Isaías 22:5 - CHUYA QELLQA La Biblia en Quechua de Ayacucho 2012

⁵ Tukuy Atiyniyuq Tayta Diosmi munarqa, revelación chaskina qechwaman kayna ñakariy chaqwa punchaw hamunanta, llaqtapa murallankunata tuñichiptinku orqokunapi uyarikunankama qaparinankuta.

Quechua Ayacucho Bible 1987

⁵ Llapallan Kamachiq Señor Diosmi decretarqa. Chaqwasqa kanan punchaw hamunanpaqmi decretarqa. Revelacion Qawana Qechwapi munaychakunanpaqmi decretarqa. Revelacion Qawana Qechwapi muspaypi hina kanankupaqmi decretarqa. Llaqtapa murallankunatam tuñichichkanku. Orqokunapipas uyarikunankamam qaparichkanku.

Chuya Qellqa 1992

⁵ Tukuy Atiyniyuq Tayta Diosmi munarqa, revelación chaskina qechwaman kayna ñakariy chaqwa punchaw hamunanta, llaqtapa murallankunata tuñichiptinku orqokunapi uyarikunankama qaparinankuta.

Isaías 22:5 Iomraidhean Croise

2~Reyes 19:3

Paymanmi rey Ezequiaspa nisqanta kaynata nirqaku: Kunan punchawqa ancha llakisqa, qaqchasqa, insultasqam kachkanchik. Wachakunanpaq kachkaspan manaña kallpayuq warmi hinañam kachkanchik.

2~Reyes 25:10

Chaymantam reyta waqaychaq soldadokunapa capitanninwan kaq Babilonia soldadokuna, Jerusalén llaqtapa muyuriqninpi murallata taqmarurqaku.

Ester 3:15

Reypa kamachikusqanman hinam chay cartakuna utqayman apasqa karqa, Susa llaqtapipas willachisqa kaptinmi llapa runakuna hatun chaqwapi tarikurqaku. Amanñataqmi reywan kuska tiyaykuspa upyakurqaku.

Isaías 10:6

Paytaqa kamachini, mana kasuwaspa qepanchawaqniy llaqtapa contranpim, piñachiwaqniy runakunamanta qori-qollqenkuta suwaspa qechumunanpaqmi, callepi mituta hina sarumunanpaqmi.

Isaías 22:1

Revelación chaskina qechwapa contranpim Isaías kaynata nirqa: ¿Imanarusunkichiktaq, imaynanpitaq wasi hawanman lliw qespirunkichik?

Isaías 25:10

Tayta Diosmi Sión moqota atiyninwan waqaychanqa; Moab naciontam ichaqa, wanupatapi qopata hina maymi kasqampi saruparunqa.

Isaías 37:3

Paykunam nirqaku, Ezequiasmi kaynata nin: Kunan punchawqa ancha llakisqa, ñakarichisqa, penqayman churasqam kachkanchik. Wachakunanpaq kachkaspan manaña kallpayuq warmi hinam kachkanchik.

Isaías 5:5

Chaynaqa, kunanmi qamkunaman, imatam kay huertaywan ruwanayta nisqaykichik: Llapa rumi perqanta paskaruptiymi purmarachinqaku, perqankunata lliw tuñirachiptiymi saruparunqaku.

Isaías 63:3

Arí, ñoqaqa sapallaymi saruna uchkupi uvasta sarumurqani, manam pipas yanapawarqachu, ancha rabiasqam sarumurqani, ancha piñasqam llenqamurqani. Yawarninkum pachayman pawaykamuwan, chaymi pachayta lliw qachacharamuwan.

Isaías 63:6

Piñakuywanmi llaqtakunatapas saruparqani, rabiakuyniywanmi paykunataqa sinkachirqani, yawarninkutapas pampamanmi chaqchurqani.

Jeremías 30:7

¡Mancharikuypaq punchawkunam hamuchkan! Manam chay punchaw hinaqa haykapas karqachu. Jacobpa mirayninkunapaqmi sasachakuy punchawkuna hamuchkan, chaywanpas paykunataqa ñoqam librasaq.

Lamentaciones 1:5

Enemigonkunam paykunapi munaychakuchkan, contranpi kaqkunam chaninchasqa kachkanku. Tayta Diosmi llumpay huchanmanta ñakarichichkan, wawankunam enemigonpa preso apasqan richkanku.

Lamentaciones 2:2

Señorqa mana llakipayarispam Jacobpa wasinkunata tuñirachin, piñakuywanmi Judá nacionpa sumaq perqankunata tuñirachin, kamachikuqkunapa munaychakuynintam penqayman churarun.

Lamentaciones 2:8

Tayta Diosmi tantearurqa, Sionpa perqankuna tuñichiyta, chay tanteasqantam mana samaykuspa ruwarun, llaqtapa uku lawninpi perqankunatam tuñirachin, llaqtapa hawa lawninpi perqankunatam purmarachin.

Ezequiel 7:7

Kay nacionpi yachaqkuna, purmachisqa kanaykichikmi chayamuchkanña. Muspaypi hinaña kanaykichik punchawmi chayamuchkanña, manañam orqokunapipas kusikuy kanqañachu.

Oseas 10:8

Yupaychananku sitiokunapas tuñichisqam kanqa, chaypim Israel castakuna idolota yupaychaspa huchallikurqaku; altarkunapa hawanpipas qorakunawan kichkakunam wiñanqa. Chaymi Israel miraykuna orqokunata ninqaku: ¡Pampaykuwayku! nispanku, moqokunatapas, ¡hawaykumanyá wichiykamuy! nispanku.

Miqueas 7:4

Paykunamanta allinpaq hapisqa runakunam kichka hina, allin kawsaqñataqmi anku kichka hina. Ñakarinayki punchawmi hamuchkan, castigasqa kanaykimanta profetakunapa rimarisqan punchawmi chayamuchkan, hinaptinmi muspaypi hina tarikunki.

Sofonías 1:15

Chay punchawqa kanqa hatun piñakuymi, ñakariywan sasachakuymi, tuñichiywan purmachiymi. Chay punchawqa kanqa tutayaymi, punchawtapas yana puyum pampaykunqa.

Mateo 24:16

Judea lawpi kaqkunayá orqokunaman ayqechunku.

Lucas 23:30

Hinaptinmi llapa runakuna orqokunata ninqaku: “Hawaykuman tuñiykamuy” nispanku; moqokunatañataqmi ninqaku: “Pakaykuwayku” nispanku.