Isaías 21:2 - CHUYA QELLQA La Biblia en Quechua de Ayacucho 2012

² Llumpay manchakuypaqmi Diospa qawachiwasqanqa: Iskay uyakunam traicionachkanku, wichichiqkunam tuñichichkanku. ¡Elam llaqta hatariy! ¡Media runakuna, Babilonia llaqtata chinkachinaykichikpaq muyuriychik! Ñakariytam puchukachisaq.

Quechua Ayacucho Bible 1987

² Puramente manchakuypaqmi Tayta Diospa rikurichiwasqanqa: Traicionaqkunam traicionachkanku. Salteaqkunam salteachkanku. Elam nacionmanta kaqkuna ¡atacaychik! Waqayninkutam upallachisaq. Media nacionmanta kaqkuna ¡muyurispa atacaychik! Waqayninkutam upallachisaq.

Chuya Qellqa 1992

² Llumpay manchakuypaqmi Diospa qawachiwasqanqa: Iskay uyakunam traicionachkanku, wichichiqkunam tuñichichkanku. ¡Elam llaqta hatariy! ¡Media runakuna, Babilonia llaqtata chinkachinaykichikpaq muyuriychik! Ñakariytam puchukachisaq.

Isaías 21:2 Iomraidhean Croise

Génesis 10:22

Sempa churinkunam karqa: Elam, Asur, Arfaxad, Lud hinaspa Aram.

2~Reyes 17:6

Isqon wataña rey Oseas munaychakuchkaptinmi, Asiria nacionpa reyninqa Samaria llaqtata venceruspan Israel runakunata presocharuspan Asiria nacionman aparqa, hinaspam Halah llaqtapi, Habor mayupa patanpi kaq Gozán llaqtapi chaynataq Media nacionpa llaqtankunapi churarqa, chaypiña yachanankupaq.

Proverbios 13:15

Allinta tantearispa ruwaq runaqa kuyasqam kanqa, iskay uya runam ichaqa chinkayman richkan.

Isaías 11:11

Chay tiempokunapim, puchuq runankunata reclamananpaq Tayta Dios huktawan makinta hoqarinqa, hinaspam Asiriamanta, Egiptomanta, Patrosmanta, Cusmanta, Sinarmanta, Hamatmanta, Elam lawmanta, lamar qochapa patanpi kaq nacionkunamanta huñumunqa.

Isaías 14:4

Babiloniapi reypa contranpi kaynata takispa asipayankichik: ¡Imaynamá ñakarichikuq reyqa kaynaqa tukurun! ¡Imaynamá hatun tukuspa ruwasqanpas kaynaqa tukurun!

Isaías 14:7

Kunanqa kay pachapas hawkañam kachkan, kusikuymantam takichkan.

Isaías 22:6

Elam tropakunam flechankuta hapiykunku, carretankumanmi qespirunku, caballonkumanmi sillakuykunku. Kir lawpi tropakunam escudonkuta hapiykunku.

Isaías 24:16

Kay pachapa patankunamantaraqmi kay takita uyarirqaniku: ¡Allinkuna ruwaq hatunchasqa kachun! niqta. Chaymi nirqani: ¡Ay, imañataq kayqa, imañataq kayqa! Iskay uyakunam contrato ruwasqankuta saqerunku, paqway iskay uyañam rikurirunku.

Isaías 33:1

¡Ay, imaynaraq kankichik, purmachiq kachkaspa mana purmachisqakuna, traicionaq kachkaspa mana traicionasqakuna! Purmachiyta tukuruspam qampas purmachisqa kanki, traicionayta tukuruspam qampas traicionachikunki.

Isaías 35:10

Tayta Diospa librasqankunallam chay ñannintaqa kutimunqaku, kusikuy qapariyllawanñam Sión llaqtaman yaykunqaku, llakikuywan waqakuypas tukunqañam, nispa.

Isaías 47:6

Runaykunawan piñasqa kaspaymi, penqaypi kanankupaq makikiman hapiykachirqayki. Ichaqa paykunatam mana llakipayarqankichu, yuyaqkunatapas llasaq qepita apachispam ñakarichirqanki.

