Isaías 21:8 - CHUYA QELLQA La Biblia en Quechua de Ayacucho 2012

⁸ Llaqta cuidaqñataqmi qaparispan kaynata willakamurqa: Señor, qawanaypaq maymi churawasqankupim ñoqaqa tuta punchaw sayachkani.

Quechua Ayacucho Bible 1987

⁸ Llaqta cuidaqñataqmi qaparispan ninman: Señor, maymi churawasqankupim puncha-punchaw sayachkani. Señor, maymi sayasqaypim tutan-tutan cuidachkani.

Chuya Qellqa 1992

⁸ Llaqta cuidaqñataqmi qaparispan kaynata willakamurqa: Señor, qawanaypaq maymi churawasqankupim ñoqaqa tuta punchaw sayachkani.

Isaías 21:8 Iomraidhean Croise

2~Crónicas 20:24

Judá runakunañataqmi chunniqta qawarina qasaman chayaruspanku, chay nana-nanaq tropakunata qawarispanku tukuy pampapi wañusqa chutarayachkaqtaña rikuykurqaku, manam mayqellanpas lluptisqachu.

Isaías 5:29

Leonpa hinam qapariyninkupas, malta leonkunapa hinam qapariyninkupas. Qaparillawanñam mikunankutapas hapinku, mana pipapas qechusqantam apakunku.

Isaías 56:10

Llaqtay nanachikuqkunaqa ñawsakunam, mana imallatapas yachaqkunam, llapallankupas mana rimariq allqokunam, mana anyakuy atiq allqokunam, wischurayaspa puñuywan arwitakuqkunam, puñukuylla kuyaqkunam.

Isaías 62:6

Jerusalén llaqta, murallaykipa hawanpim cuidasuqnikikunata churaruni, paykunaqa tuta punchawmi mana upallaykuspa ninqaku: “Tayta Diosta qayakuqkuna ama upallaychikchu,

Jeremías 25:38

Machayninmanta lloqsimuq león hinaraqmi lloqsiramun, paykunapa llaqtankum purmasqa qeparun, Tayta Diospa piñakuyninmi nina hinaraq ratarirun, manchakuypaq guerratam paykunaman kachaykamun.

Jeremías 4:7

Leonmi machayninmanta lloqsiramunña, nacionkuna purmachiqmi hamuchkanña; nacionnikichikta chinkachinanpaqmi lloqsiramunña, llaqtaykikunata purmachinanpaqmi lloqsiramunña, mana runayuqtaña saqenanpaqmi lloqsiramunña.

Jeremías 49:19

Imaynam Jordán mayupa patanpi montemanta león lloqsispa sumaq pastopa kasqanman kallpan, chaynam ñoqapas qonqaymanta hamuruspay Edom nacionniyuq runakunata ayqerachisaq, hinaptinmi ñoqapa akllasqay runaña paykunapi munaychakunqa. ¿Pitaq ñoqa hina kanman? ¿Pitaq ñoqawan atipanakunman? ¿Mayqan michiqtaq ñoqapa contraypi hatarinman?

Jeremías 50:44

Jordán mayupa patan montemanta pastokunapa kasqanman lloqsiq león hinam, qonqaymanta lloqsiruspay Babilonia runakunata lluptirachisaq. ¿Pitaq ñoqa hina kanman? ¿Pitaq ñoqawan atipanakunman? ¿Mayqan michiqtaq ñoqawan churanakunman?

1~Pedro 5:8

Allin yuyayniyuq hinaspa rikchapallayá kaychik, enemigoykichik diabloqa yarqasqa león hinam mu-yuriqnikichikpi purichkan pitapas millpurunanpaq.