Isaías 17:10 - CHUYA QELLQA La Biblia en Quechua de Ayacucho 2012

¹⁰ Israel, salvaqniki Diostam qonqarunki, amparakunaykipaq kaqtam mana yuyankichu. Kuyayllapaq plantakunatam plantakunki, huklaw nacionmanta apamusqa miskillaña ruruq sachapa takarpunkunataraqmi tarpunkipas,

Quechua Ayacucho Bible 1987

¹⁰ Chaynam kasunki salvaq Diosniki qonqarusqaykirayku. Chaynam kasunki qaqa hina amparakuna Diosniki mana yuyarisqaykirayku. Kuyayllapaq plantakunata huertaykipi plantaspapas, huklaw nacionmanta apamusqa taytacha-mamachakunapaq plantaspapas

Chuya Qellqa 1992

¹⁰ Israel, salvaqniki Diostam qonqarunki, amparakunaykipaq kaqtam mana yuyankichu. Kuyayllapaq plantakunatam plantakunki, huklaw nacionmanta apamusqa miskillaña ruruq sachapa takarpunkunataraqmi tarpunkipas,

Isaías 17:10 Iomraidhean Croise

1~Crónicas 16:35

Qamkunayá niychik: ¡Diosnillayku, salvaqniykum kanki, salvaykullawayku! huñuykuwaspaykiku nacionkunamanta libraykullawayku, chuya sutikimanta willakunaykupaq, kusikuyllawanña yupaychanaykupaq.

Isaías 12:2

Diosnilláy, qanmi kanki salvaqniyqa, qamllapim hapipakusaq, ñoqallayqa manañam manchakusaqchu, amparoypas takiypas qamllam kanki, qamllam salvaqniyqa kanki, nispa.

Isaías 17:9

Chay punchawkunapim Israelpa allin murallasqa llaqtankunapas wichirispa purmanqa, imaynam Canaán allpapi runakuna, Israelta manchakuspanku llaqtankuta purmachkaqta saqesqankupi hina.

Isaías 18:5

Uvaspas sisayta tukuruspa, rurunkunapas poqoyta qallaykuptin, manaraqpas cosechayta qallarichkaptinkum, kallmankunata machetewan rawmanqa, ikllipankunatapas kuchuparuspam wischunqa.

Isaías 25:4

Qanmi karqanki mana imayuqkunapa amparakunan, wakchakunapa sasachakuyninpi hapipakunan, loco paramanta pakaykuqnin, rupaymanta llantuykuqnin. Mana llakipayakuq runakunapa samatyayninqa poqoy tiempopi sinchi para hinaraqmi.

Isaías 26:4

Diosllapiyá wiña-wiñaypaq hapipakuychik, wiña-wiñaypaq waqaychaqninchik kasqanrayku.

Isaías 30:29

Qamkunam ichaqa, pascua fiestata ruwasqaykichik tutapi hina takinkichik, sonqomantam qamkunaqa kusikunkichik, qenata tocaspa Tayta Diospa orqonman richkaq hinam kusikunkichik, Israelpa amparakunan Diosman richkaq hinam kusikunkichik.

Isaías 33:2

Dios Taytallayku, qamllapi suyasqaykuraykuyá llakipayariykullawayku, qamyá sapa tutapayta kallpanchaykuwayku, sasachakuyniyku punchawpiyá salvaykuwayku.

Isaías 44:8

Ama manchakuychikchu nitaq hukmanyaychikchu. ¿Manachu ñawpaqmantaraq yachayta qorqaykichik hinaspa willarqaykichik? Qamkunam testigoy kankichik. Ñoqallam Diosqa kani manam hukqa kanchu, Ñoqa hina hapipakunapaq sapaq diostaqa manam reqsinichu.

Isaías 51:13

¿Hanaq pachata mastarispa kay pachatapas takyachiq unanchasuqniki Tayta Diostachu qonqarunki? ¿Hinallachu ñakarichisuqnikipa piñakuyninta sapa punchaw manchakunki? ¿Maypitaq ñakarichisuqnikipa piñakuynin kachkan?

Isaías 61:10

Isaiasmi kaynata nirqa: Tayta Diospim llumpayta kusikuni, Diosniypim sonqomanta kusikuni. Salvakunapaq pachawanmi pachaykachiwan, allin ruway capawanmi churaykachiwan, noviota hinam coronaykachiwan, alhajakunawan adornasqa noviata hinam adornaykuwan.

Isaías 62:11

Tayta Diosmi kay pachapa patankama kayta uyarichin: “Sión llaqtaman willaychik Salvaqnin chayamusqanta, Diosmi runankunata pusamuchkan, llamkasqanpa pagontam apamuchkan”, nispa.

Jeremías 12:13

Trigota tarpuspankupas, kichkatam cosecharqaku; yanqapaqmi llamkasqankupas. Ñoqapa sinchi piñakuyniyraykum cosechankupas yanqapaq kanqa.

Jeremías 17:13

Israelpa hapipakunan Dios Taytalláy, pipas qepanchakusuqnikiqa penqaypim tarikunqa. Qanmanta rakikuqkunaqa allpapi qellqasqa suti hinam chinkarunqa. Chaynaqa kanqaku, kallpaq mayu hina kachkaptiki qam Tayta Diosta saqerusqankuraykum.

