuy tiempom kicharayanqa, nacionkunamanta qori-qollqeta apamusunaykipaqmi, vencesqa reyninkunata pusamusunaykipaqmi, tuta punchaw kicharayanqa.

Ezequiel 39:1

Runapa churin, Gogpa contranpi profetizaspayki ñoqa Tayta Diospa nisqayta kaynata niy: Mesec hinaspa Tubal lawkunapi kamachikuq Gog, qampa contraykipim kachkani.

Ezequiel 39:5

Ayaykichikpas llutan pampapim wischurayanqa. Ñoqa Tayta Diosmi chaynata nini.

Joel 3:19

Egipto nacionpas purmachisqam kanqa, Edom nacionpas mana imapa kanan chunniqñam kanqa; Judá runakunata ñakarichispanku allpanpipas inocente runakunapa yawarninta chaqchusqankurayku.

Sofonías 1:8

Tayta Diosmi nin: Chay punchawpim kamachikuqkunata, reypa churinkunata, chaynataq huklaw nacionpi pachawan pachakuqkunatapas castigasaq.

Apocalipsis 17:14

Corderowan peleaptinkum Cordero vencerunqa, payqa señorkunapa Señorninmi, reykunapa Reyninmi. Paywan kaqkunaqa Diospa akllasqankunam hinaspa qayasqankunam, paykunaqa qaqa hinam sayachkanku, nispa.

Apocalipsis 18:9

Kay pachapi paywan huchapakuspa kusikuq reykunapas hatu-hatunta llakikuspam paymanta waqanqaku, kañasqankupa qosniyninta qawaykuspankum waqanqaku.