Isaías 22:12 - CHUYA QELLQA La Biblia en Quechua de Ayacucho 2012

¹² Chayraykum Tukuy Atiyniyuq Tayta Dios chay punchawpi qayasurqankichik, umaykichikta rutukuruspa luto pachawan pachakuspa waqanaykichikpaq.

Quechua Ayacucho Bible 1987

¹² Chay punchawmi Llapallan Kamachiq Señor Dios qayasurqankichik. Waqaspa qaparkachanaykichikpaqmi qayakurqankichik. Umaykichikta rutuchikunaykichikpaqmi qayasurqankichikqa. Luto pachawan pachakunaykichikpaqmi qayasurqankichikqa.

Chuya Qellqa 1992

¹² Chayraykum Tukuy Atiyniyuq Tayta Dios chay punchawpi qayasurqankichik, umaykichikta rutukuruspa luto pachawan pachakuspa waqanaykichikpaq.

Isaías 22:12 Iomraidhean Croise

2~Crónicas 35:25

Rey Josiasta yuyarinapaqmi profeta Jeremías huk aya takita qellqarqa, chay takitam llapallan takiqkuna qaripas warmipas Josiasta yuyarispanku kunankama takinku. Chay takikunam Israel nacionpi costumbre hinaña karqa. Chay aya takiqa Lamentaciones libropim qellqasqa kachkan.

Esdras 9:3

Chayta yachaykuspaymi pachaytawan capayta llikiparqani, chukchaytawan barbaytapas chutakuspaymi sinchi llakisqa tiyarqani.

Nehemías 9:9

Egipto nacionpi imaynam taytaykupa ñakarisqantam qawarqanki, Puka lamar qochapa patanpi qayakusqankutam uyarirqanki.

Jobwan Sutichasqa Libro 1:20

Chaymi Jobqa llakikuymanta hatarispan pachanta llikipakurqa, hinaspam chukchantapas rutukuruspan pampaman qonqoranpa kumuykuspan Diosta hatunchaspan

Eclesiastés 3:11

Diosqa tiempollanpim imatapas sumaqta ruwarqa, hinaspam runakunaman qorqa wiñaypaq kaqkunamanta yuyaymanananpaq. Chaywanpas runapa yuyaymanayninqa manam haypayta atinmanchu qallariyninmanta tukupayninkama Diospa ruwasqankunataqa.

Eclesiastés 3:4

Kanmi tiempo waqanapaq kantaqmi asinapaqpas, kanmi tiempo lutokunapaq kantaqmi tusunapaqpas.

Isaías 15:2

Bayitwan chaynataq Dibonwan sutichasqanku moqopi capillakunamanmi waqaq qespirqaku. Moab castakunam Nebo llaqtarayku, Medeba llaqtarayku waqanqaku. Llapallankum umankupas, barbankupas rutusqa kachkanku.

Isaías 26:10

Mana allin ruwaq runakunaqa llakipayaptikipas manam allin ruwaytaqa yachankuchu; kasukuq runakuna qaylla kawsaspapas hina mana allin ruwaqkunallam, Tukuy Atiyniyuq kasqaykitapas manam kaqpaqpas hapinkuchu.

Isaías 29:1

Ay, Ariel, Ariel llaqta, Davidpa samarinan llaqta, fiestaykikunapas hinaraqyá iskay-kimsa watakunakama qatinaslla kachun.

Isaías 3:24

Chaynapim perfumepa rantinpi millakuypaq asnayña kanqa, weqaw watana adornokunapa rantinpim waskaña kanqa, sumaqllaña ñaqchasqa kanankumantam umankupas paqlayasqaña kanqa, suma-sumaq pachankupa rantinpim qachqa pachaña kanqa, kuyayllapaq uyankupas caldeasqa fierrowan marcasqañam kanqa.

Isaías 32:11

Mana llakiyuq warmikuna katkatataychik, hawkallaña kakuq warmikuna manchakuymanta hukmanyaychik. Pachaykichikta lluschukuspa qachqa pachawan churakuychik.

Isaías 37:1

Chayta uyariruspanmi rey Eze-quías pachanta llikiparurqa, hinaspam qachqa pachawan churakuruspan Tayta Diospa templonman yaykurqa.

Isaías 37:2

Chaymantam mayordomo Eliaquimta, secretario Sebnata hinaspa yuyaq sacerdotekunata qachqa pachawan pachasqatakama, Amozpa churin profeta Isaiasman kacharqa.

