Isaías 2:8 - CHUYA QELLQA La Biblia en Quechua de Ayacucho 2012

⁸ Makinkuwan ruwakusqanku idolokunapa huntaykusqanmi allpankupas kachkan, chaykunapa ñawpaqninpim qonqorakunku.

Quechua Ayacucho Bible 1987

⁸ Kay nacionqa taytacha-mamachakunawan huntasqam kachkan. Kay nacionqa makinkupa rurasqankutam adorachkan.

Chuya Qellqa 1992

⁸ Makinkuwan ruwakusqanku idolokunapa huntaykusqanmi allpankupas kachkan, chaykunapa ñawpaqninpim qonqorakunku.

Isaías 2:8 Iomraidhean Croise

1~Reyes 16:7

Tayta Diosmi Hananipa churin profeta Jehuntakama rey Baasapa contranpi hinaspa mirayninkunapa contranpi rimarirqa, chaynataqa rimarirqa mana allin ruwayninkunawan piñachisqanraykum. Rey Baasapa mana allin ruwasqakunaqa wañuchisqan Jeroboampa mirayninkunapa millakuypaq ruwasqankuna hinam karqa. Chaykunawanmi Tayta Diosta piñachirqa.

2~Reyes 17:10

moqokunapipas chaynataq rapisa-pa sachakunapa sikinkunapipas rumi-manta pilarkunatawan Asera idolokunatañam sayarachirqaku.

2~Reyes 17:16

Señorninku Tayta Diospa llapallan kamachisqankunata saqeruspankum, metalta chulluchispa iskay torokunata ruwakururqaku, ruwakururqakutaqmi Asera idolotapas. Cielopi llapa chaskakunatawan Baal idolokunatañam yupaycharqaku.

2~Crónicas 27:2

Jotamqa taytan Uzías hinam Tayta Diospa qayllanpi allin kaqkunata ruwarqa. Ichaqa manam Tayta Diospa templonman yaykurqachu. Runakunam ichaqa hinalla huchallikuypi karqaku.

Isaías 17:8

Makinkuwan ruwasqanku capillakunatapas, dedonkuwan llunkisqanku Asera idolonkutapas, intiman rikchakuq idolonkutapas, manañam qawarinqakuñachu.

Isaías 26:13

Dios Taytallayku, sapaq runakunam munaychakuruwanku, ichaqa qamllatam Señorniykupaq reqsikuykiku.

Isaías 37:19

Idolonkutapas ninamanmi wischuykurqaku, runakunapa kullumanta rumimanta ruwasqan kasqanraykum chaykunataqa chinkarachirqaku. Cheqaptapunipas chaykunaqa manam dioschu.

Isaías 40:19

Idolota ruwaqmi metalta chulluchispa idolota ruwarun, alhajakuna ruwaqñataqmi qoriwan llusirun; qollqeta chulluchispam cadenata ruwarun.

Isaías 41:29

Chay idolokunaqa llapallankum mana valeq, ruwasqankupas mana imapaq valeqmi, chaykunaqa mana imayuq toqro ukullam, chaykunaqa wayra ukuyuq idolokunallam.

Isaías 57:5

¿Manachum encina sachakunapa, llaqesapa sachakunapa ukunpi huchapakunkichik? Wawakunatam wayqokunapi, uchkukunapi idolokunapaq wañuchipunkichik.

Jeremías 1:16

Kay castigotam llaqtayman apamusaq mana allinkunata ruwaspa saqeruwasqankumanta, sapaq dioskunapaqña inciensota kañapusqankumanta, kikinkupa ruwasqankutaña hatunchasqankumanta.

Jeremías 11:13

Judá nacionpi yachaqkuna, haykam llaqtaykichikkuna kasqanman hinam idoloykichikkunapas achkallaña; haykam callekichikkunapas kasqanman hinataqmi, Baalman incienso kañanaykichik altarkunatapas achkallataña ruwakurunkichik.

Jeremías 2:28

Judá runakuna, ¿maytaq idolokuna ruwakusqaykichik? Llaqtakunata hinañam achkallataña ruwakurunkichik, chaynaqa paykunayá kallpamuchunku, yaqachus ñakariynikichik punchawpi salvarusunkichik.

Oseas 12:11

Galaad runakunaqa mana allin runakunam, Gilgal llaqtapim idolonkupaq torokunata sacrificarqaku, chayraykum altarninkupa ruminkunapas chakrakunapi wischusqa purmanqa.

Oseas 13:2

Kunanpas paykunaqa hinallam huchallikuchkanku, qollqenkutapas chulluchispam tanteasqankuman hina idolokunata ruwakuchkanku, hinaspam runakunata ninku: “Qori torillo idoloman sacrificiota qoychik, hinaspa muchaykuychik”, nispanku.

Oseas 14:3

Asiriaqa manam salvawanmankuñachu, guerrapaq caballokunapipas manañam sillakusaqkuñachu; makiykuwan ruwasqayku idolokunatapas manañam: “Diosnillayku” nisaqkuñachu; aswanqa wakchakunapas qam Diosnillaykupin llakipayakuyta tarinku”, nispaykichik.

Oseas 8:6

Yaw Israel, Samariapi yupaychasqayki qori torilloqa manam dioschu, chayqa runapa ruwasqallanmi; chayraykum pasaypaq ñutusqa kanqa.

Miqueas 5:12

Layqanakuynikichiktapas chinkarachisaqmi, qatipaqkunatapas chawpikichikmantam chinkarachisaq.

Hechos 17:16

Pablom Silastawan Timoteota Atenas llaqtapi suyaspan, llumpay llakisqallaña karqa chay llaqtapi runakuna idolokunaman qokurusqankuta qawaspan.

Deuteronomio 4:28

Chay nacionkunapim, runakunapa ruwasqan mana qawakuq, mana uyariq, mana mikuq, mana muskiq, kullumanta chaynataq rumimanta idolokunataña servinkichik.

Apocalipsis 9:20

Chay castigokunamanta lluptiq runakunapas manataqmi wanakurqakuchu mana allinkuna ruwayninkumantaqa. Manam wanakurqakuchu demoniokuna yupaychaymanta nitaq qorimanta, qollqemanta, broncemanta, rumimanta hinaspa kullumanta idolokuna hatunchaytapas. Chay idolokunaqa manam rikukunchu, manam uyarikunchu, manataqmi purinchu.