Isaías 23:9 - CHUYA QELLQA La Biblia en Quechua de Ayacucho 2012

⁹ Tukuy Atiyniyuq Tayta Diosmi chaynata tantearqa, chaypi llapallan hatunchakuqkunata penqayman churananpaq, kay pachapi llapallan hatun tukuqkunata mana kaqman churananpaq.

Quechua Ayacucho Bible 1987

⁹ Llapallan Kamachiq Tayta Diosmi chaynata decretarqa. Llapallan orgulloso runakunata humillananpaqmi decretarqa. Kay pachapi llapallan ancha reqsisqa runakunata mana kaqman churananpaqmi decretarqa.

Chuya Qellqa 1992

⁹ Tukuy Atiyniyuq Tayta Diosmi chaynata tantearqa, chaypi llapallan hatunchakuqkunata penqayman churananpaq, kay pachapi llapallan hatun tukuqkunata mana kaqman churananpaq.

Isaías 23:9 Iomraidhean Croise

Jobwan Sutichasqa Libro 12:21

Kamachikuqkunatam penqayman churan, kallpasapakunatam mana kallpayuqta ruwan.

Éxodo 8:4

Chay karyakunam qespinqa hawaykiman, runaykikunapa hawanman chaynataq llapallan serviqnikikunapa hawanmanpas”, nispa.

Isaías 10:33

Tukuy Atiyniyuq Tayta Diosta qawariychik, manchakuypaq atiyninwanmi sachakunata kallmanqa, hatunnin sachakunatam kuchunqa, takyasqa sachakunatam pampaman kumparunqa.

Isaías 13:11

Tayta Diosmi kaynata nin: Kay pachapi runakunatam huchankumanta castigarusaq, mana allinkuna ruwaq runakunatam castigarusaq. Hatun tukuqkunapa hatunchakuynintam tukurusaq, munaychakuspa pay tukuqkunatam kumuykachachisaq.

Isaías 14:24

Tukuy Atiyniyuq Tayta Diosmi kaynata nin: Cheqaptapunim tanteasqayman hina ruwasqa kanqa, ñoqapa nisqayman hinam cumplisqa kanqa.

Isaías 14:26

Llapallan allpa pachapa contranpim kaynata tantearuni. Llapallan llaqtakunata puchukachinaypaqmi makiyta haywarini.

Isaías 14:27

Tukuy Atiyniyuq Tayta Dios chaynata tantearuptinqa, ¿pitaq harkakunman? makinta haywariptinqa, ¿pitaq asurachinman?

Isaías 2:11

Hatun tukuq runakunapas uchuychasqam kanqaku, hatunchakuqkunapas kumuykachisqam kanqaku. Chay tiempopiqa Tayta Diosllañam hatunchasqa kanqa.

Isaías 2:12

Tukuy Atiyniyuq Tayta Diospa punchawninmi hamuchkan, hatun tukuqkunata uchuychananpaq, hatunchakuqkunata tuñichinanpaq;

Isaías 2:17

Hatun tukuq runakunam uchuychasqa kanqaku, hatunchakuq runakunam tuñichisqa kanqaku. Chay tiempopiqa Tayta Diosllañam hatunchasqa kanqa.

Isaías 23:10

Tarsis lawpi runakuna, chakrapiña llamkaychik, barcokuna sayachinanku llaqtaqa manañam kanñachu.

Isaías 32:13

Runaykunapa allpanpipas, kusikuypa kanan wasikunapipas, pukllakuypa kanan llaqta ukupipas, kichkakunawan qorakunallañam wiñanqa.

Isaías 5:13

Chaynaqa, mana yachayniyuq kasqanraykum llaqtayqa huklaw nacionman presochasqa rinqa. Paykunamanta reqsisqa runakunam yarqaymanta wañunqaku, llapallankum yakumanta chakinqaku.

Isaías 9:15

Ancianokunapiwan reqsisqa runakunam chay animalpa uman hina, mana cheqap kaqta willakuq profetakunañataqmi chay animalpa chupan hina.

Jeremías 13:9

Chay ismusqa chumpita hinam Judá runakunapa hinaspa Jerusalén runakunapa hatun tukuq kayninta ismuchisaq.

Jeremías 51:62

hinaspam ninki: “Dios Taytalláy, kay nacionta manaña runayuq manaña animalniyuq kanankama chinkachinaykipaqmi rimarqanki, chaynapi wiñaypaq chunniptin manaña pipas chayninta pasanankupaq”, nispayki.

Daniel 4:37

Chayraykum ñoqa Nabucodonosor hanaq pachapi Reyta alabaspay hatunchani, paytam yupaychanipas, paypaqqa tukuy ima ruwasqankunapas cheqapmi, payqa allinkuna ruwaqmi, hatun tukuqkunatapas payqa uchuychanmi.

Abdías 1:2

Tayta Diosmi Edom nacionta kaynata nin: Llapallan nacionkunamanta taksallatañam ruwasqayki, hinaspaymi hatun penqayman churasqayki.

Malaquías 4:1

Tukuy Atiyniyuq Tayta Diosmi kaynata nin: Hamuchkanmi punchaw, horno hina rupachkaq, chay punchawpim hatun tukuqkunawan mana allin ruwaq runakuna lenwachkaq ninapi qopa hina kañasqa kanqaku, paykunapaqqa manam imallankupas puchunqachu.

Hechos 4:28

Chaynataqa ruwarqaku ñawpaqmantaraq qampa munasqayki cumplikunanpaqmi.

Efesios 1:11

Tanteasqanman hina ruwaq Diosmi, Señorninchik Jesucristontakama munasqanman hina ñawpaqmantaraq akllawarqanchik, akllawarqanchikqa Cristowan huklla kaptinchik herenciata chaskinanchikpaqmi.

Efesios 3:11

Diosmi ñawpaqmantapuni imam munasqanta Señorninchik Jesucristowan ruwarqa.

Santiago 4:6

Ichaqa Diosninchikmi kuyapayakuyninwan yanapawanchik. Chaymi Qellqapi kaynata nin: “Diosqa hatun tukuqkunapa contranpim kachkan, uchuychakuqkunatam ichaqa yanapan”, nispa.