Isaías 17:7 - CHUYA QELLQA La Biblia en Quechua de Ayacucho 2012

⁷ Chayna punchawkuna kaptinmi runakuna unanchaqninta yuyarispa maskanqaku, Israelpa Chuya Diosnintam qawarinqaku.

Quechua Ayacucho Bible 1987

⁷ Chay tiempopim runaqa unanchaqninmanta cuentata qokunqa. Chay tiempopim Israelpa Chuya Diosninta qawarinqa.

Chuya Qellqa 1992

⁷ Chayna punchawkuna kaptinmi runakuna unanchaqninta yuyarispa maskanqaku, Israelpa Chuya Diosnintam qawarinqaku.

Isaías 17:7 Iomraidhean Croise

2~Samuel 22:42

Qayakuptinkupas manam pipas yanaparqachu; Tayta Diosta qayakuptinkupas manam uyarimurqachu.

2~Crónicas 31:1

Tukuy chaykuna tukuruptinmi, chaypi kaq Israel runakuna Judá nacionpi llaqtakunaman lloqsispanku rumimanta idolokunatawan Asera idolokunata ñutuparurqaku; Judá, Benjamín, Efraín hinaspa Manasés lawkunapi kaq altarkunatapas lliwtam tuñirachirqaku. Chaymantam Israelpa mirayninkunaqa maymi kasqankuman sapakama kutikurqaku.

Isaías 19:22

Tayta Diosmi Egipto runakunata onqochinqa, chaywanpas kikillantaqmi hampiykunqa. Tayta Diosman kutirikuspa mañakuptinkum paykunataqa sanoyachinqa.

Isaías 22:11

Iskay murallakunapa chawpinpim estanqueta ruwarqankichik, chaytaqa ruwarqankichik ñawpaq estanquemanta hamuq yaku qochananpaqmi. Chaywanpas Diostaqa manam kaqpaqpas hapirqankichikchu, nitaqmi ñawpaqmantaraq tanteaq kasqantapas qawarqankichikchu.

Isaías 29:24

Pantaypi kaqkunam yuyayniyuq kayta yachanqaku, runamasinpa qepanpi rimaqkunam yachachikuyta chaskinqaku, nispa.

Oseas 3:5

Chaymantam Israelpa mirayninkuna kutirimuspanku Tayta Diosninkuta chaynataq reyninku Davidtapas maskanqaku. Tukupay punchawkunapiqa Tayta Diostam manchakunqaku, bendicionninkunatapas kuyakuywanmi chaskikunqaku.

Oseas 6:1

Israelpa mirayninkunam nirqaku: Hamuychik, Tayta Diosman kutirikusun. Paymi llikiparuwarqanchik paytaqmi hampiykuwasunpas; paymi heridaruwarqanchik paytaqmi sanoyaykachiwasunpas.

Amós 3:12

Tayta Diosmi kaynata nin: Imaynam ovejata león mikuruptin michiqnin salvarun iskay piernallantaña otaq rinrinpa puntallantaña, chaynapunim Samaria llaqtapi yachaq Israel runakunapas lluptinqaku; suma-sumaq camapi puñuqkunapas hinaspa waqtapaqkunapas chaynam ayqenqaku, nispa.

Miqueas 7:7

Ñoqam ichaqa Tayta Diosllapi hapipakullasaq, Salvaykuqniy Diosllapim hapipakullasaq; Diosnillayqa uyariykuwanqam.