Isaías 14:2 - CHUYA QELLQA La Biblia en Quechua de Ayacucho 2012

² Achka nacionkunam Israelpa mirayninkunata chaskispanku nacionninkuman riysinqaku. Israelpa mirayninkunañataqmi chay runakunata warmitapas qaritapas criadonkupaqña hapikuykunqaku, chaynaqa kanqaku Tayta Diospa qosqan allpapim. Presochaqninkutam preso-chanqaku, ñakarichiqninkunapim mu-naychakunqaku.

Quechua Ayacucho Bible 1987

² Israelpa castankunatam achkaq runakuna chaskinqaku. Kutiptinkutaqmi paykunata nacionninkuman compañanqaku. Hinaptinmi Israel castakuna chay runakunata rantinqaku warmi-qarita servientenkupaqña Tayta Diospa qosqan allpapi. Israel castakunapa presochaqnin runakunatam presochasqata pusanqaku hinaspataqmi munaychakunqaku ñakarichiqnin runakunapi.

Chuya Qellqa 1992

² Achka nacionkunam Israelpa mirayninkunata chaskispanku nacionninkuman riysinqaku. Israelpa mirayninkunañataqmi chay runakunata warmitapas qaritapas criadonkupaqña hapikuykunqaku, chaynaqa kanqaku Tayta Diospa qosqan allpapim. Presochaqninkutam presochanqaku, ñakarichiqninkunapim munaychakunqaku.

Isaías 14:2 Iomraidhean Croise

Esdras 2:65

Criadokunawan criadakunaqa manam yupasqachu karqaku, paykunam karqaku qanchis waranqa kimsa pachak kimsa chunka qanchisniyuq. Paykuna ukupim takiqkuna karqaku iskay pachak qarikuna warmikuna.

Isaías 18:7

Chay tiempopiqa, hatunkaray llusarayachkaq uyayuq runakunam, lliwpa manchakunan kallpasapa runakunam, mayunkamallaña llaqtayuq runakunam, maypipas llaqtakunata purmachispa allpankuta mirachiq runakunam, Sión moqoman, Tukuy Atiyniyuq Tayta Diosman, ofrendankuta apamunqaku.

Isaías 31:8

Asiria nacionpa tropankuna espadapi puchukanqaku, ichaqa manam runakunapa espadanwanchu. Espadamantaña lluptiptinkupas jovenkunatam criado kanankupaqña hapirunqaku.

Isaías 45:14

Tayta Diosmi kaynata nin: Egipto allpapi qespiq kawsaykunapas, Etiopía nacionpa kapuqninkunapas, Sabá llaqtayuq hatunkaray runakunapas, qampañam kanqaku. Qepaykitam cadenasqa rinqaku, ñawpaqnikipim qonqorakuspanku mañakusunki: “Cheqaptapunipas Diosmi qanwan kachkan, paymanta sapaq Diosqa manam kanchu”, nispanku.

Isaías 49:22

Tayta Diosmi kaynata nin: Makiywan señaschaspam nacionkunata qayasaq, banderata hoqarispam llaqtakunata qayasaq, hinaptinmi qari churikikunata marqaypi apamunqaku, warmi churikikunatapas hombropim apamunqaku.

Isaías 49:23

Reykunam yachachisuqniki kanqa, reinakunam mamayki ranti uywasuqniki kanqa, ñawpaqnikipim kumukuykuspa qonqoranqaku, chakikipi allpatam llaqwanqaku. Chaynapim Tayta Dios kasqayta reqsiwanki, ñoqapi hapipakuspa suyaqkunaqa manam penqaypichu kanqaku, nispa.

Isaías 49:25

Tayta Diosmi kaynata nin: Ichapas presokunataqa allinnin qari-qari soldadomanta qechurunmanku, cheqaptam guerrapi hapikusqantapas manchakuypaq soldadomanta qechurunmanku, Ñoqam ichaqa nanachikusqayki, churikikunatapas salvasaqmi.

Isaías 54:3

Alleqmanpas ichoqmanpas mastarikunkim, miraynikikunam achka nacionta hapikuykunqaku, purmachisqa llaqtakunapim yachakunqaku.

Isaías 60:14

Ñakarichiqnikikunapa churinkunam uchuychakuspanku ñawpaqnikiman hamunqaku, usuchisuqnikikunam ñawpaqnikipi qonqoranqaku, paykunam sutichasunki: “Tayta Diospa llaqtan, Israelpa Chuya Diosninpa Sión llaqtan”, nispanku.

Isaías 60:4

Muyuriqnikita qawariy: Llapallankum huñunakuruspa qanman hamuchkanku, qari churikikunam karukunamantaraq hamuchkanku, warmi churikikunatam marqaypi apamuchkanku.

