Isaías 21:5 - CHUYA QELLQA La Biblia en Quechua de Ayacucho 2012

⁵ Mesaman mantelta mastaykuspankum mikukuypi tomakuypi kakuchkanku. ¡Tropa kamachiqkuna, sayariychik! ¡Escudoykichikta wiraychik!

Quechua Ayacucho Bible 1987

⁵ Mesaqa kachkan alistasqañam. Mantelkunapas kachkan mastasqañam. Tropa kamachiqkuna ¡sayariychik! ¡Harkachikunaykichik armakunata aceitewan llusiychik!

Chuya Qellqa 1992

⁵ Mesaman mantelta mastaykuspankum mikukuypi tomakuypi kakuchkanku. ¡Tropa kamachiqkuna, sayariychik! ¡Escudoykichikta wiraychik!

Isaías 21:5 Iomraidhean Croise

2~Samuel 1:21

Gilboa orqokuna, hawaykimanqa amañayá sullapas nitaq parapas chayamuchunchu, allin ruruq chakrakunapas amañayá kachunchu, chaypim allinnin qari-qari soldadokunapa escudonta saruparurqaku, chaypim Saulpa escudonpa llipipipiynin tukururqa.

Isaías 13:2

Banderata qala orqopa hawanpi sayachiychik, atacanankupaq soldadokunata qayaychik, kamachikuqkunapa punkunman yaykunanpaq makikichikwan señaschaychik.

Jeremías 46:3

Escudokunatawan armakunata hapispa guerraman kallpaychik.

Jeremías 51:11

Tayta Diosmi Babiloniata chinkachinqa, templonta tuñichisqanmantam vengakunqa. Flechaykichikta alistakuychik, escudoykichikta hapiychik. Babilonia nacionta tuñichinankupaqmi Media nacionpa reyninkunata Tayta Dios kallpanchamuchkan.

Jeremías 51:39

Rupaypi yakunayachikuptinkum machachiqninkuta upyachisaq, muspaypi hinaña kanankukamam upyachisaq, chaynapim wiñaypaq manaña rikchanankukama puñurunqaku. Ñoqa Tayta Diosmi chaynata nini.

Jeremías 51:57

Ñoqam machachisaq Babiloniapa kamachiqninkunata, yachaysapa runankunata, ancha reqsisqa runankunata, gobernadorninkunata hinaspa soldadonkunata. Paykunataqa wiñaypaq manaña rikchanankukamam puñurachisaq. Tukuy Atiyniyuq Tayta Diosmi chaynata nin.

1~Corintios 15:32

Ñoqam purun animalkunawan Éfeso llaqtapi pelearqani, chaywanqa, ¿imatataq hurqokuni? Wañuqkuna mana kawsarimunan kaptinqa allintam ninku: Mikukusun, upyakusun, paqarinqa wañukusunmi, nispanku.