Isaías 17:14 - CHUYA QELLQA La Biblia en Quechua de Ayacucho 2012

¹⁴ Chisinkuytam mancharikuyllapaqña rikurirunku, ichaqa manaraqpas achikyaytaqa chinkarunkuñam. Chaynam llapa ñakarichiqninchikpas chaynataq haykam suwawaqninchikpas chinkarunqaku.

Quechua Ayacucho Bible 1987

¹⁴ Chisinkuytam mancharikuyllapaqña rikurirunku. Manaraq achikyamuchkaptinmi chinkarunku. Chaynam sucederun saqueaqninchikkunata. Chaynam pasarun suwaqninchikkunata.

Chuya Qellqa 1992

¹⁴ Chisinkuytam mancharikuyllapaqña rikurirunku, ichaqa manaraqpas achikyaytaqa chinkarunkuñam. Chaynam llapa ñakarichiqninchikpas chaynataq haykam suwawaqninchikpas chinkarunqaku.

Isaías 17:14 Iomraidhean Croise

2~Reyes 19:3

Paymanmi rey Ezequiaspa nisqanta kaynata nirqaku: Kunan punchawqa ancha llakisqa, qaqchasqa, insultasqam kachkanchik. Wachakunanpaq kachkaspan manaña kallpayuq warmi hinañam kachkanchik.

2~Reyes 19:35

Chay tutam, Tayta Diospa angelnin lloqsiramuspan Asiria campamentopi pachak pusaq chunka pichqayuq waranqa soldadokunata wañurachirqa. Achikyaruptinmi llapallanku wañusqaña kachkasqaku.

Jobwan Sutichasqa Libro 20:29

Diosmi tukuy chaykunata mana allin runapaq alistarqa, tukuy chaykunam chayna runapa pagon kanqa, nispa.

Proverbios 22:23

Paykunamantaqa Tayta Diosmi nanachikun, imallantapas qechuqtaqa Tayta Diosmi ñakarichinqa. -2-

Isaías 10:25

Manapas unaymantam contraykichikpi piñakuyniy tukurunqa, piñakuyniyqa enemigoykikunatañam pasaypaqta chinkachinqa, nispa.

Isaías 21:12

Llaqta cuidaqñataqmi nin: Chaylla achkiramuspapas ñataqmi tutaykunqaña. Tapukuyta munaspaqa tapukuychik, huktawan tapukuq kutimuychik, nispa.

Isaías 29:2

Ariel llaqtata, ñoqam sasachakuyman churasqayki, waqakuypi hinaspa sinchi llakikuypim tarikunki, kañapuwanankupaq altar hinam kanki.

Isaías 29:5

Enemigoykikunapas ñutu allpaman tikrasqam kanqaku, qatikachasuqnikikunapas wayrapa apanan qopa hinam kanqaku. Qonqayllamantam chaynaqa rikurinqaku.

Isaías 29:7

Ariel llaqtapa contranpi peleaqkunaqa, achka llaqtakunaña kaspankupas, mosqoy hina pasaruqllam kanqaku. Ariel llaqtapa murallan tuñichiqkunam, sasachakuyman churaqninkunam, chayna kanqaku.

Isaías 30:28

Samayninpas llimpariq lloqlla hinaraqmi, kunkakama haypaq lloqlla hinaraqmi. Harnerowan suysuq hinam llapa nacionkunata ñakarichinqa, frenota siminman churaspam llaqtakunata chinkachinqa.

Isaías 33:1

¡Ay, imaynaraq kankichik, purmachiq kachkaspa mana purmachisqakuna, traicionaq kachkaspa mana traicionasqakuna! Purmachiyta tukuruspam qampas purmachisqa kanki, traicionayta tukuruspam qampas traicionachikunki.

Isaías 33:18

Manchakuypi kawsasqaykita yuyarispam ninki: ¿Maypitaq kachkan impuesto qollqe yupaqqa? ¿Maypitaq kachkan impuesto qollqepa llasaynin qawaqqa? ¿Maypitaq kachkan torrekuna yupaq runaqa? nispa.

Isaías 34:17

Sapa animalmanmi maypim yachananta rikuchirqa, kikinpunim sapa animalman maypi yachanankupaq qoykarirqa, chaypiqa wiña-wiñaypaqmi yachakunqaku.

Isaías 41:12

Enemigoykikunataqa maskaspapas manañam tarinkichikchu wañuchiy munasuqnikikunaqa pasaypaq chinkachisqam kanqaku.

Jeremías 13:25

Chaymi qamkunapa destinoykichik kanqa, ñoqata qonqaruwaspaykichik idolokunamanña hapipakusqaykichikmanta. Ñoqa Tayta Diosmi chaynata nini.

Jeremías 2:3

Israel runakunaqa sapaqchakusqaymi karqankichik, cosechaypa punta kaq rurunmi karqankichik. Pipas dañasuqnikikunataqa, hatun sasachakuykunawanmi ñakarichirqani, nispa. Ñoqa Tayta Diosmi chaynata nini.

Jeremías 49:10

Esaupa llaqtantam ichaqa mana imayuqta saqerusaq, pakakunan sitiotapas libretañam saqerusaq, manañam pakakuyta atinqachu. Churinkunapas, ayllunkunapas, muyuriqninpi yachaqkunapas, chinkachisqam kanqa; manañam pipas qepanqañachu.

Ezequiel 39:10

Manañam montekunamanqa yanta pallaqpas lloqsinqakuñachu, nitaqmi sachatapas kuchunqakuñachu; aswanqa chay armakunam yantapi servikunqa. Ñawpaqta suwaqninkutam paykunaña suwanqaku, imankupas qechuqninkutam paykunaña qechunqaku. Ñoqa Tayta Diosmi chaynata nini.

Zacarías 2:12

Tayta Diosmi Judá nacionpi, ancha kuyasqan allpapi huktawan munaychakunqa, Jerusalentapas huktawanmi llaqtanpaq akllaykunqa.

Jueces 5:31

¡Dios Taytalláy, llapa enemigoykikuna chaynata wañuchunku! ¡Kuyasuqnikikunayá ichaqa qespimuq inti hinaraq kancharichunku! nispa. Chaymantam tawa chunka wata hawka karqaku.