Isaías 2:3 - CHUYA QELLQA La Biblia en Quechua de Ayacucho 2012

³ Achka nacionkunamantam nana-nanaq runakuna hamuspanku kaynata ninqaku: “Tayta Diospa orqonman hamuychik, Jacobpa Diosninpa templonman hakuchik, paymi allin kawsakuyta yachachiwasun, munasqanman hina purinapaq”, nispanku. Sionmantam Diospa kamachikuynin lloqsimunqa, Jerusalenmantam Diospa yachachikuynin lloqsimunqa.

Quechua Ayacucho Bible 1987

³ Nana-nanaq nacion runakunam hamunqaku. Hinaspam paykunaqa kaynata ninqaku: “Hakuchikyá risunchik Tayta Diospa orqonman, Risunchikyá Jacobpa Diosninpa templonman. Paymi yachachiwasun paypaq hina kawsanapaq. Yachachiwasunchikmi paypa munasqanman hina kawsanapaq.” Sion Moqomantam Tayta Diospa yachachikuynin lloqsimunqa. Jerusalen llaqtamantam Tayta Diospa palabran lloqsimunqa.

Chuya Qellqa 1992

³ Achka nacionkunamantam nana-nanaq runakuna hamuspanku kaynata ninqaku: “Tayta Diospa orqonman hamuychik, Jacobpa Diosninpa templonman hakuchik, paymi allin kawsakuyta yachachiwasun, munasqanman hina purinapaq”. Sionmantam Diospa kamachikuynin lloqsimunqa, Jerusalenmantam Diospa yachachikuynin lloqsimunqa.

Isaías 2:3 Iomraidhean Croise

Ester 9:27

judiokunaqa kamachinakurqaku, kikinkupas, mirayninkupas chaynataq paykunaman hukllawakuqkunapas mana qonqaykuspa, kay iskay punchaw fiestata watan-watan ruwanankupaq. Chaynata ruwanankupaqmi kamachikuyta chaskirqaku,

Isaías 1:26

Ñawpaq tiempopi hinam jueznikikunatapas chaynallataq umachasuqnikikunatapas hatarichisaq. Chaymi allinkuna ruwaqwan, hinaspa Diosllapi hapipakuq llaqtawan sutichasqa kanki.

Isaías 11:10

Sachapa sapin ikllimuq hinam chay tiempopi Isaipa mirayninmanta rikurimunqa, nacionkunapaqmi bandera hina kanqa, llapallan nacionkunapi runakunam payta maskanqaku, samasqan sitiopas kancharinqam.

Isaías 19:23

Chay punchawpim Egipto nacionmanta Asiria nacionkama hatun ñan kanqa, hinaptinmi Asiria nacionpi kaqkuna Egiptoman rinqaku, Egiptopi kaqkunapas Asiriamanmi rinqaku. Chaynapim iskaynin llaqta kuskanku Tayta Diosta yupaychanqaku.

Isaías 28:9

Ñoqata kamiwaspankum ninku: ¿Pitataq yachachichkan? ¿Pitataq allin yachachikuykunata entiendechichkan? ¿Anukasqa wawakunatachu? ¿Ñuñuq wawakunatachu?

Isaías 44:5

Paykunamantam hukkaqnin ninqa: “Ñoqaqa Tayta Diospam kani”, nispa. Hukninñataqmi ninqa: “Ñoqaqa Jacobpa mirayninmi kani”, nispa. Hukkaqninñataqmi makinpim qellqakunqa: “Ñoqaqa Tayta Diospam kani”, niqta. Hinaspam sutinman yapaykunqa “Israelpa miraynin”, niqta.

Isaías 56:5

hinaptinqa paykunamanmi churikuna qonaymantapas aswan allin kaqkunata qosaq, temploypa perqankunapim sutinkuta qellqachisaq, mana chinkaq wiñaypaq takyaq sutitam qosaq.

Isaías 56:7

paykunatam sapaqchasqay orqoman pusasaq, mañakuwananku wasiypim samachisaq; lliw kañana sacrificiotawan ofrendakuna ofrecewasqankutapas chaskisaqmi. Temployqa “llapallan llaqtakunapa mañakunan wasiwan” sutichasqam kanqa.

Isaías 60:3

Nacionkunapas achkiynikipim purinqaku, reykunapas kanchaynikipim purinqaku.

Isaías 65:11

Qamkunatam ichaqa, ñoqamanta karunchakurusqaykichikrayku, sapaqchasqay orqoyta qonqarusqaykichikrayku, “suerte qokuq”, nispa Gad idoloman, “allin destino qokuq”, nispa Meni sutiyuq idoloman, mikuytawan vinota qosqaykichikrayku,

Isaías 66:20

Hinaspam llapa nacionkunamanta llaqtamasikichikkunata pusamunqaku, caballokunapi, carretakunapi, andaskunapi, mulakunapi hinaspa camellokunapi. Paykunatam ñoqa Tayta Diospaq ofrendata hina chuyanchakusqay Jerusalén llaqtaman pusamunqaku. Paykunam kanqaku Israelpa apamusqan ofrenda hina, nispa.

