Isaías 23:1 - CHUYA QELLQA La Biblia en Quechua de Ayacucho 2012

¹ Tiro llaqtapa contranpim Isaías kaynata nirqa: Tarsispa barconkunapi llamkaqkuna waqaychik, Tiro llaqtam pasaypaq tuñichisqa kachkan, mayman yaykunapaqpas manañam wasipas kanñachu, Chipre lawmanta hamuqkunam chaynata willakunku.

Quechua Ayacucho Bible 1987

¹ Tiro llaqtapa contranpi rimaspanmi Isaias nirqa: Tarsis lawmanta buquekunapi kaqkuna qapariychik. Manaña wasiyoq Tiro llaqtapi kaqkuna qapariychik. Soqoskuna sayachinanku llaqtatam tuñirachinku. Chipre lawmanta hamuqkunamanmi chaymanta willarunku.

Chuya Qellqa 1992

¹ Tiro llaqtapa contranpim Isaías kaynata nirqa: Tarsispa barconkunapi llamkaqkuna waqaychik, Tiro llaqtam pasaypaq tuñichisqa kachkan, mayman yaykunapaqpas manañam wasipas kanñachu, Chipre lawmanta hamuqkunam chaynata willakunku.

Isaías 23:1 Iomraidhean Croise

Génesis 10:4

Javanpa churinkunam karqa Elisa, Tarsis, Quitim hinaspa Rodanim.

1~Reyes 10:22

Rey Salomonpa barconkunawan rey Hirampa barconkunam sapa kimsa watamanta qorita, qollqeta, marfilta, monokunata hinaspa pavo realkunata Tarsis lawmanta apamuqku.

1~Reyes 22:48

Josafatmi barcokunata ruwarqa Tarsis lawpi barcokunata hina, chaykunam Ofir lawman qorita apamunankupaq rirqaku, ichaqa Ezión-geber llaqtapa hichpanpim pakipakururqaku.

1~Reyes 5:1

Tiro llaqtapa reynin Hirammi yacharurqa Davidpa rantinpi churin Salomontaña rey kananpaq churarusqankuta, chayraykum serviqninkunata Salomonman kachamurqa. Hiramqa tukuy tiempom Davidwan llumpay amigo karqaku.

2~Crónicas 9:21

Rey Salomonpa barconkunam rey Hirampa serviqninkunawan Tarsis lawman rispanku sapa kimsa watamanta qorita, qollqeta, marfilta, monokunata hinaspa pavo realkunata apamuqku.

Isaías 15:8

Moabtam kuchun-kuchun llakillana inturun, Eglaim llaqtakamam qapariyninku uyarikun, Beer-elim lawkamam qayakuyninku uyarikun.

Isaías 2:16

Tarsis lawpi barcokuna hinaña kaptinkupas, sumaq kuyayllapaq barcokuna hinaña kaptinkupas.

Isaías 23:12

Sidón llaqtatam nirqa: Abusasqa sipas, fiestakunallapi kakuyta saqeyña. Chipre lawmanña ripuspapas, manam chaypipas hawkaqa kankichu.

Isaías 23:6

Lamar qochapa patanpi yachaqkuna qapariychik, Tarsis lawman ripukuychik.

Isaías 24:10

Chaqwallapiña kaq llaqtam chunnirun, wasikunapas manaña yaykuy atinankukamam wichqakurun.

Isaías 60:9

Lamar qochapa patanpi nacionkunam ñoqapi hapipakuspa hamuchkanku, Tarsis lawmanta barcokunam ñawpamuchkanku, miraynikikunata karumanta apamuspam hamuchkanku, qori-qollqenkutawan kuskatam apamuchkanku. Ñoqa Tayta Diosta yupaychaqmi hamuchkanku, reqsisqataña ruwasuqniki Israelpa Chuya Diosninraykum hamuchkanku.

Jeremías 2:10

Quitim lawman rispa qawamuychik, Cedar lawpi runakunata tapuchimuychik, yaqachus kayna ruwaykuna pasakunman kasqa.

Jeremías 25:15

Israelpa yupaychasqan Tayta Diosmi kaynata niwarqa: Vinowan hina piñakuyniywan huntasqa vasota chaskiwaspaykiyá kachasqay nacionkunaman upyachimuy.

Jeremías 25:22

Tiro nacionpa Sidón nacionpa chaynataq Mediterráneo sutiyuq lamar qochapa patan nacionkunapa reyninkunamanpas.

Jeremías 47:4

Filistea llaqtapa chinkanan tiempom chayaramun, Tiro llaqtata chaynataq Sidón llaqtata yanapaqkunapa puchukananku tiempom chayaramun. Filisteokunatawan Creta islapi puchuqkunatam Tayta Dios chinkachinqa.

Ezequiel 26:1

Chunka hukniyuq watapim, Adar killapa punta kaq punchawninpi, Tayta Dios rimapayawaspan kaynata niwarqa:

Ezequiel 26:2

Runapa churin, Tiro llaqtapi yachaq-kunam Jerusalén llaqtapa contranpi kaynata nirqaku: “Allinta ruwachun, nacionkunapa negocio ruwananku punkum ñutupasqaña kachkan, kunanqa ñoqanchikmanñam tuparuwanchik, pay tuñichisqa kanankamam ñoqanchikñataq qori-qollqeta huñukuspa kapuqniyuq kasunchik”, nispanku.

Ezequiel 27:30

Qanmantam llakikuyllawanña hinaspa qaparillawanña waqanqaku. Umankumanpas allpata machqekuspam uchpapi qochpanqaku.

Ezequiel 27:6

Basán lawpi encina sachakunamantam yaku qachina kaspikikunatapas ruwarqaku, Chipre law lamar qochapa patanpi ciprés sachakunamantam tapaqniki tablakunatapas ruwarqaku, marfilwan adornasqatam ruwasurqanki.

Daniel 11:30

Payqa Quitim lawmanta hamuq barcokunapa harkasqan kaspanmi hukmanyasqallaña kutirinqa. Diospa pacto ruwasqanpa contranpi llumpayllataña piñakuruspanmi millakuypaq kaqkunata ruwanqa, hinaspanmi Diospa pacto ruwasqan qepanchaqkunata yanapanqa.

Jonás 1:3

Jonasñataqmi mana kasukuspan Tayta Diosmanta lluptispan Tarsis lawman ayqekurqa, hinaspanmi Jope llaqtaman chayaruspan, Tarsis lawman lloqsiq barcota tariykuspan, pasajentapas pagaykuspa Tayta Diosmanta ayqekurqa.

Números 24:24

Chipre islamantam barcokuna hamunqa, Asiriapa chaynataq Heberpa llaqtankunatam purmachinqa, ichaqa kikinpas purmachisqam kanqa, nispa.

Lucas 10:13

¡Imaynaraq kanki Corazín llaqta! ¡Imaynaraq kanki Betsaida llaqta! Sichum Tiro hinaspa Sidón llaqtakunapi qamkunawan ruwasqay milagrokunata hina ruwayman karqa, hinaptinqa unayñachá qachqa pachawan churakuspanku chaynataq uchpa hawanpi tiyaykuspanku Diosman kutirikunmanku karqa.

Josué 19:29

Chaymantam Ramá llaqtanta murallasqa Tiro llaqtakama muyumurqa, hinaspam Hosa llaqtanta muyumuspa Aczib llaqtanta Mar Mediterraneoman lloqsirqa.