Jeremías 2:32

¿Yaqachu alhajankunata huk sipas qonqarunman? ¿Yaqachu casarakusqan alhajankunata novia qonqarunman? Llaqtaymi ichaqa unayña ñoqata qonqaruwan.

Jeremías 3:21

Chunniq orqokunapim qayakuy uyarikun, Israel runakunapa waqaspa mañakuyninkum uyarikun. Allin ñanmantam karunchakurunku, yupaychasqanku Tayta Diostam qonqarunku.

Ezequiel 22:12

Runamasinkuta wañuchinankupaqmi qollqeta chaskikunku. Qollqetapas mirayniyuqllapaqmi prestanku; runamasinkutam ñakarichinku; tukuy chaykunata ruwaspankum qonqaruwanku. Ñoqa Tayta Diosmi chaynata nini.

Ezequiel 23:35

Chaynaqa, ñoqa Tayta Diosmi kaynata nini: Qonqaruwaspa, qepanchakuruwaspayki, munasqaykipi purispa hukwan-hukwan qanrakusqaykimantam castigota ñakarinki, nispa.

Oseas 4:6

Mana yachayniyuq kasqanraykum llaqtayqa chinkachisqa karqa. Yachachikuyniyta wischupakusqaykiraykum sacerdote kaynikimantapas qarqorusqayki; Diosnikipa kamachikuyninkunata qonqarusqaykiraykum ñoqapas miraynikikunata qonqarusaq.

Oseas 8:14

Israelmi unanchaqninta qonqaruspan palaciokunata ruwakurun, Judapas murallasqa llaqtakunatam achkallataña hatarirachin, ñoqam ichaqa palacionkunata ninawan kañasaq, murallankunatapas ninawanmi uchpayachisaq.

Joel 1:17

Muhukunapas kurpa ukupim ismurun, kawsay waqaychana wasikunapas lliwmi tuñirun, trigo chinkarusqanraykum taqekunapas llikipakurun.

Levítico 26:16

ñoqapas qamkuna ukupim manchapakuyta, wañuchikuq onqoykunata, calenturata, ñawi onqoyta chaynataq eqoyayta rikurirachisaq; yanqapaqmi tarpunkichikpas, tarpusqaykichiktapas enemigoykichikmi mi-kukunqa.

Levítico 26:20

Kallpaykichikpas ususqam yanqa llamkankichik, chakraykichikpiqa manam imapas qespinqachu, nitaqmi lliw nacionnikichikpi fruta sachakunapas rurunqachu.

Amós 5:11

Chaynaqa, wakchakunata yanqamanta tumpaspa impuestota trigonpi chaskikusqaykichikraykum, labrasqa rumikunawan wasikuna ruwasqaykichikpipas mana yachankichikchu, manataqmi uvas plantasqaykichikpa rurunmanta vinotapas tomankichikchu.

Habacuc 3:18

ñoqaqa Tayta Diosllapim kusikusaq, Salvaqniy Diosllapim kusikusaq.

Sofonías 1:13

Chayraykum kapuqninkupas suwasqa kanqa, wasinkuñataqmi purmanqa. Wasi ruwasqankupipas manam yachanqakuchu, uvas tarpusqankupa vinontapas manam upyanqakuchu, nispa.

Deuteronomio 28:30

Casaranaykipaq rimapayasqayki sipastapas hukmi abusarunqa. Wasita ruwaspapas manam chaypiqa yachankichu. Uvasta plantaspapas manam rurunta mikunkichu.

Deuteronomio 32:15

Ichaqa Jesurunmi wirayaruspan haytakuqllaña rikurirurqa, wiranpas wiswirinankamam anchallataña poqorurqa; hinaspam unanchaqnin Tayta Diosta saqerurqa, waqaychaqnin qaqatam wischupakururqa.

Deuteronomio 32:18

Israelpa mirayninkuna, amparaqnikichik taytaykichiktam qonqarunkichik, kawsay qosuqnikichik Tayta Diostam qonqarunkichik.

Deuteronomio 32:31

Enemigonchikkunapa waqaychaqninkuqa manam waqaychaqninchik hinachu, chaytaqa enemigonchikkunapas allintam yachanku.

Deuteronomio 32:4

Payqa pakakunanchik qaqam, ruwasqankunapas mana pantayniyuqmi, ruwayninkunapas allinpunim. Payqa cheqap Diosmi, paypiqa manam ima mana allinpas kanchu, payqa derechonpim imatapas ruwan.

Deuteronomio 6:12

Tayta Diostaqa amam qonqarunkichikchu, paymi Egipto nacionpi esclavo kachkaptinchik hurqomuwarqanchik.

Deuteronomio 8:11

Señornikichik Tayta Diostaqa amam qonqarunkichikchu. Kay kamachisqay kamachikuyninkunata, estatutokunata hinaspa decretokunataqa amam qonqarunkichikchu.

Deuteronomio 8:14

amam hatun tukuqqa rikurirunkichikchu, nitaqmi Señor-nikichik Tayta Diostapas qonqarunkichikchu, payqa Egipto nacionpi esclavo kasqaykichikmantam hurqomusurqankichik.

Deuteronomio 8:19

Sichum Señornikichik Tayta Diosta qonqaruspa, idolokunataña qatispa yupaychaptikichikqa ñoqam kunan nikichik, cheqaptapunim chinkachisqa kankichik.