Isaías 17:4 - CHUYA QELLQA La Biblia en Quechua de Ayacucho 2012

⁴ Chay punchawkunapiqa Jacobpa hatunchasqa kayninmi asllayanqa Tukuy ima kapuqninpas tukurunqam.

Quechua Ayacucho Bible 1987

⁴ Chay tiempopim Jacobpa allin reqsisqa nacionninqa pisi kallpayoq rikurirunqa. Tukuy imawan huntasqa kayninpas mana imayoqñam rikurirunqa.

Chuya Qellqa 1992

⁴ Chay punchawkunapiqa Jacobpa hatunchasqa kayninmi asllayanqa Tukuy ima kapuqninpas tukurunqam.

Isaías 17:4 Iomraidhean Croise

Génesis 41:3

Chay sumaq qanchis wira vacakunapa qepantañataqmi qanchis millakuypaq tullu vacakuna mayumanta lloqsimuchkasqa, hinaspam Nilo mayupa patanpi sumaq vacakunapa waqtanpi sayachkasqaku.

2~Reyes 17:3

Rey Oseaspa contranpim Asiria nacionpa reynin Salmanasar hamurqa. Venceruptinmi Oseasqa paytaña servispan impuestota pagarqa.

2~Reyes 17:6

Isqon wataña rey Oseas munaychakuchkaptinmi, Asiria nacionpa reyninqa Samaria llaqtata venceruspan Israel runakunata presocharuspan Asiria nacionman aparqa, hinaspam Halah llaqtapi, Habor mayupa patanpi kaq Gozán llaqtapi chaynataq Media nacionpa llaqtankunapi churarqa, chaypiña yachanankupaq.

Isaías 10:16

Chayraykum Tukuy Atiyniyuq Diosqa kallpasapa runankunata eqoyachinqa, hatu-hatunllaña kaynintam lenwachkaq ninawan hina ruparachinqa.

Isaías 10:3

¿Imatataq castigo punchawpi ruwankichik? ¿Karumantaraq sasachakuy hamususqaykichik punchawpi, pimantaq yanapasunaykichikpaq hapipakunkichik? ¿Maypitaq qori-qollqekichikta saqenkichik?

Isaías 10:4

Preso pusasqakunawan kuska mana humillakuspaqa wañuymanñam wichinkichik. Chaywanpas Tayta Diosqa hinallam piñasqa kachkan atiyninwan castigananpaq.

Isaías 17:3

Efraín llaqtapa, Damasco llaqtapa, qaqay-qaqay perqankunapas puchukanqam. Siria nacionpi puchuqñataqmi, Israel llaqta kaqlla kanqa. Tukuy Atiyniyuq Tayta Diosmi chaynata nin.

Isaías 24:13

Kay pachapi nacionkunam kayna kanqa: Imaynam aceitunasta waqtapaspa cosecharusqanku hinam kanqa, otaq uvas cosechayta tukuruptinku maskaparusqanku hinam kanqa.

Isaías 24:16

Kay pachapa patankunamantaraqmi kay takita uyarirqaniku: ¡Allinkuna ruwaq hatunchasqa kachun! niqta. Chaymi nirqani: ¡Ay, imañataq kayqa, imañataq kayqa! Iskay uyakunam contrato ruwasqankuta saqerunku, paqway iskay uyañam rikurirunku.

Isaías 9:21

Manasesmi Efrainta tuñichin Efrainñataqmi Manasesta wichichin, iskayninñataqmi Judá ayllupa contrapi hatarinku. Chaywanpas Diosqa, hinallam atiyninwan castigananpaq kachkan.

Isaías 9:8

Tayta Diosmi Jacobpa contranpi rimarirqa, chay rimaymi Israel nacionman chayarqa,

Ezequiel 34:20

Chayraykum ñoqa Tayta Dios kaynata nikichik: Ñoqam wira ovejakunatawan tulluyasqa ovejakunata allin arreglota ruwasaq.

Amós 3:12

Tayta Diosmi kaynata nin: Imaynam ovejata león mikuruptin michiqnin salvarun iskay piernallantaña otaq rinrinpa puntallantaña, chaynapunim Samaria llaqtapi yachaq Israel runakunapas lluptinqaku; suma-sumaq camapi puñuqkunapas hinaspa waqtapaqkunapas chaynam ayqenqaku, nispa.

Sofonías 2:11

Tayta Diosmi paykunapa contranpi manchakuypaqta hatarinqa, kay pachapi llapallan idolokunatam chinkarachinqa, hinaspanmi tukuy hinastinpi payllaña yupaychasqa kanqa, lamar qochapa chawpinpi llaqtakunapas paytam yupaychanqaku.