Isaías 23:11 - CHUYA QELLQA La Biblia en Quechua de Ayacucho 2012

¹¹ Lamar qochapa hawanmanmi Tayta Dios makinta haywariykun, tukuy hinastinpi nacionkunatam katkatatachin, Canaán llaqta tuñichisqa kananpaqmi kamachikun.

Quechua Ayacucho Bible 1987

¹¹ Lamar qochapa hawanmanmi Tayta Dios makinta haywarirqa. Nacionkunatam Tayta Dios katkatatachirqa. Canaan law nacionkunapi llaqtakunata tuñichinanpaqmi kamachirqa. Mana yaykuy atina llaqtakunata tuñichinanpaqmi kamachirqa.

Chuya Qellqa 1992

¹¹ Lamar qochapa hawanmanmi Tayta Dios makinta haywariykun, tukuy hinastinpi nacionkunatam katkatatachin, Canaán llaqta tuñichisqa kananpaqmi kamachikun.

Isaías 23:11 Iomraidhean Croise

Génesis 9:25

Chaymi nirqa: ¡Ñakasqa kachun Canaán! Wawqenkunapa esclavonpapas esclavon kachun.

Éxodo 14:21

Moisesmi lamar qochapa hawanman makinta haywarirqa, hinaptinmi tukuy tuta intipa qespimunan lawmanta Tayta Dios sinchi wayrawan lamar qochata iskayman rakinarurqa, hinaptinmi chaki allpa rikurirurqa.

Isaías 10:6

Paytaqa kamachini, mana kasuwaspa qepanchawaqniy llaqtapa contranpim, piñachiwaqniy runakunamanta qori-qollqenkuta suwaspa qechumunanpaqmi, callepi mituta hina sarumunanpaqmi.

Isaías 13:13

Ñoqa Tukuy Atiyniyuq Tayta Diosmi cielokunata katkatatachisaq sinchi piñakuyniywan, maymi kasqanmantam allpa pachapas asurinqaraq.

Isaías 14:26

Llapallan allpa pachapa contranpim kaynata tantearuni. Llapallan llaqtakunata puchukachinaypaqmi makiyta haywarini.

Isaías 19:5

Nilo mayupa yakunmi chinkarunqa, pasaypaqtam chay mayuqa chakirunqa.

Isaías 2:19

Runakunam Tayta Diospa mancharikuypaq qayllanmanta machaykunapi, allpa uchkukunapi pakakunqaku. Diospa piñakuyninmantam lluptinqaku, Diospa chuyay-chuyay qayllanmantam ayqenqaku.

Isaías 23:10

Tarsis lawpi runakuna, chakrapiña llamkaychik, barcokuna sayachinanku llaqtaqa manañam kanñachu.

Isaías 23:3

Nilo mayupa patanpi cosechakunata hoqarimuspankum imapas kapuqninkuta huntachikurqaku, paykunaqa huklaw nacionkunaman rantikuspam apuyarqaku.

Isaías 25:2

Llaqtakunatam tuñirachispa pasaypaqta purmarachinki, llaqtapa qaqay-qaqay perqankunatam tuñirachinki, cheqniqniykupa suma-sumaq llaqtankutapas taqmaparunkim, manañam musoqmantaqa hatarichinqakuñachu.

Isaías 5:25

Chayraykum Diosqa llaqtanpaq llumpayta piñakurqa, makinwanmi wañuyman qaraykurqa, chay ruwasqanwanqa orqokunapas katkatatarqam, ayakunapas callekunapim chuta-chuta mana pipa hoqarisqan karqa. Chaywanpas Señorpa piñakuyninqa manam taninchu, chayllam kachkan castigananpaq.

Isaías 50:2

¿Imanasqataq hamuspayqa mana pitapas tarirqanichu? ¿Imanasqataq qayakuptiypas mana pipas rimarirqachu? ¿Makiychu pisiparun qamkunata manaña libray atinaypaq? ¿Atiyniychu tukurun qamkunata manaña salvanaypaq? Kamachispallaymi lamar qochata chakichini, kamachispallaymi mayukunata chakichini, challwankunapas yakumantam wañuruspa ismurunku.

Jeremías 47:7

Ichaqa ¿imaynataq samaykunman Ascalón llaqtata, lamarpa patanpi llaqtakunata atacananpaq Tayta Dios kamachichkaptinqa? Chaypaqmi destinasqa karqanki.

Ezequiel 26:10

Llaqtaykichikpa punkunta Babilonia nacionpa reynin yaykuptinmi llapa caballokunapa polvo hatarichisqanpas tapaypaq tapaykusunki, llapa caballokunapa hinaspa carretakunapa kallpayninwanmi murallaykikunapas katkatatanqa. Tuñichisqa llaqtapa raqrankunata hina yaykuptinmi chaynaqa kanqa.

Ezequiel 26:4

Paykunam murallaykikunatapas taqmanqaku, torrekikunatapas pampamanmi wikapanqaku, allpaykitapas maymi kasqanmantam picharusaq, chuya taqra pampatam saqerusaq.

Ezequiel 31:16

Wañuqkunawanña kananpaq wañusqakunapa kasqanman uraykachiptiymi, qaparillawanña wichiykuptinmi llapa nacionkuna katkatatanqaku. Hinaptinmi Edén lawpi kaq suma-sumaq sachakunawan Líbano lawpi suma-sumaq sachakuna, yakuta tomaq sachakuna, allpa ukupi kusikunqaku.

Nahúm 1:14

Asiria llaqta, Tayta Diosmi contraykipi kaynata kamachikun: Sutikipas pasaypaq qonqasqam kanqa, yupaychanayki wasimantapas makikiwan ruwasqayki idoloykikunatam pasaypaqta chinkarachisaq, millakuypaq kasqaykiraykum sepulturaykitapas chaypi ruwachisaq.

Hageo 2:7

Llapa nacionkunatam katkatatachisaq; llapa nacionkunam hamunqaku qoriqollqenkuta aparikuspa, kay temploymi ancha kuyayllapaq kanqa. Tukuy imapi munaychakuq Tayta Diosmi chaynata nin.

Zacarías 14:21

Jerusalenpi hinaspa Judá nacionpi llapa mankakunapas Tayta Diospaq sapaqchasqam kanqa, chaynapim sacrificiota ruwaq hamuqkunapas chay mankakunata hapispa ofrecespanku aychata yanunqaku. Chay punchawpiqa, Tukuy Atiyniyuq Tayta Diospa templonpi negociantekunapas manañam kanqañachu.

Marcos 11:17

Chaypim Jesús kaynata yachachirqa: ¿Manachu Qellqapi nichkan: “Wasiyqa llapallan nacionkunapaqmi mañakuwananku wasiwan sutichasqa kanqa”, nispa? Qamkunam ichaqa suwakunapa machayninta hinaña ruwarunkichik.

Juan 2:16

Palomakuna rantikuqkunatañataqmi nirqa: ¡Kaykunata kaymanta hurqowaychik! ¡Taytaypa wasintaqa ama mercadota hinaqa ruwaychikchu! nispan.