Isaías 21:1 - CHUYA QELLQA La Biblia en Quechua de Ayacucho 2012

¹ Lamar qochapa hichpanpi chunniq lawpa contranpim Isaías kaynata nirqa: Imaynam Neguev lawninta sinchi wayra hamun, chaynam manchakuypaq chunniq lawmanta enemigo hamuchkan.

Quechua Ayacucho Bible 1987

¹ Lamar qochapa hichapanpi kaq chunniq sitiopa contranpim Isaias kaynata nirqa: Imaynam Neguev lawninta sinchi wayra hamuchkan, chaynam chunniq lawmanta enemigo hamuchkan. Mancharikuypaq sitiomantam hamuchkan.

Chuya Qellqa 1992

¹ Lamar qochapa hichpanpi chunniq lawpa contranpim Isaías kaynata nirqa: Imaynam Neguev lawninta sinchi wayra hamun, chaynam manchakuypaq chunniq lawmanta enemigo hamuchkan.

Isaías 21:1 Iomraidhean Croise

Jobwan Sutichasqa Libro 37:9

Sur lawmantam sinchi wayra hamun, norte lawmantañataqmi chiri hamun.

Isaías 13:1

Amozpa churin Isaiasmi Babilonia nacionta iman pasananmanta kaynata nirqa:

Isaías 13:13

Ñoqa Tukuy Atiyniyuq Tayta Diosmi cielokunata katkatatachisaq sinchi piñakuyniywan, maymi kasqanmantam allpa pachapas asurinqaraq.

Isaías 14:1

Tayta Diosmi Jacobpa mirayninkunamanta llakipayarikunqa, Israel runakunata yapamanta akllaykuspanmi allpankupi kawsachinqa. Huklaw nacionmanta kaqkunam Jacobpa castankunaman hukllawakunqa.

Isaías 14:14

Alto-altopi kaq puyukunapa altonmanraqmi seqarusaq, “ñoqaqa hatu-hatun Dios hinam kasaq”, nispa.

Isaías 14:23

erizo animalkunapa yachananmanñam tikrarusaq, asnarichkaq mitupa kanantañam ruwarusaq. Pichanawan qopata pichachkaq hinam chinkachisaq, Tukuy Atiyniyuq Tayta Diosmi chaynata nin.

Isaías 17:1

Damasco llaqtapa contranpim Isaías kaynata nirqa: Damasco llaqtaqa manañam llaqtañachu kanqa, aswanqa tuñichisqa perqakunallañam montorayanqa.

Isaías 47:1

Tayta Diosmi kaynata nin: Sipas kaqlla Babilonia llaqta, uraykamuspa ñutu allpapi tiyay. Sipas kaqlla Caldea llaqta, tronoykimanta uraykamuspa pampapi tiyay. Manañam qanmantaqa ninqakuñachu: “Kuyayllapaq sumaq llaqta”, nispaqa.

Isaías 5:28

Ñawchiy-ñawchiymi flechankupas, suma-sumaq estirasqam arconkupas. Rumi hinaraqmi caballonkupa situnpas, remolino wayra hinaraqmi carretankupa ruedankunapas.

Jeremías 51:1

Tayta Diosmi kaynata nin: Babilonia nacionpa contranpim, contraypi hatariq runankunapa contranpim, tuñichiq wayrata pukuchimusaq.

Jeremías 51:42

Lamar qocham Babiloniata pamparun, olankunam lloqsiramuspa pamparun.

Jeremías 51:51

Qamkunam ninkichik: “Tratawasqankuta uyarispaykum hatun penqaypi kachkaniku, Tayta Diospa templonman huklaw llaqtayuqkuna yaykusqanmantam penqakuyllawanña kachkaniku”, nispaykichik.

Ezequiel 1:4

Ñoqa Ezequiel qawariptiymi, norte lawmanta sinchi wayra pukumuchkasqa, huk yanay-yanay puyumantañataqmi llipyakuna lloqsimuchkasqa, chaypa muyuriqninpim llumpay kanchay kach-kasqa. Chay llipyakunapa chawpinpim llipipipichkaq bronceman rikchakuq kachkasqa.

Ezequiel 30:11

Paymi llapallan tropankunawan rinqa, paykunaqa pasaypaq mana llakipayakuq runakunam, chay nacionta purmachinankupaqmi hamunqaku, Egipto runakunatam espadankuwan wañuchinqaku, wañusqakunawanmi chay nacionta huntarachinqaku.

Ezequiel 31:12

Pasaypaq mana llakipayakuq huklaw nacionniyuq runakunam paytaqa kuchuruspanku saqerunqaku. Kallmankunapas orqokunapi, qechwakunapi, wayqokunapi hinaspa pampakunapim wischusqa kanqa. Llantuyninpi yachaq nacionkunapas ayqekuspankum saqerunqaku.

Ezequiel 38:9

Hinachkaptinmi puyu tapaykuchkaq hinaraq chayaruspa, wayra-para hinaraq nana-nanaq tropaykikunawan chay nacionta intuykunki.

Daniel 11:40

Tukupay tiempo chayaramuptinmi, sur lawpi rey guerrawan hapirunqa norte lawpi reyta. Ichaqa norte lawpi reymi wayra-para hinaraq sur lawpi reypa contranpi mastarikunqa, guerrapaq carretankunawan, sillada tropankunawan, achkallaña barcokunawanmi chayarunqa; hinaspam lloqlla hinaraq achka llaqtakunata chinkarachinqa.

Zacarías 9:14

Tayta Diosmi llaqtanpi qawachikunqa, flechankunatapas llipyata hinam kacharinqa; Tayta Diosmi trompetata tocanqa, sur lawmanta hatarimuq remolino wayrapa chawpintam hamunqa.