Isaías 2:19 - CHUYA QELLQA La Biblia en Quechua de Ayacucho 2012

¹⁹ Runakunam Tayta Diospa mancharikuypaq qayllanmanta machaykunapi, allpa uchkukunapi pakakunqaku. Diospa piñakuyninmantam lluptinqaku, Diospa chuyay-chuyay qayllanmantam ayqenqaku.

Quechua Ayacucho Bible 1987

¹⁹ Kay pachata katkatatachinanpaqmi Tayta Dios rikurimunqa. Tayta Diospa mancharikuypaq qayllanmantam runakuna pakakunqa. Tayta Diospa hatun kayninpa kanchariyninmantam pakakunqaku. Qaqapi machaykunamanmi yaykunqaku. Allpapi uchkukunamanmi ustunqaku.

Chuya Qellqa 1992

¹⁹ Runakunam Tayta Diospa mancharikuypaq qayllanmanta machaykunapi, allpa uchkukunapi pakakunqaku. Diospa piñakuyninmantam lluptinqaku, Diospa chuyay-chuyay qayllanmantam ayqenqaku.

Isaías 2:19 Iomraidhean Croise

2~Samuel 22:46

Mana reqsisqa runakunam hukmanyaspanku pakakusqankumanta lluptinku.

Jobwan Sutichasqa Libro 9:6

Kay pachatam maymi kasqanmanta kuyuchin, kay pachapa tiyanankunatam katkatatachin.

Isaías 13:13

Ñoqa Tukuy Atiyniyuq Tayta Diosmi cielokunata katkatatachisaq sinchi piñakuyniywan, maymi kasqanmantam allpa pachapas asurinqaraq.

Isaías 2:10

Llapa runakuna, Tayta Diospa mancharikuypaq qayllanmanta qaqakunapi pakakamuychik, allpamanpas pakakuq ustuychik. Tayta Diospa hatun kanchariyninmanta pakakuychik.

Isaías 2:21

Kay pachata ñakarichinanpaq Tayta Dios rikurimuptinmi mancharikuypaq qayllanmanta runakuna pakakunqaku, Diospa hatun kayninpa kanchariyninmantam pakakunqaku; qaqapa raqrankunamanmi yaykunqaku, orqopi machaykunamanmi ustunqaku.

Isaías 24:1

Qawariychik, Tayta Diosmi kay pachata purmachispa chunnichinqa, chaypi yachaqkunatam cheqechinqa.

Isaías 24:18

Chaynapim manchakuymanta lluptiqpas uchkuman wichiykunqa, uchkumanta lloqsiruspa ayqeqtañataqmi trampa hapirunqa, cielokunapi yakukunam taqtakaykamunqa, kay pachapa cimientonkuna katkatatanankama.

Isaías 24:19

Kay pacham pasaypaqta ñutupakurunqa, pasaypaqtam chitqapakurunqa, pasaypaqtam katkatatarunqa,

Isaías 30:32

Tayta Dios sapa kutilla varanwan waqtaptinmi tamborkunapiwan arpakunapas waqanqa. Tayta Diosmi chaqwallawanña paykunapa contranpi peleanqa.

Isaías 33:10

Tayta Diosmi kaynata nin: Kunanmi ñoqa hatarisaq, kunanmi ñoqa hatunchasqa kasaq, kunanmi ñoqa alabasqa kasaq.

Isaías 7:19

Chayaramuspankum uku-uku wayqokunapi, qaqakunapi, kichka ukukunapi, animalkunapa tomanan pukyukunapipas tiyarunqaku.

Jeremías 16:16

Ñoqa Tayta Diosmi kaynata nini: Challwaqkunatam challwasunaykichikpaq kachamusaq. Chaymantam purun animal hapiqkunata kachamusaq, paykunam montekunapi, orqokunapi, moqokunapi, qaqakunapi, uchkukunapi maskaspa hapimusunkichik.

Jeremías 4:29

Silladakunapa qapariyninwanmi, flechaqkunapa qapariyninwanmi, llaqta runakuna lluptikunku; montekunamanmi yaykunku, qaqakunamanmi qespinku. Llaqtakunam manaña runayuq qeparun, chaypiqa manañam pipas yachanñachu.

Jeremías 48:28

Moab nacionpi yachaqkuna llaqtaykichikkunata saqeychik; qaqa uchkupi qesachakuq paloma hina qaqakunapiña yachaychik.

