Isaías 19:6 - CHUYA QELLQA La Biblia en Quechua de Ayacucho 2012

⁶ Yarqakunam asnarirunqa, wayqokunapi yakukunam chakirunqa, Egiptopi Nilo mayum chinkarunqa, soqoskunawan totorakunam chakirunqa.

Quechua Ayacucho Bible 1987

⁶ Yarqakunam asnarirunqa. Wayqokunapi yakukunam pisirunqa. Egipto nacionpi Nilo Mayum chinkarunqa. Ismurunqam lliw soqoskuna. Ismurunqam lliw tuturakuna.

Chuya Qellqa 1992

⁶ Yarqakunam asnarirunqa, wayqokunapi yakukunam chakirunqa, Egiptopi Nilo mayum chinkarunqa, soqoskunawan totorakunam chakirunqa.

Isaías 19:6 Iomraidhean Croise

Génesis 41:2

hinaptinmi sumaq qanchis wira vacakuna Nilo mayumanta lloqsimuchkasqa, totorallaña ukupi pastota mikustin.

2~Reyes 19:24

Huklaw nacionpim pozokunata toqospay yakunta tomarqani, sarupaspaymi Egiptopa mayunkunatapas chakichirqani”, nispa.

Jobwan Sutichasqa Libro 8:11

Totorawan papiroqa yakupananpim wiñan;

Jobwan Sutichasqa Libro 8:12

ichaqa verdellaraq kachkaspam, manaraq rutuchikuchkaspam, wakin qorakunamantapas puntata chakirun.

Éxodo 2:3

Ichaqa unayta manaña pakayta atispanmi, totoramanta canastillata ruwaruspan yaku mana yaykurunanpaq suma-sumaqta breawan llusirurqa, hinaspam chay canastaman wawata churaykuspan Nilo mayupa patanpi totorakunapa chawpinpi saqeykurqa.

Éxodo 7:18

Chaymi mayupi kaq challwakunapas wañurunqa, mayupas asnariruptinmi Egipto runakunaqa mayupi yaku tomaytapas millakurunqaku, nispa.

Isaías 15:6

Nimrim wayqopi yakupas chakirusqanraykum qorakunapas lliw chakirunña. Manaña ikllimunankamam pastopas chakirun.

Isaías 18:2

Totoramanta balsakunapim Nilo mayunta utqayman willakuqkunata kamachinku. Utqayman riychik hatunkaray llusarayaq uyayuq runakunaman, lliwpa manchakunan kallpasapa llaqtaman, maypipas llaqtakunata purmachispa allpan mirachikuqman, mayusapallaña llaqtaman.

Isaías 37:25

Huklaw nacionpim pozokunata toqospay yakunta tomarqani; saruspaymi Egiptopa mayunkunatapas chakichisaq”, nispa.

Nahúm 3:8

¿Nilo mayupa patanpi Tebas llaqtamanta aswan atiyniyuqchu qam kanki? Chay llaqtaqa yakupa chawpinpim tarikurqa, muyuriqninpi yakum harkarqa, Nilo mayuwan lamar qocham chay llaqtapa waqaychaqnin perqa hina karqa.