Isaías 17:13 - CHUYA QELLQA La Biblia en Quechua de Ayacucho 2012

¹³ Chayman rikchakuqña hamuptinkupas, Dios qaqchaptinmi karukunamanraq lluptinqaku, wayrapa apasqan qopa hinaraq, sinchi wayrapa hoqarisqan allpa hinaraq.

Quechua Ayacucho Bible 1987

¹³ Achka yakukunapa qapariyninta hinamá chay runakunaqa qaparinku. Paykunata Tayta Dios qaqchaptinmi karukunamanraq lluptikunku. Moqokunamanta wayrapa apasqan qopa hinaraqmi qatikachasqa kanku. Sinchi wayrawan remolino wayra hamuchkaq hinaraqmi qatikachasqa kanku.

Chuya Qellqa 1992

¹³ Chayman rikchakuqña hamuptinkupas, Dios qaqchaptinmi karukunamanraq lluptinqaku, wayrapa apasqan qopa hinaraq, sinchi wayrapa hoqarisqan allpa hinaraq.

Isaías 17:13 Iomraidhean Croise

Jobwan Sutichasqa Libro 21:18

¿Haykapitaq wayrapa apasqan paja hina karqaku? ¿Haykapitaq vientopa apasqan qopa hina karqaku?

Jobwan Sutichasqa Libro 38:11

Lamar qochatam kaynata nirqani: “Kaykamallam chayamunki, amapunim kaymantaqa pasankichu, hatun tukuq olaykikunapas kayllapim tukunqa”, nispay.

Isaías 14:25

Hina allpaypim Asiria runakunata puchukarachisaq, orqoykunapim paykunata saruparusaq. Yugonkupas manañam llaqtayta ñakarichinqañachu, llasaq qepi churasqankupas manañam llaqtayta ñakarichinqañachu.

Isaías 21:15

Paykunaqa guerrapi wañuymantam ayqekamuchkanku, espadawan flechawan wañuchisqa kanankumantam lluptimuchkanku, manchakuypaq guerramantam ayqemuchkanku.

Isaías 22:18

Wankusqa kururta hina karupi hatun llaqtakama chamqarusuptikim chaypi wañumunki, alabakunayki carretakunapas chaypim tukunqa, patronnikipa ayllunpaqmi hatun penqay kanki.

Isaías 27:1

Chay punchawmi Tayta Diosqa hatu-hatun espadanwan, Leviatanwan sutichasqa millqorayaq maqta uruta wañuchinqa, Leviatanwan sutichasqa apurawman kallpaq maqta uruta sipinqa, wañuchinqataqmi lamar qochapi dragontapas.

Isaías 29:5

Enemigoykikunapas ñutu allpaman tikrasqam kanqaku, qatikachasuqnikikunapas wayrapa apanan qopa hinam kanqaku. Qonqayllamantam chaynaqa rikurinqaku.

Isaías 30:28

Samayninpas llimpariq lloqlla hinaraqmi, kunkakama haypaq lloqlla hinaraqmi. Harnerowan suysuq hinam llapa nacionkunata ñakarichinqa, frenota siminman churaspam llaqtakunata chinkachinqa.

Isaías 34:17

Sapa animalmanmi maypim yachananta rikuchirqa, kikinpunim sapa animalman maypi yachanankupaq qoykarirqa, chaypiqa wiña-wiñaypaqmi yachakunqaku.

Isaías 40:15

Nacionkunapas paypaqqa huk sutuy yaku hinallam, balanzapi ñutu allpa hinallam, Lamar qochapi islakunapas ñutu allpa hinallam.

Isaías 40:24

Paykunaqa chayraq wiñamuq sachakuna hinam, tarpuruptinku chayllaraq sapichakuchkaq hinam. Wayra pukurimuptinmi lliw chakirunku, sinchi wayrapa apasqan qopa hinallam paykunaqa chinkarunku.

Isaías 41:11

Qamkunapaq piñakuqkunaqa, lliwmi hukmanyaspa penqaypi tarikunqaku, qamkunawan atipanakuqkunaqa pasaypaq chinkachisqam kanqaku.

Isaías 8:7

Tayta Dios kamachimunqa llimparichkaq Eufrates mayuta, chay mayuqa Asiria nacionpa reyninpa atiyninmi, paymi llimparichkaq mayu hinaraq mastarikuspan haypasqanta patan-patan tuytunqa,

Daniel 2:35

Chaynapim chay fierropas, kañasqa mitupas, broncepas, qollqepas hinaspa qoripas lliw ñutu allpa hinallaña rikurirurqa; cosecha tiempopi wayrapa apasqan erapi qopa hinallañam rikurirurqa, chaynapim maypi kasqanpas manaña yachakurqachu. Chay runa kaqlla sayaqta ñuturuq rumim ichaqa kay pachapas huntaykuyta hatu-hatun orqoman tikrakururqa.

Oseas 13:3

Chayraykum paykunaqa achikyay puyu hina waspirunqaku, achikyaq sulla hina chinkarunqaku; wayrapa apasqan qopa hinam chinkarunqaku, wasi uchkunta lloqsiq qosni hinam chinkarunqaku.

Sofonías 2:2

qopa hina huk punchawllapi manaraq chinkaruchkaspa, Tayta Diospa hatun piñakuynin punchaw hawaykichikman manaraq chayaramuchkaptin.