Isaías 23:12 - CHUYA QELLQA La Biblia en Quechua de Ayacucho 2012

¹² Sidón llaqtatam nirqa: Abusasqa sipas, fiestakunallapi kakuyta saqeyña. Chipre lawmanña ripuspapas, manam chaypipas hawkaqa kankichu.

Quechua Ayacucho Bible 1987

¹² Sidon llaqtatam nirqa: Ñakarichisqa sipas hina sumaq Sidon llaqta, dejayña fiestakunallapi kakuyta. Chipre lawman ripuspaykipas manam hawkaqa kankichu waklawpipas.

Chuya Qellqa 1992

¹² Sidón llaqtatam nirqa: Abusasqa sipas, fiestakunallapi kakuyta saqeyña. Chipre lawmanña ripuspapas, manam chaypipas hawkaqa kankichu.

Isaías 23:12 Iomraidhean Croise

Génesis 10:4

Javanpa churinkunam karqa Elisa, Tarsis, Quitim hinaspa Rodanim.

Génesis 49:13

Zabulonmi lamar qochapa patanpi yachanqa, chaypim barcokunapa sayanan kanqa; linderonñataqmi Sidón llaqtakama chayanqa.

Isaías 23:7

¿Manachum kay llaqtaykichikqa ñawpaqmantapuni kusikuyllapi karqa? Chakinkupa apasqanmi karu llaqtakunamanraq yachaq rirqaku.

Isaías 37:22

Chaynaqa, ñoqa Tayta Diosmi kaynata nini: Yaw, rey Senaquerib, Sión llaqtaqa sipas hinam qanmanta asikun, Jerusalén llaqtaqa qepaykipim umanta aywin.

Isaías 47:1

Tayta Diosmi kaynata nin: Sipas kaqlla Babilonia llaqta, uraykamuspa ñutu allpapi tiyay. Sipas kaqlla Caldea llaqta, tronoykimanta uraykamuspa pampapi tiyay. Manañam qanmantaqa ninqakuñachu: “Kuyayllapaq sumaq llaqta”, nispaqa.

Isaías 47:5

Sipas kaqlla Caldea llaqta upallalla tiyay, tutayaymanña yaykuy; qamtaqa manañam pipas nisunkiñachu: “Nacionkunapi munaychakuq llaqta”, nispaqa.

Jeremías 14:17

Payku-namanmi kaynata ninki: Llaqtay hatun sasachakuypi kasqanmanta, llumpay heridasqa kasqanmanta, tuta punchaw mana samaykuspa weqeykuna sutuchun.

Jeremías 2:10

Quitim lawman rispa qawamuychik, Cedar lawpi runakunata tapuchimuychik, yaqachus kayna ruwaykuna pasakunman kasqa.

Jeremías 46:11

Egipto runakuna, Galaad lawman hampi maskaq riychik. Yanqapaqñam hampikunatapas apamunkichik, qampaqqa manañam hampi kanchu.

Lamentaciones 1:15

Señormi wischururqa qari-qari soldadoykunata, akllasqa jovenniykunata tukurunanpaqmi tropakunata contraypi huñuramurqa, Señorqa uchkupi uvasta saruchkaq hinam Judá nacionpi sipaskunatapas saruparurqa.

Lamentaciones 1:3

Judá nacionmi presota aparachikun, sasa llamkaykunapi ñakarichisqam tarikun, nacionkunapi munaychakuq kachkaspam, nacionkunapa serviqninña rikurirun, Qatikachaqnin enemigonkunam hayparuspa ñakariyman churarun.

Lamentaciones 4:15

Paykunatam runakuna nirqaku: “¡Kaymanta anchuychik, qamkunaqa millay runakunam kankichik, ama llapchawaykuchu! ¡Manam ñoqaykuwanqa yachawaqchikchu!” nispanku.

Ezequiel 27:6

Basán lawpi encina sachakunamantam yaku qachina kaspikikunatapas ruwarqaku, Chipre law lamar qochapa patanpi ciprés sachakunamantam tapaqniki tablakunatapas ruwarqaku, marfilwan adornasqatam ruwasurqanki.

Daniel 11:30

Payqa Quitim lawmanta hamuq barcokunapa harkasqan kaspanmi hukmanyasqallaña kutirinqa. Diospa pacto ruwasqanpa contranpi llumpayllataña piñakuruspanmi millakuypaq kaqkunata ruwanqa, hinaspanmi Diospa pacto ruwasqan qepanchaqkunata yanapanqa.

Números 24:24

Chipre islamantam barcokuna hamunqa, Asiriapa chaynataq Heberpa llaqtankunatam purmachinqa, ichaqa kikinpas purmachisqam kanqa, nispa.

Josué 11:8

Tayta Diosmi Israelpa mirayninkunaman qoykurqa, chaymi Sidón sutiyuq hatun llaqtakama, Misrefot-maim lawkama chaynataq intipa qespimunan lawpi Mizpa qechwakama wañuchistin qatirqaku. Lliwtam wañurachirqaku manam chullapas puchurqachu.

Apocalipsis 18:22

Chaypiqa arpakunapa, qenakunapa, trompetakunapa waqayninpas manañam uyarikunqañachu. Tukuy imapi llamkaqkunapas manañam llamkanqakuñachu, molino rumipa tunrunyayninpas manañam uyarikunqañachu.