Isaías 58:3

Chaywanpas niwankuraqmi: ¿Imapaqtaq ayunaymanku mana rikuwachkaptikikuqa? ¿Imapaqtaq ñakariymanku mana kaqpaqpas hapiwachkaptikikuqa? nispanku. Ayunasqaykichik punchawmi munasqaykichikta ruwakunkichik, llapallan llamkapakusuqnikichiktam chay punchawpi ñakarichinkichik.

Jeremías 16:6

Warmakunawan yuyayniyuqkunam kay nacionpi wañunqa, manam pipas paykunataqa pampanqachu nitaqmi waqanqakuchu, cuerponkutapas manam kuchukunqakuchu nitaqmi chukchankutapas rutukunqakuchu.

Jeremías 16:8

Amataqmi convidopa kasqan wasi-manpas yaykunkichu, paykunawan mikuspa vinota upyanaykipaqqa.

Jeremías 4:8

Chaynaqa, qachqa pachawan pachakuychik, nanaymanta qaparkachaspa waqaychik, Tayta Diospa piñakuyninqa manam qamkunamanta asurinchu.

Jeremías 7:29

¡Jerusalén llaqta, chukchaykita rutukuspa wischuy, chunniq orqokunapi waqamuy! Tayta Diosmi runaykikunapaq piñasqa kachkan, miraynikikunatam qepancharuspa saqerun.

Ezequiel 27:31

Umankutapas kachiy-kachiytam rutukunqaku, qachqa pachawan churakuspam qaparkachanqaku, qamraykum sonqonkupas nanasqa waqanqaku.

Daniel 5:1

Rey Belsasarmi munaychakuyninpi waranqa yanapaqninkunapaq hatun convidota ruwarqa, hinaspam paykunawan kuska vinota upyakurqaku.

Oseas 9:1

Israelpa mirayninkuna, ama kusikuymanta pawaykachaychikchu, Diosta mana reqsiq llaqtakuna hinaqa. Diosnikichikmanta karunchakuruspam chuchumika warmi hinaña kachkankichik, trigo erakunapim pagota chaskikunkichik.

Joel 1:13

Sacerdotekuna lutokuspa waqaychik, altarpi servikuqkuna qaparkachaychik; Diosniypa serviqninkuna, hamuspa luto pachantin puñuychik; Diosnikichikpa templonpim kawsaykunata hinaspa vinota ofrecey tukurun.

Joel 1:8

Runakunam mana upallaykuspa waqachkanku, sipas kayllanpiraq qosan wañukuptin lutokuruq viuda hinam qaparkachachkanku.

Joel 2:12

Tayta Diosmi kaynata nin: Qamkunaqa tukuy sonqowan kutirikamuwaychik, ayunowan, waqakuywan hinaspa qapariywan kutirikamuwaychik.

Joel 2:17

Templopa punkunmanta altarman rinapiyá Tayta Diospa sacerdotenkuna waqaspa kaynata mañakuchunku: ¡Dios Taytallayku, llaqtaykita pampachaykuy, amayá churikikunata penqayman kachaykuychu, amayá huk nacionkuna paykunapi munaychakuchunchu! ¿Imapaqtaq nacionkuna ninmanku: “Maypitaq Diosninku kachkan”, nispanku?

Amós 8:10

Fiestaykichikkunatapas waqakuyman tikraspam, takikichikkunatapas qapariyman tikrasaq; qachqa pachawan pachachispam chukchaykichiktapas rutuchisqaykichik. Sapallan wawa churinmanta waqaqkunata hina kay pachata ruwaptiymi ancha ñakakuyllapiña tukunkichik, nispa.

Jonás 3:6

Nínive llaqtapa reyninpas chay willakuyta uyariruspanmi, trononmanta sayarispan, pachankunata hurqokuruspa qachqa pachawan pachakuruspan uchpapa hawanpi tiyaykurqa.

Miqueas 1:16

Jerusalenpi yachaqkuna, wawa-churikichikmanta qaparkachaspa barbaykichikta rutukuychik, ullachku hina paqla uma kanaykichikkama umaykichiktapas ruturachikuychik, ancha kuyasqaykichik wawa-churikichikmi karu llaqtakunaman preso apasqa kanqaku.

Santiago 5:1

Apukuna, ¡kayta uyariychik! Qepa punchaw ñakarinaykichikmantayá waqaspa qaparkachaychik.