Isaías 2:21 - CHUYA QELLQA La Biblia en Quechua de Ayacucho 2012

²¹ Kay pachata ñakarichinanpaq Tayta Dios rikurimuptinmi mancharikuypaq qayllanmanta runakuna pakakunqaku, Diospa hatun kayninpa kanchariyninmantam pakakunqaku; qaqapa raqrankunamanmi yaykunqaku, orqopi machaykunamanmi ustunqaku.

Quechua Ayacucho Bible 1987

²¹ Kay pachata katkatatachinanpaqmi Tayta Dios rikurimunqa. Tayta Diospa mancharikuypaq qayllanmantam runakuna pakakunqa. Tayta Diospa hatun kayninpa kanchariyninmantam pakakunqaku. Qaqapi raqrakunamanmi yaykunqaku. Orqopa raqrankunamanmi ustunqaku.

Chuya Qellqa 1992

²¹ Kay pachata ñakarichinanpaq Tayta Dios rikurimuptinmi mancharikuypaq qayllanmanta runakuna pakakunqaku, Diospa hatun kayninpa kanchariyninmantam pakakunqaku; qaqapa raqrankunamanmi yaykunqaku, orqopi machaykunamanmi ustunqaku.

Isaías 2:21 Iomraidhean Croise

2~Samuel 22:46

Mana reqsisqa runakunam hukmanyaspanku pakakusqankumanta lluptinku.

Jobwan Sutichasqa Libro 30:6

Paykunaqa wayqokunapa kikllunkunapim yachaqku, paykunaqa machaykunapim qaqakunapim yachaqku.

Jobwan Sutichasqa Libro 9:6

Kay pachatam maymi kasqanmanta kuyuchin, kay pachapa tiyanankunatam katkatatachin.

Éxodo 33:22

kanchayniy ñawpaqnikita pasanankama, hinaptinmi hatun rumipa raqranman churasqayki, hinaspam pasarunaykama makiywan pakasqayki.

Cantares 2:14

Mana qespiy atina orqokunapi pakakuq urpichalláy, qaqapa raqrankunapi qesachakuq urpichalláy, uyachaykitayá rikuykachiway, rimaychaykitayá uyariykachiway; ¡simichaykiqa miskillañam! ¡Uyachaykipas kuyayllapaqñam!

Isaías 2:10

Llapa runakuna, Tayta Diospa mancharikuypaq qayllanmanta qaqakunapi pakakamuychik, allpamanpas pakakuq ustuychik. Tayta Diospa hatun kanchariyninmanta pakakuychik.

Isaías 2:19

Runakunam Tayta Diospa mancharikuypaq qayllanmanta machaykunapi, allpa uchkukunapi pakakunqaku. Diospa piñakuyninmantam lluptinqaku, Diospa chuyay-chuyay qayllanmantam ayqenqaku.

Isaías 24:18

Chaynapim manchakuymanta lluptiqpas uchkuman wichiykunqa, uchkumanta lloqsiruspa ayqeqtañataqmi trampa hapirunqa, cielokunapi yakukunam taqtakaykamunqa, kay pachapa cimientonkuna katkatatanankama.

Isaías 33:10

Tayta Diosmi kaynata nin: Kunanmi ñoqa hatarisaq, kunanmi ñoqa hatunchasqa kasaq, kunanmi ñoqa alabasqa kasaq.

Isaías 7:19

Chayaramuspankum uku-uku wayqokunapi, qaqakunapi, kichka ukukunapi, animalkunapa tomanan pukyukunapipas tiyarunqaku.

Jeremías 16:16

Ñoqa Tayta Diosmi kaynata nini: Challwaqkunatam challwasunaykichikpaq kachamusaq. Chaymantam purun animal hapiqkunata kachamusaq, paykunam montekunapi, orqokunapi, moqokunapi, qaqakunapi, uchkukunapi maskaspa hapimusunkichik.

Oseas 10:8

Yupaychananku sitiokunapas tuñichisqam kanqa, chaypim Israel castakuna idolota yupaychaspa huchallikurqaku; altarkunapa hawanpipas qorakunawan kichkakunam wiñanqa. Chaymi Israel miraykuna orqokunata ninqaku: ¡Pampaykuwayku! nispanku, moqokunatapas, ¡hawaykumanyá wichiykamuy! nispanku.