Isaías 16:7 - CHUYA QELLQA La Biblia en Quechua de Ayacucho 2012

⁷ Chayraykum Moab runakuna llaqtankumanta qaparkachanqaku. Kir-hareset llaqtamanta kaq ñupupasqa uvas pasaskunamantam anchallataña waqanqaku.

Quechua Ayacucho Bible 1987

⁷ Moab nacionmanta kaqkunam qaparkachanqaku nacionninkumanta. Qamkunam waqankichik Kir-hareset llaqtamanta kaq ñupupasqa uvas pasaskunamanta. Qamkunaqa waqankichikmi ñakarichisqa kasqankumanta.

Chuya Qellqa 1992

⁷ Chayraykum Moab runakuna llaqtankumanta qaparkachanqaku. Kir-hareset llaqtamanta kaq ñupupasqa uvas pasaskunamantam anchallataña waqanqaku.

Isaías 16:7 Iomraidhean Croise

2~Reyes 3:25

Hinaspam llaqtakunatapas tuñichirqaku, allinnin chakrakunamanpas sapakamam rumiwan huntachirqaku, yakuyuq pozokunatapas pamparuspam allinnin sachakunatapas kuchuparurqaku. Kir-hareset llaqtallatañam manaqa tuñirachirqakuchu, ichaqa warakaqkunam muyuriqninpi churakuruspanku tuñichirqaku.

1~Crónicas 12:40

Hichpanpi yachaqkunapas, Isacar aylluwan, Zabulón aylluwan hinaspa Neftalí aylluwan kuskam, asnoku-napi, camellokunapi, mulakunapi hinaspa torokunapi mikuyta apamurqaku. Apamurqakutaqmi harinatapas, higosmanta tortillatapas, uvas pasastapas, vinotapas, aceitetapas, torokunatapas hinaspa ovejakunatapas achkanpi. Chaykunataqa apamurqaku Israelpi hatun kusikuy kasqanraykum.

1~Crónicas 16:3

Hinaspanmi Israelpa mirayninkunaman qarimanpas warmimanpas, tantata, frutakunamanta tortillata hinaspa pasasmanta tortillata aypuchirqa.

Isaías 16:11

Chayraykum Moab nacionmanta arpa hina sonqoy waqan, Kir-haresetmantam arpa hina sonqoy waqan.

Isaías 8:19

Sichum runakuna nisunkichik: Espiritistakunata qayakuychik, wachachachaspa upallallamanta rimaq espirituyuqkunata qayakuychik, ¿runakunaqa manachum diosninkuta tapukunmanku? ¿Kawsaqkunaqa manachum wañuqkunapa almanta tapukunmanku? nispanku.

Jeremías 48:20

Moab nacionmi penqayman churasqa kaspa mancharisqa kachkan. Moabmantayá hatun llakikuywan waqaychik, Moab nación tuñichisqa kasqanmanta Arnón mayupi willakuychik.

Jeremías 48:31

Chayraykum Moab nacionrayku waqasaq, Kir-harespi yachaqkunaraykum llakikusaq.