Isaías 22:2 - CHUYA QELLQA La Biblia en Quechua de Ayacucho 2012

² ¡Yaw, chaqwakuypa huntasqan llaqta, kusikuyllapiña kawsaq llaqta! Runaykikunaqa manam espadapichu nitaqmi guerrapichu wañurqaku.

Chuya Qellqa 1992

² ¡Yaw, chaqwakuypa huntasqan llaqta, kusikuyllapiña kawsaq llaqta! Runaykikunaqa manam espadapichu nitaqmi guerrapichu wañurqaku.

Isaías 22:2 Iomraidhean Croise

Isaías 10:4

Preso pusasqakunawan kuska mana humillakuspaqa wañuymanñam wichinkichik. Chaywanpas Tayta Diosqa hinallam piñasqa kachkan atiyninwan castigananpaq.

Isaías 23:7

¿Manachum kay llaqtaykichikqa ñawpaqmantapuni kusikuyllapi karqa? Chakinkupa apasqanmi karu llaqtakunamanraq yachaq rirqaku.

Isaías 32:13

Runaykunapa allpanpipas, kusikuypa kanan wasikunapipas, pukllakuypa kanan llaqta ukupipas, kichkakunawan qorakunallañam wiñanqa.

Isaías 32:14

Palaciopas chunninqam, achkallaña runayuq llaqtapas chunninqam, mana yaykuy atina murallankunawan torrenkunapas wiñaypaq saqesqam kanqa; chaypiqa monte asnokunallañam kusisqa yachanqaku, uywakunallañam chaypiqa mikunqaku.

Isaías 37:33

Asiriapa reyninmantam Tayta Dios kaynata nin: “Kay llaqtamanqa manam yaykumunqachu, flechankunapas manam chayamunqachu, escudontapas manam hapinqachu, allpatapas murallapa qepanmanqa manam montochinqachu.

Isaías 37:36

Chay tutam Tayta Diospa angelnin Asiria soldadokunata pachak pusaq chunka pichqayuq waranqata hina campamentollanpi wañurachirqa. Achikyaruptinmi llapallanku wañusqaña kachkasqaku.

Jeremías 14:18

Chakrakunaman lloqsispaymi espadawan wañuchisqakunata tarini, llaqtaman yaykuspaymi yarqaymanta wañuqkunata tarini, profetakunawan sacerdotekunam mana reqsisqa nacionkunaman pasakunku.

Jeremías 38:2

Tayta Diosmi kaynata nin: Kay llaqtapi qepaqkunam guerrawan, yarqaywan hinaspa peste onqoywan wañunqaku. Caldea runakunaman hukllawakuqmi ichaqa wañuymanta librakuspan vidanta salvanqa.

Jeremías 52:6

Chay watapa tawa kaq killanpa isqon punchawninpim, llaqtapi runakuna llumpay yarqaymanta karqaku mikunankupaq manaña imapas kaptin.

Lamentaciones 1:1

¡Ay, Jerusalén llaqtam, achkallaña runayuq llaqtam, sapallanña qeparun! ¡Nacionkunapa ancha reqsisqan llaqtam, viuda hinaña rikurirun! ¡Nacionkunapi munaychakuq llaqtam, esclavoña rikurirun!

Lamentaciones 2:20

Dios Taytalláy qawarispa yuyaymanariy, ¡manam pitapas kaynaniraqtaqa ruwarqankichu! ¿Yaqachu warmikuna wachakusqan wawata mikurunmanku? ¿Hinachu sacerdotekunawan profetakunapas temploykipi wañuchisqa kanqaku?

Ezequiel 22:5

Hichpapi kaqkunawan karupi kaqkunam qanmanta asikunqaku, mana allin runakunapa kanan, idolokunapa huntasqan llaqta nispam sutichasqa kanki.

Sofonías 2:15

Chaynatam chay hatun tukuspa hawka kawsakuq llaqta tukunqa. Runankunapas chay llaqtamantaqa kaynataraqmi niqku: “Llaqtanchik hinaqa manam kay pachapi ima llaqtapas kanchu”, nispankuraq. ¡Imaynamá tuñichisqa, purun animalkunapa uchkunñaqa rikurirun! Pipas chayninta pasaqqa burlakuspam umantapas aywinqaraq.