Isaías 61:5

Ovejankunatapas huklaw llaqtayuqkunam michinqaku, uvas chakraykichikkunapipas mana reqsisqa runakunam llamkanqaku.

Isaías 66:12

Ñoqa Tayta Diosmi nini: Hawkayaytam mayuta hina Jerusalenman kacharimusaq, nacionkunapa tukuy ima kapuqnintam lloqllata hina chayachimusaq. Paymi qamkunata mikuchisunkichik, marqayninpi apakachasqam kankichik, wawanta moqonpi tusuchichkaq mama hinam kuyasunkichik.

Jeremías 30:16

Mikuchkaq hina tukusuqnikikunapas tukusqam kanqaku, llapallan enemigoykikunapas preso apasqam kanqaku, sarutyasuqnikikunapas sarutyasqam kanqaku, llapa kapuqnikikuna suwasuqnikikunapas suwasqam kanqaku.

Jeremías 49:2

Ñoqa Tayta Diosmi kaynata nini: Hamuchkanmi punchawkuna Amón nacionpi kaq Rabá llaqtapi guerrapaq qapariykunata uyarichinaypaq; pasaypaq tuñichisqam kanqa, llaqtankunapas kañasqam kanqa, Israelmi llaqtankunata kaqllamanta kutichikunqa. Ñoqa Tayta Diosmi chaynata nini.

Ezequiel 39:10

Manañam montekunamanqa yanta pallaqpas lloqsinqakuñachu, nitaqmi sachatapas kuchunqakuñachu; aswanqa chay armakunam yantapi servikunqa. Ñawpaqta suwaqninkutam paykunaña suwanqaku, imankupas qechuqninkutam paykunaña qechunqaku. Ñoqa Tayta Diosmi chaynata nini.

Daniel 7:18

Ichaqa tukuy imapa hawanpi munaychakuq Diospa llaqtanmi chay munaychakuyta chaskinqaku, chaynapim chay munaychakuyqa wiña-wiñaypaq paykunapaña kanqa”, nispa.

Joel 3:8

Chu-rikichikkunatam qaritapas warmitapas Judá nacionman rantikusaq, paykunañataqmi Sabá llaqtayuq runakunamanwan mana reqsisqa nacionkunaman rantikunqaku. Tayta Diosmi chaynata nin.

Levítico 25:44

Criadoyuq otaq criadayuq kayta munaspaykiqa muyuriqniki nacionkunamantam rantinki.

Abdías 1:17

Sión moqopim ichaqa asllapas salvakunqaraq Sionqa ñoqapaq sapaqchasqam kanqa. Jacobpa mirayninkunapas yapamantam kapuqninkunata kutichikunqaku.

Zacarías 2:13

Chaynaqa, llapallan runakuna Tayta Diospa qayllanpi upallachun; paymi, maymi yachananmanta hatarispan ñoqanchikman hamuchkan.

Zacarías 2:9

Chayraykum chay nacionkunawan kikiy peleasaq, criadonkunallawanmi tukuy imankutapas qechurachisaq, nispa. Chaynapim yachankichik Tukuy Atiyniyuq Tayta Dios kachamuwasqanta.

Lucas 12:45

Sichum mana allin sirviente kaspa ninman: “Patronniyqa unamunqaraqmi” nispa, hinaspañataq sirvientemasinkunata maqayta qallarispa mikukuyman, upyakuyman hinaspa machakuyman qokurunman,

Romanos 15:27

Chaytaqa kikillankumantam ruwarqaku, hinaspapas ruwanankupunim karqa, paykunaqa debekuq hinam kachkanku judiokunapa yanapakuyninwan Diosta chaskikusqankumanta. Chaymi paykunapas iñiqmasinchik judiokunata wakchayayninkupi imapas kapuqninkuwan yanapananku.

2~Corintios 10:5

Tuñichintaqmi Dios reqsiypa contranpi hatun tukuspa hatariqkunatapas chaynataq Diospa contranpi hoqarikuqkunatapas, runakunapa imaymana piensasqantam Cristomanña hapichiniku kasukunankupaq.

Gálatas 5:13

Wawqe-panillaykuna, Diosqa libre kanaykichikpaqmi qayasurqankichik. Ichaqa libre kaynikichiktaqa amayá aychapa munasqanpaq hinachu hapiychik, aswanqa kuyakuywanyá huknikichikmanta huknikichikkama yanapanakuychik.

Efesios 4:8

Chaymi Qellqa kaynata nin: “Altoman wicharispanmi, presokunata aparikurqa, runakunamanmi atiyta qorqa”, nispa.

Apocalipsis 3:9

Satanaspa sinagoganmanta kaq llullakuspanku “judiom kani” niqkunatapas ñoqam qayllaykipi qonqorachisaq, chaynapim yachanqaku qam kuyasqayta.