Isaías 22:23 - CHUYA QELLQA La Biblia en Quechua de Ayacucho 2012

²³ Payraykum taytanpa ayllun hatunchasqa kanqa. Ñoqam perqapi estaca takasqata hina takyachisaq, chaymi mana kuyuriq kanqa.

Quechua Ayacucho Bible 1987

²³ Perqaman estaca takarusqata hinam paytaqa takyachisaq. Maymi churasqaypim paytaqa takyachisaq. Reqsisqa runakunapa tiyanan asientopi hinam payqa kanqa. Taytanpa ayllunkuna reqsisqa kananpaqmi payqa kanqa.

Chuya Qellqa 1992

²³ Payraykum taytanpa ayllun hatunchasqa kanqa. Ñoqam perqapi estaca takasqata hina takyachisaq, chaymi mana kuyuriq kanqa.

Isaías 22:23 Iomraidhean Croise

Esdras 9:8

Chaywanpas Dios Taytallayku, kunanmi pisi tiempollapaqpas kuyapayakuynikita qawaykachiwankiku, hinaspam wakiqllaykutapas libreta puchuykachiwankiku, chaynapi chuya allpapi hawka kawsanaykupaq. Diosnillayku, qanmi ñawillaykuta kanchariykuwankiku, esclavo kachkaptiykum allin kawsaytaraq qoykuwankiku.

Ester 10:3

Judío Mardoqueoqa llaqtamasinkunapa reqsisqan hinaspa ancha kuyasqanmi karqa; payqa llaqtanpa chaynataq castankunapa allinnintam maskarqa. Atiyniyuq kayninpipas rey Asueropa qatiqllanmi karqa.

Ester 4:14

Sichum kunan rimarinayki kachkaptin upallakuptikiqa judío runakunapa libraqninqa huklawmantam hamunqa, chaywanpas qamqa taytaykipa ayllunkunapiwanmi puchukanki. Ichapas kayna sasachakuypi yanapawanaykikupaq reina kayman chayarqanki, nispa.

Jobwan Sutichasqa Libro 36:7

Allin ruwaq runakunataqa nanachikunmi, reykunatapas munaychakuyninpim yanapan, ancha reqsisqatam ruwan.

Eclesiastés 12:11

Yachayniyuqkunapa rimasqanqa ñawchi puntayuq kaspikuna hinam, yachachikuqkunapa rimasqanqa cla-vokuna hinam, chaynam michiqpa rima-riyninqa.

Isaías 22:24

Paymanmi taytanpa hinaspa ayllunkunapa llapa ima kapuqnintapas, taksanmanta hatunninkama warkunqaku.

Isaías 22:25

Tukuy Atiyniyuq Tayta Diosmi nin: Chay tiempopim perqaman takasqa estaca chutakaramunqa, pakikuruspam wichiykamunqa, hinaptinmi llapallan chaypi warkusqanku kaqkuna lliw ñutukurunqa, Tayta Diosmi chaynata nin.

Zacarías 10:4

Judamantam lloqsinqa wasipa cimientonpi esquina rumipas, carpata takyachiq estacapas, guerrapi peleana flechapa arconpas. Paymantataqmi lloqsinqa llapa kamachikuqkunapas.

Apocalipsis 3:21

Pipas venceqtaqa ñoqawan kuskatam tronoypi tiyachisaq, imaynam ñoqapas vencesqayrayku Taytaywan kuska trononpi tiyaykusqayta hina.

1~Samuel 2:8

Diosllam wakchatapas hatarichin, payllam millay lugarmanta usuqkunatapas sayarichin, allin reqsisqa runakunawanmi tiyaykachin. Tayta Diosmi kay pachata takyachin.