Isaías 16:2 - CHUYA QELLQA La Biblia en Quechua de Ayacucho 2012

² Imaynam qesanmanta mancharichisqa urpikuna pawanku, chaynam Moab llaqtapi warmikunapas Arnón mayu patanpi muyuchkanku.

Quechua Ayacucho Bible 1987

² Moab nacionmanta warmikunam otaq Arnon Mayuta chimpaqkunam rapraykachaq mallqo urpitukuna hinaraq kachkanku. Qesanmanta pawarachisqa mallqo urpitukuna hinaraqmi kachkanku.

Chuya Qellqa 1992

² Imaynam qesanmanta mancharichisqa urpikuna pawanku, chaynam Moab llaqtapi warmikunapas Arnón mayu patanpi muyuchkanku.

Isaías 16:2 Iomraidhean Croise

2~Reyes 3:4

Moab nacionpa reynin Mesam achka ovejakunata uywaq, chaymi Israel nacionpa reyninman impuestota pagaq pachak waranqa malta carnerokunatawan pachak waranqa millwantin carnerokunata.

Proverbios 26:2

Imaynam pichinchu llutanpi pawan, imaynam wayanakuy muyun, chaynam yanqamantaqa ñakaypas mana pimanpas chayanqachu.

Proverbios 27:8

Wasinta saqespa purikuq runaqa qesanta saqespa llutanpi pawakuq urpitu hinam.

Isaías 13:14

Chaymi qatikachasqa luwichu hina, mana michiqniyuq oveja hina, sapakama ayllunkuman ayqenqaku, sapakamam allpankuman lluptinqaku.

Jeremías 48:20

Moab nacionmi penqayman churasqa kaspa mancharisqa kachkan. Moabmantayá hatun llakikuywan waqaychik, Moab nación tuñichisqa kasqanmanta Arnón mayupi willakuychik.

Jeremías 48:46

¡Ay, Moab nación! Quemos sutiyuq idolota yupaychaq nación, ¡imaynaraq kanki! Qari churikikunatawan warmi churikikunatam presota aparunku.

Jeremías 48:9

Moab nacionmanyá raprata qoychik, chaynapi pawakunanpaq, llaqtankunam pasaypaq purmachisqa kanqa, manaña runayuq kanankamam chunnichisqa kanqa.

Números 21:29

¡Ay, Moab runakuna, Quemos idolopa runankuna! Chinkachisqañam kachkankichik. Quemos idolom qari churikichiktapas lluptirachin, Quemos idolom warmi churikichiktapas presocharachin. Amorreokunapa reynin Sehonwanmi chaynata ruwarachin.

Deuteronomio 2:36

Arnón mayu patanpi Aroer llaqtamanta chaynataq wayqopi kaq llaqtamanta Galaad lawpi llaqtakunakamam mayqan llaqtapas mana imanayta atiwarqanchikchu, Señorninchik Tayta Diosmi llapallanta munaychakunanchikpaq qoykuwarqanchik.

Deuteronomio 3:12

Kay yachasqanchik allpatam Rubén ayllumanwan Gad aylluman qorqani, Arnón mayupa patanpi kaq Aroer llaqtamanta qallarispa Galaad orqokunapa partentapas, chaypi kaq llaqtakunatapas qorqanitaqmi.

Deuteronomio 3:8

Chaynatam chay tiempopi Jordán mayupa waklawnin intipa qespimunan lawpi yachaq iskay reykunapa nacionninkunata Arnón mayumanta Hermón orqokama hapikuykurqankichik. Chay reykunaqa karqaku amorreokunapa reyninkunam.

Josué 13:16

Paykunapa allpankum karqa Arnón wayqopa patanpi kaq Aroer llaqtamanta qallarispa qechwapi llaqtakama hinaspa Medeba law pampakunakama.

Jueces 11:18

Chaymantam chunniqninta hamuspanku edomitakunapa chaynataq moabitakunapa allpanta muyumurqaku; moabitakunapa allpanpa intipa qespimunan lawninman chayaramuspankum Arnón mayupa chimpanpi samarurqaku, moabitakunapa linderontaqa manam pasarqakuchu, Arnón mayu Moab nacionpa linderon kasqanrayku.