Isaías 22:11 - CHUYA QELLQA La Biblia en Quechua de Ayacucho 2012

¹¹ Iskay murallakunapa chawpinpim estanqueta ruwarqankichik, chaytaqa ruwarqankichik ñawpaq estanquemanta hamuq yaku qochananpaqmi. Chaywanpas Diostaqa manam kaqpaqpas hapirqankichikchu, nitaqmi ñawpaqmantaraq tanteaq kasqantapas qawarqankichikchu.

Quechua Ayacucho Bible 1987

¹¹ Rurarqankichiktaqmi estanqueta iskay murallakunapa chawpinpi, chaytaqa rurarqankichik ñawpaq estanquemanta hamuq yaku qochananpaqmi. Ichaqa manam rikurqankichikchu tukuy chaykuna unanchaq Diosta nitaqmi qawarqankichikchu ñawpaqmanta ruraq Diostapas.

Chuya Qellqa 1992

¹¹ Iskay murallakunapa chawpinpim estanqueta ruwarqankichik, chaytaqa ruwarqankichik ñawpaq estanquemanta hamuq yaku qochananpaqmi. Chaywanpas Diostaqa manam kaqpaqpas hapirqankichikchu, nitaqmi ñawpaqmantaraq tanteaq kasqantapas qawarqankichikchu.

Isaías 22:11 Iomraidhean Croise

2~Reyes 20:20

Rey Ezequiaspa imaynam kawsasqanwan imakunam ruwasqanpas, atiyniyuqllaña kayninpas, estanqueta ruwasqanpas chaynataq yarqata ruwachispan llaqtaman yaku pusaykusqanpas Judá nacionpi reykunapa ruwasqanmanta willakuq libropim qellqasqa kachkan.

2~Reyes 25:4

llaqtapa murallanta toqorurqaku. Chaymi Babilonia tropakuna llaqtapa muyuriqninpi kachkaptinkupas, Jerusalenpi llapa soldadokuna tutallan lluptirurqaku reypa huertanpa hichpanpi kaq iskay perqapa chawpi punkuntakama. Reypas Arabá qechwaman riq ñannintam ayqekurqa.

2~Crónicas 6:6

Ichaqa Jerusalén llaqtatam akllarqani chaypi sutiy reqsisqa kananpaq, Davidtañataqmi akllarqani Israel llaqtaypi munaychakunanpaq”, nispa.

Nehemías 3:16

Qatiqnintam allicharqa Azbucpa churin Nehemías, payqa karqa Bet-sur parten llaqtapa gobernadorninmi, paymi allicharqa Davidpa sepulturankunapa chimpankama, estanquekama hinaspa soldadokunapa cuartelninkama.

Isaías 17:7

Chayna punchawkuna kaptinmi runakuna unanchaqninta yuyarispa maskanqaku, Israelpa Chuya Diosnintam qawarinqaku.

Isaías 22:10

Jerusalén llaqtapi wasikunatapas yupaspam tuñichirqankichik, chaykunawan llaqta muyuriq perqakunata allichanaykichikpaq.

Isaías 31:1

¡Ay, imaynaraq kanqaku Egipto nacionman rispa yanapakuy maskaqkuna! Egiptopa caballonkunapi, kallpasapa silladankunapi, achkallaña carretankunapi hapipakuqkuna; ichaqa manam Israelpa Chuya Diosninpiqa hapipakunkuchu, nitaqmi Tayta Diostaqa maskankuchu.

Isaías 37:26

¿Manachu yacharqanki ñawpaqmantaraq ñoqa Dios chaykuna ruwasqayta? ¿Ñawpaq punchawkunapiraq ñoqa tanteasqayta? chaykunatam kunan ruwani qanwan, hinaptinmi murallasqa llaqtakunata tuñichispa purmachimurqanki.

Isaías 7:3

Chaymi Isaiasta Tayta Dios nirqa: Churiki Sear-jasubwan kuska hanay lawpi estanqueman lloqsiy hamuq yarqapa hichpampi rey Acazwan tupanaykipaq. Chay estanquem kachkan Taqsaq runapa chakranman riq ñanpa hichpanpi.

Isaías 8:17

Jacobpa mirayninkunataña Tayta Dios pakakuptinpas, ñoqaqa payllapim hapipakusaq, payllapim suyasaq.

Jeremías 39:4

Judá nacionpa reynin Sedequiaswan soldadonkunañataqmi enemigonkuta rikuykuspanku llaqtamanta lluptikur-qaku. Tutallanmi reypa huertankuna-man riq ñannintakama iskay murallakunapa chawpinpi kaq punkunta lloqsiruspanku, Jordán qechwaman riq ñanninta ayqekurqaku.

Miqueas 7:7

Ñoqam ichaqa Tayta Diosllapi hapipakullasaq, Salvaykuqniy Diosllapim hapipakullasaq; Diosnillayqa uyariykuwanqam.