Isaías 14:6 - CHUYA QELLQA La Biblia en Quechua de Ayacucho 2012

⁶ payqa piñakuyninpim mana hampiy atina heridakunawan llaqtakunata ñakarichirqa, sinchi piñakuywanmi nacionkunapi munaychakurqa, mana llakipayarispam nacionkunata qatikacharqa.

Quechua Ayacucho Bible 1987

⁶ Piñakuyninpim chay reyqa nacionkunata castigaq. Mana tanispam paykunata castigaq. Piñakuyninpim nacionkunapi munaychakuq. Mana sayaykuspanmi paykunata qatikachaq.

Chuya Qellqa 1992

⁶ payqa piñakuyninpim mana hampiy atina heridakunawan llaqtakunata ñakarichirqa, sinchi piñakuywanmi nacionkunapi munaychakurqa, mana llakipayarispam nacionkunata qatikacharqa.

Isaías 14:6 Iomraidhean Croise

2~Crónicas 36:17

Paykunapa contranpim Caldea nacionpa reyninta Tayta Dios kachamurqa, hinaptinmi jovenkunata espadawan templo ukupi wañurachirqa, sipaskunatawan yuyaqkunata hinaspa eqoyasqakunatapas manam llakipayarqachu. Llapallankutam paypa makinman Tayta Dios churaykurqa.

Jobwan Sutichasqa Libro 9:13

Diosqa manam qonqarunchu piñakuynintaqa, Rahabta yanapaqkunapas paypa qayllanpim kumuykunqaku.

Proverbios 21:30

Diospa qayllanpiqa yachaypas, yachayniyuq kaypas, allin tanteoyuq kaypas mana serviqmi.

Proverbios 28:15

Wakcha llaqtapi mana allin runa kamachikuspanqa qapariq leonman otaq yarqasqa ukumarimanmi rikchakun.

Isaías 10:14

Qesanpi saqesqa runtukunata hurqochkaq hinam runakunapa qori-qollqenta hapikuykuni, mana pipa sayapakusqantam llaqtakunapi munaychakuruni, manam pipas rapranta kicharirqachu manataqmi tuspakunta kicharispa chilakyaqpas karqachu”, nispa.

Isaías 14:5

Mana allin runapa atiynintam kaspita hina Tayta Dios pakiparun,

Isaías 33:1

¡Ay, imaynaraq kankichik, purmachiq kachkaspa mana purmachisqakuna, traicionaq kachkaspa mana traicionasqakuna! Purmachiyta tukuruspam qampas purmachisqa kanki, traicionayta tukuruspam qampas traicionachikunki.

Jeremías 25:26

norte lawpi, karupi kaq, hichpapi kaq reykunamanpas. Kay pachapi llapallan munaychakuqkunamanmi upyachirqani. Paykunapa qepantañataqmi Babilonia nacionpa reynin upyanqa.

Jeremías 25:9

norte lawpi nacionkunatawan Babilonia nacionpa reynin serviqniy Nabucodonosorta kachamusaq, kay nacionpa, llapallan runankunapa chaynataq muyuriqninpi nacionkunapa contranpi. Hinaspaymi paykunata pasaypaqta tukurusaq, tuñirachispaymi wiñaypaq purmarachisaq, chaynapim runakunapas admirakuspa burlakunqaku.

Jeremías 48:17

Moab nacionpa hichpanpi yachaqkuna, ancha reqsisqa kasqanta yachaqkuna, paymanta waqaspa kaynata niychik: Qawariychik, “¡pakisqa kaspi hinam atiynin rikurirun! ¡Pakisqa tawna hinam sumaq kayninpas rikurirun!” nispaykichik.

Jeremías 50:31

Ñoqa Tukuy Atiyniyuq Tayta Diosmi kaynata nini: Hatunchakuq nación, contraykipim kachkani, punchawnikim chayaramun, castiganay punchawmi chayaramun.

Lamentaciones 1:21

Runakunam ñakakusqayta uyarinku, ichaqa manam pipas sonqollayta tiyaykachiq kanchu. Enemigoykunam ñakarisqayta yacharurqaku, chay ruwasqaykimantam paykuna kusikurqaku. Nisqayki punchawta chayachimuyña, ñoqa hina paykunapas ñakarinankupaq.

Daniel 4:35

Paypa qayllanpiqa kay pachapi runakunaqa mana kaq hinallam kanku, hanaq pachapi tropakunawanpas munasqanman hinam ruwan, kay pachapi yachaqkunawanpas munasqanman hinam ruwan, manam pipas sayarinmanchu paypa atiyninpa contranpiqa, manam pipas tapupayanmanchu paypa imam ruwasqantaqa.

Habacuc 1:17

Chaynaqa, ¿tukuy tiempochu challwaspa llapa runata mana llakipayarispa wañuchinqaku?

Habacuc 2:5

Hatun tukuqkunaqa apuyayllatam mana samaykuspa maskanku, tuñirachiqnin kachkaptinpas mastaraqmi munanku. Sepultura hinaraqmi siminkutapas kicharinku, wañuy hinaraqmi manaña saksariq rikurirunku, chayraykum nacionkunatapas tuñichinku.

Santiago 2:13

Pipas runamasin mana llakipayaqtaqa juicio punchawpim paytapas Cristo mana llakipayanqachu, runamasin llakipayaqtam ichaqa llakipayanqa.