Ezequiel 33:27

Ñoqa Tayta Diospa nisqayta paykunaman kaynata niy: Ñoqaqa sutiyraykum kaynata nini: Purmasqa llaqtakunapi yachaqkunaqa guerrapim wañunqaku, chakrakunapi yachaqkunatañataqmi purun animalkuna mikunqa; qaqakunapi machaykunapi yachaqkunañataqmi peste onqoywan wañunqaku.

Oseas 10:8

Yupaychananku sitiokunapas tuñichisqam kanqa, chaypim Israel castakuna idolota yupaychaspa huchallikurqaku; altarkunapa hawanpipas qorakunawan kichkakunam wiñanqa. Chaymi Israel miraykuna orqokunata ninqaku: ¡Pampaykuwayku! nispanku, moqokunatapas, ¡hawaykumanyá wichiykamuy! nispanku.

Miqueas 7:17

Maqta uru hinam, qasqonpa puriq animalkuna hinam, paykunaqa allpata llaqwanqaku, pakakusqankumanta mancharisqallaña lloqsispam Tayta Diosman kutirikunqaku, hinaspam payta kasukunqaku.

Nahúm 3:11

Nínive llaqta, manchakuymantam sinka hina katkatatanki, pantaypi tarikuspam enemigoykimanta pakakunki.

Hageo 2:6

Tukuy imapa hawanpi munaychakuq Tayta Diosmi kaynata nin: Manapas unaymantam, cielokunatawan kay pachata, lamar qochatawan chaki allpata kuyurichisaq.

Hageo 2:7

Llapa nacionkunatam katkatatachisaq; llapa nacionkunam hamunqaku qoriqollqenkuta aparikuspa, kay temploymi ancha kuyayllapaq kanqa. Tukuy imapi munaychakuq Tayta Diosmi chaynata nin.

Lucas 23:30

Hinaptinmi llapa runakuna orqokunata ninqaku: “Hawaykuman tuñiykamuy” nispanku; moqokunatañataqmi ninqaku: “Pakaykuwayku” nispanku.

2~Tesalonicenses 1:9

Paykunaqa wiñaypaq castigasqa kaspankum Señorpa qayllanmanta hinaspa suma-sumaq atiyninmanta qarqosqa kanqaku.

Hebreos 11:38

Kay pacham mana paykunapaq hinachu karqa, chayraykum chunniqkunapi, wayqokunapi, orqokunapi, machaykunapi hinaspa qaqa uchkukunapi purirqaku.

Hebreos 12:26

Chay tiempopim Diospa vozninqa kay allpatapas kuyurichirqaraq. Kunanmi ichaqa kaynata nin: “Huktawanraqmi katkatatachisaq, ichaqa manam kay pachallatañachu, aswanqa cielokunatawanmi”, nispa.

Apocalipsis 11:13

Hina chay ratollataqmi nisyu-nisyu terremoto karurqa, hinaptinmi llaqtapa chunka kaq parten tuñirurqa, chay terremotowanmi qanchis waranqa runakuna wañururqa. Wakinñataqmi hatu-hatunta mancharikuspanku hanaq pachapi kaq Diosta qapaqcharqaku.

Apocalipsis 11:19

Hanaq pachapi Diospa templon kichakuykuptinmi pacto ruwanan Arcapas rikukurqa. Hinaptinmi karqa llipyaykuna, qapariykuna, rayokuna, terremotokuna, karqataqmi sinchi runtu parapas.

Apocalipsis 16:18

Chaymi llipyaykuna, qapariykuna hinaspa rayokuna karurqa, hatu-hatun terremotom kay pachata taspirqa, chayna terremotoqa kay pachapi runakuna kasqanmantapunipas manam karqachu.

Apocalipsis 20:11

Chaynataqmi rikurqani hatu-hatun yuraq tronotapas, rikurqanitaqmi chaypi tiyaqtapas. Paypa ñawpaqninmantam hanaq pachawan kay pacha chinkarurqa, hinaptinmi paykunapa kananpaq mana maypas karqachu.

Apocalipsis 9:6

Chay punchawkunapim runakuna wañuyta maskanqa, ichaqa manam tarinqakuchu, wañuyta munaptinkupas wañuymi paykunamanta ayqekunqa.

1~Samuel 13:6

Filisteokuna llumpayta atacamuptinmi, Israel runakuna sasachakuypi rikurirurqaku, chaymi machaykunapi, uchkukunapi, qaqakunapi chaynataq chakisqa pozokunapi pakakurqaku.

1~Samuel 14:11

Chaymi paykuna Filistea tropakunawan rikurachikurqaku, hinaptinmi chay tropakuna nirqaku: Waqaya hebreo runakunaqa pakakusqanku uchkukunamanta lloqsimuchkanku nispanku.