Isaías 2:7 - CHUYA QELLQA La Biblia en Quechua de Ayacucho 2012

⁷ Kay nacionqa qori-qollqewan huntasqam kachkan, llapa kapuqninkupas mana yupay atiymi. Kay nacionqa caballokunawan huntasqam kachkan, carretankunapas mana yupay atiymi.

Quechua Ayacucho Bible 1987

⁷ Kay nacionqa qori-qollqewan huntasqam kachkan. Nana-nanaq riquezakunawan huntasqam kachkan. Kay nacionqa caballokunawan huntasqam kachkan. Nana-nanaq carretakunawan huntasqam kachkan.

Chuya Qellqa 1992

⁷ Kay nacionqa qori-qollqewan huntasqam kachkan, llapa kapuqninkupas mana yupay atiymi. Kay nacionqa caballokunawan huntasqam kachkan, carretankunapas mana yupay atiymi.

Isaías 2:7 Iomraidhean Croise

1~Reyes 4:26

Salomonpam karqa carretankuna chutananpaq tawa chunka waranqa caballonkuna chaynataq chunka iskayniyuq waranqa sillakuq soldadonkunapas.

Jobwan Sutichasqa Libro 3:15

Qorita qollqeta wasinman huntachikuq kamachikuqkunawan kuska.

Isaías 30:16

aswanraqmi qamkuna nirqankichik: “Caballokunapim ayqekusaqku”, nispa. Chaynaqa, caballokunapichá ayqenkichik. Nirqankichiktaqmi: “Utqayman kallpaq carretakunapim lluptikusaqku”, nispapas. Ichaqa enemigoykichikpas aswan utqaymanraqmi qatisunkichik.

Isaías 31:1

¡Ay, imaynaraq kanqaku Egipto nacionman rispa yanapakuy maskaqkuna! Egiptopa caballonkunapi, kallpasapa silladankunapi, achkallaña carretankunapi hapipakuqkuna; ichaqa manam Israelpa Chuya Diosninpiqa hapipakunkuchu, nitaqmi Tayta Diostaqa maskankuchu.

Isaías 57:17

Engañaspa mana allinkunata ruwasqanraykum piñakuspay Israelta ñakarichirqani, piñakuyniypim paymanta pakakurqani; aswanqa paymi mana kasukuq rikurirurqa, munasqallan ruwaymanmi qokururqa.

Oseas 14:3

Asiriaqa manam salvawanmankuñachu, guerrapaq caballokunapipas manañam sillakusaqkuñachu; makiykuwan ruwasqayku idolokunatapas manañam: “Diosnillayku” nisaqkuñachu; aswanqa wakchakunapas qam Diosnillaykupin llakipayakuyta tarinku”, nispaykichik.

Miqueas 5:10

Tayta Diosmi kaynata nin: Chay punchawpim caballoykikunatapas wañurachisaq, guerrapaq carretaykikunatapas ñutuparusaq.

Apocalipsis 18:3

Llapallan nacionkunam vino upyachkaq hina huchapakuyninwan sinkarqaku. Kay pachapi reykunam paywan waqllikurqaku, kay pachapi negociantekunapas Babiloniapa millakuypaq kaqkunata ruwaspa qollqechasqankuwanmi apuyarurqaku, nispa.