Isaías 2:4 - CHUYA QELLQA La Biblia en Quechua de Ayacucho 2012

⁴ Diosmi nacionkunata juzganqa, paymi llapa llaqtakunapa cheqninakuyninkuta allichanqa. Chaynapim espadankutapas rejakunamanña tikranqaku, lanzankutapas rutunakunamanñam tikranqaku. Manañam nacionpurapas wañuchinakunqakuñachu, guerrapaqpas manañam yachachinakunqakuñachu.

Quechua Ayacucho Bible 1987

⁴ Tayta Diosmi juzganqa nacionkunata. Paymi arreglanqa nana-nanaq runakunapa asuntonkunata. Paykunaqa espadankutapas rejakunamanñam tikrarunqaku. Paykunaqa lanzankutapas rutunakunamanñam tikrarunqaku. Manañam nacionpurapas peleanqakuñachu. Guerrapaqpas manañam yachanqakuñachu.

Chuya Qellqa 1992

⁴ Diosmi nacionkunata juzganqa, paymi llapa llaqtakunapa cheqninakuyninkuta allichanqa. Chaynapim espadankutapas rejakunamanña tikranqaku, lanzankutapas rutunakunamanñam tikranqaku. Manañam nacionpurapas wañuchinakunqakuñachu, guerrapaqpas manañam yachachinakunqakuñachu.

Isaías 2:4 Iomraidhean Croise

Isaías 32:17

Allinkuna ruwaymi hawkayaytawan, hawka samakuyta hinaspa hawka kawsakuyta, wiña-wiñaypaq rurunqa.

Isaías 32:18

Chaymi llaqtayqa waqaychasqa wasikunapi hawkalla yachakunqaku, mana pipapas ima nisqanmi hawkalla yachanqaku.

Isaías 33:22

Tayta Diosmi juezninchikpas, decretokuna qowaqninchikpas, Tayta Diosmi reyninchikpas, payllataqmi salvaqninchikpas.

Isaías 42:1

Kayqaya akllakusqay serviqniyqa, ñoqam payta kallpanchasaq, payraykum kusisqa kachkani. Espirituytam payman huntani, mana pimanpas sayapakuspam nacionkunata kamachinqa.

Isaías 42:3

Chitqasqa soqosllatapas manam pakinqachu, wañunayachkaqña rataq mecherotapas manam wañuchinqachu, cheqapwanmi lliwpaq allinkunallata ruwanqa.

Isaías 9:5

Guerrapi peleaptinku tropakunapa bullallaña ruwaq zapatonkupas, chaynataq yawarwan qachachasqa pachankupas, lliwmi ninawan rupaspa tukurunqa.

Isaías 9:7

Rey Davidpa trononmantam kamachikunqa, munaychakuyninpa atiyninmi tukuy hinastinman chayanqa, munaychakuyninpiqa hawkayaypas manam tukunqachu, munaychakuyninqa wiña-wiñaypaqmi takyanqa. Mana pimanpas sayapakuspam kamachikunqa, allin arreglokunawanmi munaychakunqa, kunanmanta wiña-wiñaykama. Tukuy Atiyniyuq Tayta Diospa kuyakuyninmi chaytaqa ruwanqa.

Oseas 2:18

Chay punchawkunapim paykunarayku purun animalkunawan pactota ruwasaq, pawaq urpikunawan hinaspa maqta urukunawanpas. Chinkachisaqmi flechatapas, espadatapas chaynataq guerratapas, hinaspaymi hawkallataña kawsachikusqayki.

Oseas 2:20

Manaña rakinakunapaq casaraptiymi Dios kasqayta riqsiwanki.

Joel 3:10

Rejaykichiktapas espadamanña tikraychik, rutunaykichiktapas lanzamanña tikraychik, umpu runapas kallpayuqpaqña hapikuchun.

Joel 3:12

Nacionkuna rikchariychik, Josafat qechwaman riychik. Tayta Diosmi chaypi tiyaykuspan muyuriqninpi llapa nacionkunata juzganqa.

Miqueas 4:3

Tayta Diosmi llapa llaqtakunata juzganqa, karupi kaq atiyniyuq nacionkunatapas derechonmanmi churanqa. Paykunañataqmi espadankutapas rejakunamanña tikranqaku, lanzankutapas rutunakunamanñam tikranqaku. Manañam nacionpura peleanqakuñachu, guerrapaqpas manañam mastaqa allichakunqakuñachu.

Zacarías 9:10

Paymi Efrainpa carretankunatawan Jerusalenpa caballonkutapas chinkachinqa, guerrapaq arcokunatapas pakipanqam. Nacionkunapa hawkayaynintam rimarinqa, lamar qochapa kaylaw patanmanta waklaw patankamam munaychakunqa, Eufrates mayumanta qallaykuspam kay allpa pachapa patankama munaychakunqa.

Hechos 17:31

Diosmi huk runata akllarun, paymi akllasqan punchawpi mana pimanpas sayapakuspa kay pachata juzganqa. Chayta llapa runakuna creenankupaqmi chay akllasqan Jesusta wañusqanmanta Dios kawsarichimurqa, nispa.

Apocalipsis 19:11

Chaymantam rikurqani hanaq pacha kicharayachkaqta, chaypim huk yuraq caballo rikurirurqa, sillakuqninpa sutinmi kasqa “Fiel hinaspa Cheqap” niq. Payqa mana pimanpas sayapakuspam allin arreglota ruwaspa kamachikusqa chaynataq peleasqapas.

1~Samuel 2:10

Tayta Diosmi chinkarachinqa contranpi sayariqkunataqa, hanaq pachamantam rayokunata hawankuman kachaykamunqa. Tayta Diosmi juzganqa kay pachapi runakunataqa; kallpanchanqam akllakusqan reytapas, akllakusqanpa atiynintam hatunchanqa, nispa.