Isaías 24:11 - CHUYA QELLQA La Biblia en Quechua de Ayacucho 2012

¹¹ Vino tukuruptinmi runakuna callekunapi waqachkanku, lliw kusikuyninkum tanirun, kay pachapim kusikuy chinkarun.

Quechua Ayacucho Bible 1987

¹¹ Vino tukuruptinmi callekunapi runakuna waqachkanku. Tanirunmi lliw kusikuyninku. Chinkarunñam kay pachapi kusikuyninku.

Chuya Qellqa 1992

¹¹ Vino tukuruptinmi runakuna callekunapi waqachkanku, lliw kusikuyninkum tanirun, kay pachapim kusikuy chinkarun.

Isaías 24:11 Iomraidhean Croise

Proverbios 31:6

Vinoqa llakisqa sonqoyuqkunapaqmi, aqapas piñakuypa huntasqan sonqoyuqkunapaqmi;

Isaías 16:10

Kusikuyninkum tukurunña, tarpusqa chakrakunapi qapariyninkum tukurunña, uvas huertankupi takiyninkum manaña kanñachu, uvas sarunankupipas manañam sarunqakuñachu, vinopaq uvastapas manañam sarunqakuñachu. Diosmi kusikuyninkutapas tukurachin.

Isaías 32:10

Hawkalla kakuq warmikuna, kaymanta wata masninmanmi manchakuymanta katkatatankichik. Uvas pallaymi qollurunqa, cosechapas manañam kanqañachu.

Isaías 32:13

Runaykunapa allpanpipas, kusikuypa kanan wasikunapipas, pukllakuypa kanan llaqta ukupipas, kichkakunawan qorakunallañam wiñanqa.

Isaías 8:22

Pampata qawarispankuñataqmi, ñakariytawan tutayayllata, pasaypaq tutayaytawan sasachakuyllata rikunqaku, hinaspam pasaypaq tutayayllapi kawsanqaku.

Isaías 9:19

Tukuy Atiyniyuq Tayta Dios piñakusqanraykum lliw nacionkuna rupachkan, runakunañataqmi ninapaq yanta hina kachkan. Runakunaqa runamasinta mana kuyapayarikuqñam kachkanku.

Jeremías 14:2

Judá nacionmi waqachkan, llaqtankunam llakisqa kachkan; runakunam pampakunapi wischurayachkan, Jerusalenmi nanaywan qaparichkan.

Jeremías 46:12

Lliw nacionkunam penqaypi kasqaykita yacharunku, qaparisqaykim lliw kay pachapi uyarikun; allinnin qari-qari runakunam chocanakunku, kuskankum pampanta kururakunku.

Jeremías 48:33

Moab nacionpi kaq huertakunapiqa manañam kusikuymanta qapariypas kanñachu, uvas saruna pozopi vinotam chinkarachisaq, takiwan uvas saruqkunapas manañam kanqachu, kusikuymanta takiypas manañam kanqachu.

Oseas 7:14

Paykunaqa manam sonqomantachu mañakuwanku, aswanmi puñunankupi sirikuykuspa qaparkachanku. Trigotawan vinota chaskinankuraykum cuerponkuta kuchukunku, hinaspam contraypi hatarinku.

Joel 1:12

Uvaswan higospas chakirunmi, granadawan palmerapas qawirunmi, manzanawan wakin sachakunapas chakirunmi, llapa runapa kusikuyninpas chinkarunmi.

Joel 1:15

Tayta Diospa punchawninmi hichpamuchkanña, ¡imaynaraq chay punchaw kanqa! Tukuy Atiyniyuqmantam puchukay hamuchkan.

Lucas 16:25

Abrahamñataqmi nirqa: “Churilláy, yuyariyyá kawsaspaykiraq allin kaqkuna chaskisqaykita, Lazaroñataq ñakariyllapi kasqanta. Kunanmi ichaqa kusisqaña kaypi tarikuchkan, qamñataqmi ñakarichkanki.