Isaías 17:8 - CHUYA QELLQA La Biblia en Quechua de Ayacucho 2012

⁸ Makinkuwan ruwasqanku capillakunatapas, dedonkuwan llunkisqanku Asera idolonkutapas, intiman rikchakuq idolonkutapas, manañam qawarinqakuñachu.

Quechua Ayacucho Bible 1987

⁸ Manañam qawarinqakuchu kikinkupa rurasqan altarkunata. Manañam qawarinqakuchu Asera sutiyoq mamachankuta. Manañam kaqpaqpas hapinqakuñachu incienso kañananku altarkunamanta.

Chuya Qellqa 1992

⁸ Makinkuwan ruwasqanku capillakunatapas, dedonkuwan llunkisqanku Asera idolonkutapas, intiman rikchakuq idolonkutapas, manañam qawarinqakuñachu.

Isaías 17:8 Iomraidhean Croise

2~Samuel 22:42

Qayakuptinkupas manam pipas yanaparqachu; Tayta Diosta qayakuptinkupas manam uyarimurqachu.

2~Crónicas 14:5

Judá nacionpi llaqtakunapa moqonkunapi kaq capillakunatapas chaynataq incienso kañana altarkunatapas tuñirachirqam. Pay munaychakusqan watakunapiqa hawkayaymi karqa.

2~Crónicas 31:1

Tukuy chaykuna tukuruptinmi, chaypi kaq Israel runakuna Judá nacionpi llaqtakunaman lloqsispanku rumimanta idolokunatawan Asera idolokunata ñutuparurqaku; Judá, Benjamín, Efraín hinaspa Manasés lawkunapi kaq altarkunatapas lliwtam tuñirachirqaku. Chaymantam Israelpa mirayninkunaqa maymi kasqankuman sapakama kutikurqaku.

2~Crónicas 34:4

Paypa qayllanpim Baalpa altarninkunatapas tuñichirqaku, chay altarpa hawanpi kaq incienso kañanankutapas ñutuchirqam; Asera idolokunatawan rumimanta labrasqa metalta chulluchispa ruwasqa rikchaqmana idolokunatapas ñutuparachispanmi polvontapas chay idolokunaman sacrificaq runakunapa sepulturanman machqerachirqa.

Éxodo 34:13

Aswanqa altarninkunatam tuñichinkichik, yupaychasqanku rumikunatapas pakipankichikmi, Asera sutiyuq idolonkutapas ñutunkichikmi.

Isaías 1:29

Encina sachakuna kuyasqaykichikmantapas penqakunkichikmi, idoloykichikkuna yupaychanaykichikpaq akllasqaykichik huertakunamantapas uyaykichikraqmi pukayanqa.

Isaías 10:20

Chay tiempopiqa, Israel castakunamanta puchuqkunapas, Jacobpa mirayninkunamanta lluptiqkunapas wichichiqninkupiqa manañam hapipakunqakuñachu, aswanqa Señorllapiñam hapipakunqaku, Israelpa Chuya Diosllanpiñam hapipakunqaku.

Isaías 17:9

Chay punchawkunapim Israelpa allin murallasqa llaqtankunapas wichirispa purmanqa, imaynam Canaán allpapi runakuna, Israelta manchakuspanku llaqtankuta purmachkaqta saqesqankupi hina.

Isaías 2:8

Makinkuwan ruwakusqanku idolokunapa huntaykusqanmi allpankupas kachkan, chaykunapa ñawpaqninpim qonqorakunku.

Isaías 27:9

Chaywanpas Jacobpa mirayninkunapa huchantaqa pampachanqam, ichaqa kaykunatam ruwananku: Idolonkupa altarninkunatam isku rumita hina ñutupananku, Asera idolonkutam wikapananku, idolonkupaq incienso kañananku altarkunatam tuñichinanku.

Isaías 30:22

Qorimanta qollqemanta idoloykichikkunatapas millakuypaqtañam qawankichik. Chaykunataqa millakuypaq qacha latapata hinam wischunkichik, hinaspam ninkichik: Anchuy kaymanta, nispaykichik.

Isaías 37:19

Idolonkutapas ninamanmi wischuykurqaku, runakunapa kullumanta rumimanta ruwasqan kasqanraykum chaykunataqa chinkarachirqaku. Cheqaptapunipas chaykunaqa manam dioschu.

Isaías 41:29

Chay idolokunaqa llapallankum mana valeq, ruwasqankupas mana imapaq valeqmi, chaykunaqa mana imayuq toqro ukullam, chaykunaqa wayra ukuyuq idolokunallam.

Isaías 44:15

Chaykunawanmi runakuna ninata ratachin, wakinwanmi qonikun, wakinwanñataqmi tantata ruwan, puchuqninmantam idolota llaqllarun, chaypa ñawpaqninpi qonqorakuspan yupaychananpaq.

Jeremías 17:2

Wawa churikichikkunapas altarkunatawan Asera idolokunatam yuyarinku, chaykunam tarikurqa rapisapa sachakunapa sikinpi, alto moqokunapa puntanpi,

Ezequiel 36:25

Imawanpas qachachakusqaykichiktam chuya yakuwan mayllasqaykichik, idolokunawan qacha-chakusqaykichikmantam chuyan-chasqaykichik.

Oseas 14:8

Chayraqmi Efrainpa mirayninkunaqa ninqaku: “Idolokunamantaqa manam imapas qokuwankuñachu”, nispanku. Ñoqam mañakuyninkutapas uyariykusaq, ñoqataqmi paykunataqa waqaychasaqpas. Paykunapaq kallmasapallaña pino hina kaptiymi paykunapa rurunpas ñoqamanta paqarimunqa.

Oseas 14:9

Yachayniyuq runaqa kay willakuyniyta entiendechun, allin tanteakuq runaqa kay nisqaykunata yachachun. Diospa ñanninkunaqa mana pantayniyuqmi, allin ruwaq runaqa chaynintam purinqa, mana kasukuq runakunam ichaqa chaypi urmarunqa.

Sofonías 1:3

Chinkachisaqmi runakunatapas, uywakunatapas, alton pawaqkunatapas, lamar qochapi challwakunatapas, mana allin runakunatapas. Llapa runatam kay pachamanta chinkachisaq.

Zacarías 13:2

Tayta Diosmi kaynata nin: Chay punchawpim, kay nacionmanta idolokunapa sutinta chinkachiptiy manaña yuyayllapas yuyarinqakuñachu. Profetakunatawan mana allin espiritukunatapas pasaypaqtam chinkarachisaq.

Deuteronomio 7:5

Aswanqa paykunapa altarninkunatam tuñichinkichik, yupaychanankupaq rumimanta ruwasqanku pilarkunatapas pasaypaqtam pakipankichik. Asera idolonkutam ñutunkichik, lliw idolonkunatam kañankichik.