Isaías 17:3 - CHUYA QELLQA La Biblia en Quechua de Ayacucho 2012

³ Efraín llaqtapa, Damasco llaqtapa, qaqay-qaqay perqankunapas puchukanqam. Siria nacionpi puchuqñataqmi, Israel llaqta kaqlla kanqa. Tukuy Atiyniyuq Tayta Diosmi chaynata nin.

Quechua Ayacucho Bible 1987

³ Llapallan Kamachiq Tayta Diosmi nin: Efrain castapaqa manañam kanqachu murallasqa llaqtanqa. Israel allin reqsisqa nacionpaqa manañam kanqachu murallasqa llaqtanqa. Damasco llaqtapaqa manañam kanqachu gobiernonqa. Aram nacionpi puchuqkunapaqa manañam kanqachu murallasqa llaqtanqa.

Chuya Qellqa 1992

³ Efraín llaqtapa, Damasco llaqtapa, qaqay-qaqay perqankunapas puchukanqam. Siria nacionpi puchuqñataqmi, Israel llaqta kaqlla kanqa. Tukuy Atiyniyuq Tayta Diosmi chaynata nin.

Isaías 17:3 Iomraidhean Croise

2~Reyes 16:9

Asiria nacionpa reyninñataqmi chaskiruspan Damasco llaqtapa contranpi peleananpaq rirqa. Venceruspanmi runankunata presochasqata Kir lawman aparqa, wañurachirqataqmi reynin Rezintapas.

2~Reyes 17:6

Isqon wataña rey Oseas munaychakuchkaptinmi, Asiria nacionpa reyninqa Samaria llaqtata venceruspan Israel runakunata presocharuspan Asiria nacionman aparqa, hinaspam Halah llaqtapi, Habor mayupa patanpi kaq Gozán llaqtapi chaynataq Media nacionpa llaqtankunapi churarqa, chaypiña yachanankupaq.

Isaías 10:9

Ñoqapaqqa Calno llaqtapas Carquemis llaqta hinallam, Hamat llaqtapas Arfad llaqta hinallam, Samaria llaqtapas Damasco llaqta hinallam, chay llaqtakunaqa vencenay llaqtakunallam.

Isaías 16:14

Kunanñataqmi Tayta Dios kaynata nin: Kimsa watamantam, llamkapakuq runapa yupasqan watamanta hina, Moab nacionpa hatun kayninqa tuñichisqa kanqa, nana-nanaq runayuq kaspapas penqayman churasqam kanqa. Chaymanta puchuqkunapas mana atiyniyuq pisi runakunallam kanqaku, nispa.

Isaías 17:4

Chay punchawkunapiqa Jacobpa hatunchasqa kayninmi asllayanqa Tukuy ima kapuqninpas tukurunqam.

Isaías 25:2

Llaqtakunatam tuñirachispa pasaypaqta purmarachinki, llaqtapa qaqay-qaqay perqankunatam tuñirachinki, cheqniqniykupa suma-sumaq llaqtankutapas taqmaparunkim, manañam musoqmantaqa hatarichinqakuñachu.

Isaías 7:16

Manaraqpas allin kaqta akllaspa mana allin kaqtañataq wischuyta yachachkaptinmi, chay manchakusqayki iskay reykunapa nacionninkuna chunnichisqa kanqa.

Isaías 7:8

Damasco llaqtaqa Siria nacionpa capitalninmi, Rezinñataqmi Damasco llaqtapa reynin. Soqta chunka pichqayuq watamantam Efraín casta otaq Israel nacionqa manaña nación kanankama chinkachisqa kanqa.

Isaías 8:4

Manaraq chay wawa “taytay” otaq “mamay” nispa rimayta yachach-kaptinmi, Damasco llaqtapa chaynataq Samaria llaqtapa qori-qollqenta Asiria nacionpa reynin apakunqa.

Oseas 1:4

Chaymi Oseasta Tayta Dios nirqa: Jezreelwan chay wawata sutichay, yawarta Jezreel llaqtapi chaqchusqanmantam rey Jehupa ayllunta chaylla castigasaq, chaynatam Israel nacionpa munaychakuyninta tukusaq.

Oseas 1:6

Huktawan wiksayakuruspanmi warmi wawata Gomer wachakururqa. Chaymi Oseasta Tayta Dios nirqa: Lo-ruhama nispa sutichay, manañam huktawanqa Israel nacionta llakipayasaqñachu, nitaqmi pampachasaqñachu.

Oseas 10:14

Chayraykum llaqtaykikunapi guerra hatarinqa, murallasqa llaqtaykikunapas tuñichisqam kanqa, wawakunapas mamankuwan kuskam wañunqaku, imaynam Bet-arbel llaqtata rey Salmán chinkachisqanta hina.

Oseas 3:4

Israelpa mirayninkunapas unay watakunam mana reyniyuq, mana kamachiqniyuq kanqaku; sacrificiopas, sacerdotekunapas, idolokunapas manam kanqañachu.

Oseas 8:8

¡Israelmi mikusqa rikurirun! Llapa nacionkunam mana valeqpaq qawaspanku paymanta asikunqaku.

Oseas 9:11

Efrainpa ancha reqsisqa kayninpas alton pawaq urpi hinam pawarikunqa. Efrainpiqa warmikunapas manañam wiksayakunqakuñachu, nitaqmi wachakunqakuñachu.

Amós 8:14

Samariapa idolonkunarayku juraqkunapas, Danpa chaynataq Beersebapa idolonkunarayku juraqkunapas lliwmi wichinqaku, manañam haykapipas hatarinqakuñachu.