Isaías 18:7 - CHUYA QELLQA La Biblia en Quechua de Ayacucho 2012

⁷ Chay tiempopiqa, hatunkaray llusarayachkaq uyayuq runakunam, lliwpa manchakunan kallpasapa runakunam, mayunkamallaña llaqtayuq runakunam, maypipas llaqtakunata purmachispa allpankuta mirachiq runakunam, Sión moqoman, Tukuy Atiyniyuq Tayta Diosman, ofrendankuta apamunqaku.

Quechua Ayacucho Bible 1987

⁷ Llapallan Kamachiq Tayta Diosmanmi ofrendankuta apamunqaku. Hatunkaray lluchkay-lluchkay uyayoq runakunam apamunqaku. Tukuy hinastinpi kaq runakunapa manchakusqan runakunam apamunqaku. Apamunqakumá ofrendankuta runamasin ñakarichiq kallpasapa runakuna. Apamunqakumá ofrendankuta mayukunapa partisqan nacionpi *f**yachaqkuna. Apamunqakumá ofrendankuta Sion Moqopi llaqtaman. Apamunqakumá Llapallan Kamachiq Tayta Diosta alabana llaqtaman.

Chuya Qellqa 1992

⁷ Chay tiempopiqa, hatunkaray llusarayachkaq uyayuq runakunam, lliwpa manchakunan kallpasapa runakunam, mayunkamallaña llaqtayuq runakunam, maypipas llaqtakunata purmachispa allpankuta mirachiq runakunam, Sión moqoman, Tukuy Atiyniyuq Tayta Diosman, ofrendankuta apamunqaku.

Isaías 18:7 Iomraidhean Croise

2~Crónicas 32:23

Chaymi achkallaña runakuna Tayta Diospaq ofrendakunata Jerusalén llaqtaman apamurqaku, Judá nacionpa reynin Ezequiasmanpas sumaq regalokunatam apamurqaku; chaymantapacham Ezequiasqa nacionkunapipas ancha reqsisqa karqa.

Isaías 16:1

Nacionpi kamachikuqman malta carnerota apachiychik, chunniqpi Sela llaqtamanta Sión moqoman apachiychik.

Isaías 18:2

Totoramanta balsakunapim Nilo mayunta utqayman willakuqkunata kamachinku. Utqayman riychik hatunkaray llusarayaq uyayuq runakunaman, lliwpa manchakunan kallpasapa llaqtaman, maypipas llaqtakunata purmachispa allpan mirachikuqman, mayusapallaña llaqtaman.

Isaías 18:4

Tayta Diosmi kaynata niwarqa: Maymi kasqaymantam hawkalla qawamusaq, para usyayta llipipipispa kanchariq inti hina, cosecha tiempo rupaypi sulla hina.

Isaías 45:14

Tayta Diosmi kaynata nin: Egipto allpapi qespiq kawsaykunapas, Etiopía nacionpa kapuqninkunapas, Sabá llaqtayuq hatunkaray runakunapas, qampañam kanqaku. Qepaykitam cadenasqa rinqaku, ñawpaqnikipim qonqorakuspanku mañakusunki: “Cheqaptapunipas Diosmi qanwan kachkan, paymanta sapaq Diosqa manam kanchu”, nispanku.

Miqueas 4:13

Sión llaqta, hatarispayki trillay, waqraykikunatapas fierromantam ruwasaq, silluykikunatapas broncemantam ruwasaq, achkallaña nacionkunamanta qechusqaykikunatapas Tayta Diospaqñam sapaqchanki, kay pachapi munaychakuq Señormanmi ofrecenki.

Habacuc 1:7

Chay runakunaqa llumpay manchakuypaqmi, paykunaqa imatapas ruwanku munayninkuman hinaspa atiyninkuman hinam.

Sofonías 3:10

Etiopía nacionpi mayukunapa waklawninkunamantaraqmi, cheqechisqa llaqtay mañakuwaqniy hamuspa ofrendakunatapas apamuwanqa.

Malaquías 1:11

Ñoqataqa intipa qespimunan lawmanta qallaykuspa intipa seqaykunan lawkamam lliw nacionkuna hatunchawanku, yupaychawanankupaqpas tukuy hinastinpim inciensokunatawan suma-sumaq ofrendakunata kañapuwanku. Llapallan nacionkunapim sutiyqa hatunchasqa. Tukuy Atiyniyuq Tayta Diosmi chay-nata nin.

Mateo 2:11

Chaymi wasiman yaykuykuspanku wawatawan maman Mariata tariykurqaku hinaspam qonqorakuykuspa wawata hatuncharqaku, chaymantam qepinkuta kichaspa apamusqanku qorita, inciensota hinaspa miski asnaq mirrata qorqaku.