Isaías 18:2 - CHUYA QELLQA La Biblia en Quechua de Ayacucho 2012

² Totoramanta balsakunapim Nilo mayunta utqayman willakuqkunata kamachinku. Utqayman riychik hatunkaray llusarayaq uyayuq runakunaman, lliwpa manchakunan kallpasapa llaqtaman, maypipas llaqtakunata purmachispa allpan mirachikuqman, mayusapallaña llaqtaman.

Quechua Ayacucho Bible 1987

² Chay nacionmi lamar qochanta purichin runankunata. Tuturamanta buquekunapim purichin willakuq runankunata. Yaw kachasqa kallpaqkuna, qamkunaqa chayllayá riychik. Hatunkaray runakunamanyá chaylla riychik. Chayllayá riychik lluchkay-lluchkay uyayoq runakunaman. Riychikyá tukuy hinastinpi kaq runakunapa manchakusqan runakunaman. Runamasin ñakarichiq kallpasapa runakunamanyá chaylla riychik. Mayukunapa partisqan nacionpi *f**yachaqkunamayá chaylla riychik.

Chuya Qellqa 1992

² Totoramanta balsakunapim Nilo mayunta utqayman willakuqkunata kamachinku. Utqayman riychik hatunkaray llusarayaq uyayuq runakunaman, lliwpa manchakunan kallpasapa llaqtaman, maypipas llaqtakunata purmachispa allpan mirachikuqman, mayusapallaña llaqtaman.

Isaías 18:2 Iomraidhean Croise

2~Crónicas 14:9

Paykunapa contranpim hamurqa Etiopía nacionniyuq Zera, waranqantin-waranqantin soldadokunawan, guerrapaq kimsa pachak carretakunawan, hinaspam Maresa llaqtakama chayaramurqa.

2~Crónicas 16:8

Etiopía tropakunawan Libia tropakunaqa, ¿manachum achkallaña karqaku? ¿Manachum carretakunawan sillada tropankunapas achkallaña karqaku? Chaywanpas Tayta Diosman hapipakusqaykiraykum makikiman churaykurqa.

Jobwan Sutichasqa Libro 9:26

Utqayman kallpaq barcokuna hinam pasarun, mikunanman pawaykuq anka hinam pawarun.

Éxodo 2:3

Ichaqa unayta manaña pakayta atispanmi, totoramanta canastillata ruwaruspan yaku mana yaykurunanpaq suma-sumaqta breawan llusirurqa, hinaspam chay canastaman wawata churaykuspan Nilo mayupa patanpi totorakunapa chawpinpi saqeykurqa.

Isaías 18:7

Chay tiempopiqa, hatunkaray llusarayachkaq uyayuq runakunam, lliwpa manchakunan kallpasapa runakunam, mayunkamallaña llaqtayuq runakunam, maypipas llaqtakunata purmachispa allpankuta mirachiq runakunam, Sión moqoman, Tukuy Atiyniyuq Tayta Diosman, ofrendankuta apamunqaku.

Jeremías 49:14

Tayta Diosmantam huk willakuy chayaramuwan, huk willakuqmi nacionkunaman kaynata willachkan: Huñunakuspa Edom nacionpa contranpi riychik, paykunawan peleanaykichikpaq alistakuychik.

Ezequiel 30:9

Egipto nacionta castiganay punchaw chayaramuptinmi willakuqkunata barcokunapi kachamusaq, chaynapi Etiopía nacionpi hawka yachakuqkunata mancharichinankupaq, hinaptinmi manchakuymanta katkatatanqaku. Chay punchawmi hichpamuchkanña.

Abdías 1:1

Tayta Diosmi Edom nacionwan imatam ruwananmanta profeta Abdiasman visionpi kaynata nirqa: Diosmanta hamuq willakuytam uyariruniku, huk willakuqmi nacionkunaman kaynata willakunanpaq kachasqa: ¡Kay nacionpa contranpi llapallanchik guerrapi hatarisun! nispa.

Habacuc 1:7

Chay runakunaqa llumpay manchakuypaqmi, paykunaqa imatapas ruwanku munayninkuman hinaspa atiyninkuman hinam.

Lucas 10:19

Atiytam qoykichik maqta urukunata hinaspa atoq-atoqkunata sarunaykichikpaq chaynataq supaypa atiyninta vencenaykichikpaqpas, manam imapas imanasunkichikchu.