Isaías 19:16 - CHUYA QELLQA La Biblia en Quechua de Ayacucho 2012

¹⁶ Chay punchawmi Egipto runakuna, warmikuna hina llumpay mancharisqallaña katkatatanqaku. Paykunata Tukuy Atiyniyuq Tayta Dios castigasqarayku.

Quechua Ayacucho Bible 1987

¹⁶ Chay tiempopim Egipto nacionpi runakunaqa warmikuna hinaña rikurirunqa. Llapallan Kamachiq Tayta Dios atiyninwan paykunata castigaptinmi katakatataspanku mancharikunqaku.

Chuya Qellqa 1992

¹⁶ Chay punchawmi Egipto runakuna, warmikuna hina llumpay mancharisqallaña katkatatanqaku. Paykunata Tukuy Atiyniyuq Tayta Dios castigasqarayku.

Isaías 19:16 Iomraidhean Croise

Éxodo 11:6

Chaymi lliw Egipto nacionpi hatun waqakuy kanqa, chayna waqayqa manam haykapipas karqachu nitaqmi kanqachu.

Isaías 10:32

Kunanpunim enemigoqa Nob llaqtapi samaykun, Sión llaqtatawan Jerusalenta atacananpaqmi makinta hoqariykun.

Isaías 11:15

Egipto lawpi lamar qochapa partentam chakichinqa, atiyninwanmi rupachkaq wayrata Eufrates mayuman pukuchinqa, chay mayutam qanchis kallmaman rakirunqa, runakunapas usutankuta manaña chutukuspam chimpanqaku.

Isaías 13:2

Banderata qala orqopa hawanpi sayachiychik, atacanankupaq soldadokunata qayaychik, kamachikuqkunapa punkunman yaykunanpaq makikichikwan señaschaychik.

Isaías 30:17

Chullalla runapa manchachisqanmi waranqa runakuna lluptinqaku; pichqa runakunapa manchachisqanñataqmi llapallaykichik ayqenkichik, orqopa puntanpi chullalla kaspi hina kanaykichikkama, moqopi sayarachisqa bandera hina kanaykichikkama.

Jeremías 50:37

Carretankunatawan caballonkunatapas espadawan wañuchimuychik, warmi hinaña katkatatanankukama soldadonkunatapas wañuchimuychik, qori-qollqenkupa contranpi peleamuychik, lliwta suwa apachun.

Jeremías 51:30

Babilonia nacionpa allinnin qari-qari soldadonkunam mana peleanankupaq pakakurunku, mana kallpayuqñam rikurirunku, warmikuna hinañam rikurirunku; wasinkunam kañasqaña kachkan, punkunkunapi cerrojonkunapas pakipasqañam kachkan.

Abdías 1:9

Temán llaqtapi allinnin qari-qari soldadokunapas manchakuymantam katkatatanqaku, Esaupa orqonkunapi yachaqkunapas pasaypaq tukusqam kanqaku.

Nahúm 3:13

Tropaykikunapas qampaqqa warmikuna hinam. Llaqtaykipa punkunkunapas enemigoykikunapaqmi chaylla kichakuykunqa, punkuykipa candadonkunatapas ninam rupanqa.

Zacarías 10:11

Lamar qochapa olanta sayarachiptiymi, lamar qochapa chawpinta pasamunqaku. Nilo mayutam chakichisaq, Asiriapa hatun tukuynintam puchukachisaq, Egiptopa atiynintam tukurusaq.

Zacarías 2:13

Chaynaqa, llapallan runakuna Tayta Diospa qayllanpi upallachun; paymi, maymi yachananmanta hatarispan ñoqanchikman hamuchkan.

Zacarías 2:9

Chayraykum chay nacionkunawan kikiy peleasaq, criadonkunallawanmi tukuy imankutapas qechurachisaq, nispa. Chaynapim yachankichik Tukuy Atiyniyuq Tayta Dios kachamuwasqanta.

1~Corintios 2:3

Qamkunamanmi mana kallpayuq hina hinaspa manchakuymanta katkatatastin hamurqani.

2~Corintios 5:11

Chaymi Señorqa kasukuna kasqanta yachasqaykurayku runakunata iñichiypi riniku. Ichaqa Diosmi yachan imaynam kasqaykutapas, chaymi qam-kunapas reqsiwanaykikuta munach-kaniku.

Hebreos 10:31

¡Mayna mancharikuypaqmi kawsaq Diospa makinman wichiykuyqa!