Jeremías 25:25

Upyachirqanitaqmi Zimripa, Elampa hinaspa Mediapa reyninkunamanpas;

Jeremías 31:20

Ñoqa Tayta Diosmi nini: Efraín llaqtaqa kuyasqay churiymi, payqa ancha kuyasqay churiymi; qaqcharuspaypas paytaqa manam qonqanichu, paymantaqa sonqoypas waqanmi, paymantaqa sinchitam llakikuni.

Jeremías 31:25

Pisipasqakunamanwan mana kallpayuqkunamanmi mikuykachispay achkanpi tomaykachisaq, nispa.

Jeremías 45:3

Qanmi nichkanki: ¡Ay, imaraq viday! Tayta Diosmi nanayniyman llakikuyta yapay-kamun. Waqaytapas amiruniñam, manañam hawkayaytapas tariniñachu, nispayki.

Jeremías 49:34

Rey Sedequías Judá nacionpi munaychakuyta qallarichkaptinmi, Elampa contranpi profeta Jeremiasta Tayta Dios kaynata nirqa:

Jeremías 49:35

Ñoqa Tukuy Atiyniyuq Tayta Diosmi kaynata nini: Elam nacionpa flechanan arcotam pakirusaq, allinnin armantam pakiparusaq.

Jeremías 50:14

¡Llapa flechaqkuna, Babiloniapa muyuriqninpi churakuychik! ¡Ñoqa Tayta Diospa contraypi huchallikusqanmanta mana samaykuspa flechaykichikta kachariychik!

Jeremías 50:34

Chaywanpas paykunapa reclamaqninqa atiyniyuqmi, Tukuy Atiyniyuq Tayta Diosmi sutinpas. Paymi nanachikuspan allin arreglota ruwanqa, nacionmanpas hawkayaytam apamunqa, Babiloniamanñataqmi hatun manchakuyta apamunqa.

Jeremías 51:11

Tayta Diosmi Babiloniata chinkachinqa, templonta tuñichisqanmantam vengakunqa. Flechaykichikta alistakuychik, escudoykichikta hapiychik. Babilonia nacionta tuñichinankupaqmi Media nacionpa reyninkunata Tayta Dios kallpanchamuchkan.

Jeremías 51:44

Bel idolotam Babiloniapi castigasaq, imapas millpusqankunatam atqochisaq, nacionkunapas manañam paymanqa hamunqakuñachu. Babiloniapa murallankunam tuñichisqa kanqa.

Jeremías 51:53

Babilonia naciontaqa, cielokamaña hoqarikuruptinpas, amparakunanta chaypiña ruwaruptinpas, ñoqam tuñichiqninkunata kachaykusaq. Ñoqa Tayta Diosmi chaynata nini.

Lamentaciones 1:22

Qampa qayllaykiman mana allin ruwasqanku chayamuchun; huchankumanta paykunatapas castigay ñoqata castigawasqaykita hina. Llumpay waqasqaypim, sonqollaypas wañunayachkanña.

Daniel 5:28

PARSIN ninanqa: Munaychakuynikim iskayman rakinasqa kaspan Media lawpi hinaspa Persia lawpi kaqkunamanña qosqa kanqa, ninanmi.

Daniel 5:9

Rey Belsasar llumpayta mancharikuptinmi uyanpas ayayarurqa. Ancha reqsisqa kamachikuqkunapas manam ima ruwakuytapas atirqakuchu.

Daniel 8:2

Chay revelacionniypim reypa yachanan Susa llaqtapi kachkasqani, chay llaqtaqa Elam lawpim kachkan; chaypim Ulai mayupa patanpi kachkasqani.

Daniel 8:20

Chay iskay waqrayuq carnero rikusqaykiqa Media nacionpa hinaspa Persia nacionpa reyninkunam.

Apocalipsis 13:10

Pipas presochasqa kananpaq kaqqa presochasqam kanqa. Pipas espadawan wañuchinapaq kaqqa espadawan wañuchisqam kanqa. Chaynapim Diosllapaqña kawsaqkunaqa pacienciayuq hinaspa confianzayuq kananku.

1~Samuel 24:13

Ñawpaqmantaraqmi kay rimay hamun: “Mana allin ruwaykunaqa lloqsimun mana allin runakunamantam”, nispa. Chaymi makiytaqa mana haykapipas hoqarisaqchu qampa contraykipiqa.