Isaías 24:18 - CHUYA QELLQA La Biblia en Quechua de Ayacucho 2012

¹⁸ Chaynapim manchakuymanta lluptiqpas uchkuman wichiykunqa, uchkumanta lloqsiruspa ayqeqtañataqmi trampa hapirunqa, cielokunapi yakukunam taqtakaykamunqa, kay pachapa cimientonkuna katkatatanankama.

Quechua Ayacucho Bible 1987

¹⁸ Animalkuna hapiqkunapa vozninta mancharikuspa lluptiqmi uchkuman wichiykunqa. Uchkumanta seqamuspa lluptiqmi toqllawan hapirachikunqa. Cielokunapi yakukunam taqtakaykamunqa. Kay pachapa cimientonkunam katkatatanqa.

Chuya Qellqa 1992

¹⁸ Chaynapim manchakuymanta lluptiqpas uchkuman wichiykunqa, uchkumanta lloqsiruspa ayqeqtañataqmi trampa hapirunqa, cielokunapi yakukunam taqtakaykamunqa, kay pachapa cimientonkuna katkatatanankama.

Isaías 24:18 Iomraidhean Croise

Génesis 19:24

Tayta Dios-ñataqmi azufretawan ninata cielomanta parachimurqa Sodoma, Gomorra llaqtakunaman.

Génesis 7:11

Soqta pachak watayuq Noé kachkaptinmi, iskay kaq killapa chunka qanchisniyuq punchawninpi, lamar qochapi yakukuna lloqsimurqa, allpa ukumanta yakukuna toqyamurqa, cielopi yakukunapas taqtakaykamurqa.

2~Reyes 7:2

Chaymi profeta Eliseota reypa yana-paqnin nirqa: Hanaq pachapa ventanankunataña Tay-ta Dios kichaykuptinpas manam chay nisqaykiqa cumplikunmanchu, nispa. Hinaptinmi Eliseo nirqa: Qamqa rikunkim ichaqa manam mikun-kichu, nispa.

Jobwan Sutichasqa Libro 20:24

Fierro armakunamanta lluptiptinpas broncemanta flecham tuksirunqa.

Eclesiastés 9:12

Runaqa manam yachanchu imay horam tukurunantapas. Imaynam challwakuna mallawan hapirachikun, imaynam urpikuna trampaman wichiykun, chaynam runapas qonqaymanta sasachakuyman wichin.

Isaías 13:13

Ñoqa Tukuy Atiyniyuq Tayta Diosmi cielokunata katkatatachisaq sinchi piñakuyniywan, maymi kasqanmantam allpa pachapas asurinqaraq.

Isaías 2:19

Runakunam Tayta Diospa mancharikuypaq qayllanmanta machaykunapi, allpa uchkukunapi pakakunqaku. Diospa piñakuyninmantam lluptinqaku, Diospa chuyay-chuyay qayllanmantam ayqenqaku.

Isaías 2:21

Kay pachata ñakarichinanpaq Tayta Dios rikurimuptinmi mancharikuypaq qayllanmanta runakuna pakakunqaku, Diospa hatun kayninpa kanchariyninmantam pakakunqaku; qaqapa raqrankunamanmi yaykunqaku, orqopi machaykunamanmi ustunqaku.

Isaías 42:22

Chaywanpas kay runakunatam llapa imankuta suwaspa sarunku, machaykunapi hinaspa carcelkunapim presocharunku. Qechuchikuptinkupas manam kanchu paykunamanta nanachikuq, suwachikuptinkupas manam kanchu “qasipuychik” nispa harkaqninku.

Isaías 8:14

Paymi yupaychananku kanqa. Iskaynin nacionkunapaqmi, haytakunanku hinaspa urmachiqninku rumi hina kanqa; Jeru-salén llaqtapi yachaqkunapaqmi, wichichiqninku trampa hina kanqa.

Jeremías 48:43

Moab runakunaqa monte animalkuna hapiqkunapa qatikachasqan hinam kanqaku, uchkumanpas otaq toqllamanpas wichiykuchkaqña hinam kanqaku.

Jeremías 48:44

Ñoqa Tayta Diosmi kaynata nini: Manchakuymanta lluptiqkunam uchkuman wichiykunqaku, uchkumanta lluptiqkunam toqllaman wichiykunqaku. Moab runakunata castiganay tiempo chayaramuptinmi chayna kanqa.

Lamentaciones 3:47

Mancharikuypaq trampakunam, ñakariywan llakikuymi, hawaykuman chayaramurqa.

Ezequiel 11:8

Qamkunaqa guerratam manchakurqankichik, chaynaqa guerratam qamkunaman kacharimusqaykichik. Ñoqa tayta Diosmi chaynata nini.

Ezequiel 12:13

Ñoqañataqmi hawanman mallayta wischuykuspay payta hapirusaq, hinaspaymi Caldea runakunapa yachanan Babilonia nacionman apachisaq, ichaqa manam chay nacionta rikunqachu, hinaspam chaypi wañumunqa.

Ezequiel 15:7

Paykunapa contranpim ñoqaqa sayarisaq, ninapa rupayninmantaña ayqeruptinkupas hina ninam paykunataqa kañanqa. Paykunapa contranpi hatariptiymi Tayta Dios kasqayta yachankichik.

Amós 5:18

¡Ay, imaynaraq kankichik! Diospa punchawnin chayamunanta munaqkuna. ¿Imapaqtaq Diospa punchawnin chayamunanta munankichik? Chay punchawqa kanqa tutayaymi, manam achkiychu.

Amós 5:19

Imaynam leonmanta ayqespan ukumariwan tuparunman, otaq wasinman yaykuspa perqaman tawnapakuykuptin maqta uru kachurunman, chaynapunim chay punchawqa kanqa.