Jeremías 12:16

Paykunam llaqtayta yachachirqaku Baal idolorayku juranankupaq. Sichum runaykuna hinaña kawsayta yachaspanku ñoqa Tayta Diospa sutiypi juraspa ninqaku: “Kawsaq Diosraykum jurani” nispanku, hinaspaqa runaykuna ukupim yachanqaku.

Jeremías 26:18

Judá nacionpi rey Ezequías munaychakuchkaptinmi, Moreset llaqtayuq Miqueas kay Judá nacionpi llapallan runakunata nirqa: Tukuy atiyniyuq Tayta Diosmi kaynata nin: Sión llaqtam yapusqa chakraman tikrasqa kanqa, Jerusalén llaqtam purmachisqa kanqa, Templopa kasqan moqom monteyarunqa, nispa.

Jeremías 31:6

Hamuchkanmi punchaw, Efrainpa orqonkunapi llaqta waqaychaqkuna qaparispa: ¡Llapallaykichik hamuychik, Sión llaqtaman hakuchik, Diosninchikpa llaqtanman risunchik! ninankupaq.

Ezequiel 40:2

Tayta Diosmi visionpi Israel allpaman aparuwaspan hatun orqopa puntanman churaykuwarqa. Chaymanta sur lawman qawariptiymi huk llaqtaman rikchakuq kachkasqa.

Oseas 3:5

Chaymantam Israelpa mirayninkuna kutirimuspanku Tayta Diosninkuta chaynataq reyninku Davidtapas maskanqaku. Tukupay punchawkunapiqa Tayta Diostam manchakunqaku, bendicionninkunatapas kuyakuywanmi chaskikunqaku.

Oseas 6:3

Tayta Diosta reqsiypi kallpanchakusun, tutapay inti kancharimuq hinaraqmi payqa ñoqanchikman lloqsirimunqa. Yapuy parawan poqoy para hinraqmi ñoqanchikman chayaykamunqa, nispanku.

Miqueas 4:2

Llapallan nacionkunam chayman rispanku ninqaku: Tayta Diospa akllakusqan orqoman hakuchik, Jacobpa Diosninpa wasinman risunchik; paymi yachachiwasun paypaq hina kawsakuyta, paypa munasqanman hinaña purisunchik, nispanku. Sión moqomantam kamachikuy lloqsimunqa, Jerusalenmantañataqmi Tayta Diospa Chuya simin lloqsimunqa.

Mateo 7:24

Pipas nisqaykunata uyarispan ruwayman churaqqa, taqrapa hawanpi wasichakuq allin yachayniyuq runamanmi rikchakun.

Lucas 11:28

Chaymi Jesusñataq nirqa: Aswan kusisqaqa Diospa palabranta uyarispa kasukuqkunam, nispa.

Lucas 24:47

chaynapi Jerusalenmanta qallaykuspa lliw nacionkunapi paypa sutinpi willakuptinku, runakuna huchankumanta wanakuspa pampachasqa ka-nankupaq.

Juan 4:22

Qamkunaqa manam yachankichikchu pitam yupaychasqaykichiktapas, ñoqaykum ichaqa pitam yupaychasqaykuta yachaniku, salvacionqa judiokunamantam hamun.

Juan 7:17

Pipas Diospa munasqanta ruway munaqqa yachanqam kay yachachisqayqa Diosmanta kasqanta otaq kikillaymanta rimasqaytapas.

Hechos 1:8

Ichaqa Chuya Espíritu qamkunaman hamuptinmi atiyta chaskinkichik. Chaymi ñoqamanta willakunkichik Jerusalén llaqtapi, lliw Judea lawpi, Samaria lawpi hinaspa kay pachapa patankunakama.

Hechos 10:33

Hinaptinmi chaypunilla kachamurqani maskamusunaykipaq. Allinpaqmi hamurunkiqa. Kunanmi Diospa qayllanpi lliwchayku huñunasqa kachkaniku, Señorpa tukuy kamachimususqaykitam uyariyta munaniku, nispa.

Romanos 10:18

Ichaqa ñoqam tapukuni: ¿Manachu willakuytaqa uyarirqaku? ¡Paykunaqa uyarirqakupunim! Chuya Qellqapim kaynata nin: “Lliw kay pachamanmi willakuyninkuqa chayarqa, palabrankunañataqmi kay pachapa patankama chayarqa”, nispa.

Deuteronomio 33:19

Orqomanmi llaqtakunata qayanqaku, chaypim animalkunata allin ruwasqankumanta ofrecenqaku, lamar qochapi tukuy ima kaqkunawanmi apuyanqaku, lamar qochapa aqonpi pakasqa qori-qollqewanmi apuyanqaku.

Deuteronomio 6:1

Kaykunam chay kamachikuykuna, estatutokuna chaynataq decretokuna, qamkunaman yachachinaypaq Señornikichik Tayta Diospa kamachiwasqankuna, chaykunatam yachanaykichik allpaman yaykuspa ruwayman churankichik.

Santiago 1:25

Ichaqa librawaqninchik alli-allin ley uyarisqanta mana qonqaruspa chaypi yuyaymanaspa allinta takyaqqa chaynataq mana qonqaspa kasukuqqa mayna kusisqam kanqa tukuy ima ruwasqanpipas.