Isaías 15:5 - CHUYA QELLQA La Biblia en Quechua de Ayacucho 2012

⁵ Moab nacionraykum sonqoy qaparin. Runankunam kimsa watayuq vaquilla kaqllaraq Zoar llaqtakama lluptichkanku. Luhit wichaytam waqastin qespichkanku. Horonaim llaqtaman riq ñantam llakikuypi kasqankurayku qaparispa richkanku.

Quechua Ayacucho Bible 1987

⁵ Moab castakunapaqmi sonqoymanta qayaykachakuchkani. Moab castakunapaqmi yanapakuyta mañakuchkani. Runankunam lluptikuchkanku Zoar llaqtakama. Lluptikuchkankumá Eglat-selisiya llaqtakama. Luhit wichaytam waqastin richkanku. Horonaim llaqtaman riq ñantam qayaykachakustin richkanku. Desgraciapi kasqankuraykum qaparispa richkanku.

Chuya Qellqa 1992

⁵ Moab nacionraykum sonqoy qaparin. Runankunam kimsa watayuq vaquilla kaqllaraq Zoar llaqtakama lluptichkanku. Luhit wichaytam waqastin qespichkanku. Horonaim llaqtaman riq ñantam llakikuypi kasqankurayku qaparispa richkanku.

Isaías 15:5 Iomraidhean Croise

Génesis 13:10

Hinaptinmi Lot qawarirqa Jordán mayupa qechwankunata Zoar llaqtakama yakuyuq kasqanta, Tayta Diospa huertan hinaraq kasqanta, Egipto allpamanraqmi rikchakurqa. Chaynaqa karqa Sodomatawan Gomorrata Tayta Dios manaraq purmarachichkaptinmi.

Génesis 14:2

Sodomapa reynin Berapa, Gomorrapa reynin Birsapa, Admapa reynin Sinabpa, Zeboimpa reynin Semeberpa hinaspa rey Belapa contranpi (Belapa huknin sutinmi karqa Zoar).

Génesis 19:22

Chaynaqa, utqayman lluptiy, wakman chayanaykikamam mana imatapas ruwasaqchu, nispa. Chayraykum chay llaqtachapa sutin Zoar karqa.

2~Samuel 15:23

Llapallankum llumpayta waqastin rirqaku. Qepatañataqmi rey David chaynataq paywan riq runakuna Cedrón wayqopi yakuta chimpaspanku chunniq lawman llapallanku rirqaku.

2~Samuel 15:30

Davidmi waqastin Olivos wichayta qespirqa, qala chakilla chaynataq uman wankisqa. Paywan riq runakunapas umanku wankisqam waqastin rirqaku.

Isaías 16:14

Kunanñataqmi Tayta Dios kaynata nin: Kimsa watamantam, llamkapakuq runapa yupasqan watamanta hina, Moab nacionpa hatun kayninqa tuñichisqa kanqa, nana-nanaq runayuq kaspapas penqayman churasqam kanqa. Chaymanta puchuqkunapas mana atiyniyuq pisi runakunallam kanqaku, nispa.

Isaías 22:5

Tukuy Atiyniyuq Tayta Diosmi munarqa, revelación chaskina qechwaman kayna ñakariy chaqwa punchaw hamunanta, llaqtapa murallankunata tuñichiptinku orqokunapi uyarikunankama qaparinankuta.

Isaías 59:7

Mana allin ruwaymanmi kallpankichik, mana huchayuqta wañuchiqmi kallpankichik; tukuy mana allin ruwaykunallapim yuyaymanankichik, maymanpas ñakarichiq hinaspa purmachiqllam rinkichik.

Jeremías 13:17

Mana kasukuptikichikqa hatun tukuq kasqaykichikmantam mana pipa rikusqanta waqasaq; Tayta Diospa runankuna preso apasqa kasqankumantam waqasaq, weqeypas yaku hinañam kallpanqa.

Jeremías 17:16

Chaywanpas qanmanqa manam hamurqani ñakarichinaykipaq mañakuqchu, manataqmi sasachakuypi kanankutapas munarqanichu. Qamqa yachankim qayllaykipi imam rimasqaytapas.

Jeremías 4:19

¡Ay, sonqollaymi nanawachkan! ¡Sonqollaymi nisyuta tukukuchkan! Manañam hawkayayta tarinichu, manam upallaymanchu. Trompetapa waqasqantam uyarichkani, guerrapaq qapariytam uyarichkani.

Jeremías 4:20

Sasachakuykuna pasakusqanmantam willakuykuna chayamuchkan, lliw nacionmi tuñichisqa kachkan. Qonqaymantam carpaykuna tuñichisqa rikurirun, carpaykunam llikipasqa rikurirun.

Jeremías 48:3

Horonaim llaqtapim qapariy uyarikun: ¡Llaqtam pasaypaq tuñichisqa kachkan! nispa.

Jeremías 48:5

Luhit qatata qespiqkunam waqastin richkanku; Horonaim llaqtamanta uraykuq ñanpim nanaywan qaparichkanku, llapa enemigokuna llaqtata purmarachisqanmanta.

Jeremías 50:46

Babilonia nacionta venceruptinkum allpapas katkatatanqaraq, qapariyninpas wakin nacionkunamanraqmi uyarikunqa.

Jeremías 9:10

Orqokunapi, chunniqkunapi waqachiptiymi, waqasqaykichik uyarikunqa. Pastokunapa kananmi mana imayuq qepanqa, manañam pipas chaynintaqa purinqañachu, animalkunapa qapariyninpas manañam uyarikunqañachu; alton pawaq animalkunawan purun animalkunapas pasaypaqtam chinkarunqaku.

Números 21:29

¡Ay, Moab runakuna, Quemos idolopa runankuna! Chinkachisqañam kachkankichik. Quemos idolom qari churikichiktapas lluptirachin, Quemos idolom warmi churikichiktapas presocharachin. Amorreokunapa reynin Sehonwanmi chaynata ruwarachin.