Isaías 13:8 - CHUYA QELLQA La Biblia en Quechua de Ayacucho 2012

⁸ Manchakuypa intuykusqanñam rikurirunqaku, wachakuq warmipa nanaynin hinam ñakariywan nanayllaña paykunata intuykunqa, ancha hukmanyasqam sapakama qawanakunqaku, uyankupas penqakuymantam ruparinqa.

Quechua Ayacucho Bible 1987

⁸ Pasaypaq mancharisqam rikurirunqaku. Hatun llakipiwan hatun nanaypim rikurirunqaku. Wachakuq warmipa nanayninwan hinam qewikachakunqaku. Ancha hukmanyasqam sapakama qawanakunqaku. Penqakuymantam uyankupas ruparisqa kanqaku.

Chuya Qellqa 1992

⁸ Manchakuypa intuykusqanñam rikurirunqaku, wachakuq warmipa nanaynin hinam ñakariywan nanayllaña paykunata intuykunqa, ancha hukmanyasqam sapakama qawanakunqaku, uyankupas penqakuymantam ruparinqa.

Isaías 13:8 Iomraidhean Croise

2~Reyes 19:26

Runankunapas mana kallpayuqmi rikurirqaku, manchakuymantam hukmanyarurqaku, purunpi qorakuna hinam rikurirurqaku, chakrapi llullu pastokuna hinam tarikurqaku, wasi hawanpi wiñachkaspa chakiruq qora hinam karqaku.

Isaías 26:17

Imaynam wiksayuq warmi wachakunan punchaw chayaramuptin nanaywan qaparkachasqanta hinam, ñawpaqnikipi ñoqaykupas qaparkachaniku.

Jeremías 13:21

Jerusalén llaqta, ¿imaninkitaq yachachisqayki runakuna kamachiqniki rikuriruptin? Wachakuq warmipa nanaynin hinaraqmi qanmanpas nanay hamusunki.

Jeremías 30:6

Tapukamuspa sumaqta yachamuychik: ¿Yaqachu qarikuna wawata wachakurunmanku? ¿Imanasqataq qarikunata wachakuq warmi hina nanaywan qewipakuchkaqta qawani? ¿Imanasqataq uyankupas ayayarun?

Jeremías 4:31

Nanaywan qapariytam uyarini, chayllaraq wachakuq warmipa nanaywan qapariyninta hina; Sión llaqtapa wawanmi qaparichkan, manañam samatyaytapas atinñachu, makinkunata hoqarispanmi kaynata nichkan: ¡Ay, imallapiraq rikukuni! ¡Wañuchiwaqniykunapa makinpiñam tarikuni! nispa.

Jeremías 46:5

Ichaqa ¿imatataq qawachkani? Manchakuymantam qepaman ayqemunku, soldadokunam vencerachikuspa cheqerunku, qepankutapas manaña qawarispam ayqekunku, manchakuyllañam tukuy hinastinpi kakuchkan. Ñoqa Tayta Diosmi chaynata nini.

Jeremías 48:41

Llaqtakunapas enemigopa munaychakusqanmi kanqa, amparakuna sitiokunapas tuñichisqam kanqa. Chay punchawmi Moab nacionniyuq allinnin qari-qari runakunapa sonqonku hukmanyarunqa, wachakuywan ñakariq warmi hinaraqmi rikurirunqa.

Jeremías 49:22

Enemigoqa rapranta kicharispa pawaykuq anka hinaraqmi Bosra llaqtaman pawaykunqa. Chay punchawpim Edom nacionpa allinnin qari-qari runankunapas wachakuywan ñakariq warmi hinaraq qaparkachanqaku, nispa.

Jeremías 49:24

Damasco llaqtam manaña kallpayuq rikurirun, lluptikunanpaqmi alistakuchkan. Manchakuywan llakikuy hinaspa nanaymi wachakuq warmita hinaraq huntaykun.

Jeremías 50:43

Babilonia nacionpa reyninmi chay willakuyta uyarirun, makinkunapas manaña kallpayuqmi rikurirun, manchakuypa pampasqanmi rikurirun, wachakuywan ñakariq warmi hinaraqmi rikurirun.

Jeremías 51:30

Babilonia nacionpa allinnin qari-qari soldadonkunam mana peleanankupaq pakakurunku, mana kallpayuqñam rikurirunku, warmikuna hinañam rikurirunku; wasinkunam kañasqaña kachkan, punkunkunapi cerrojonkunapas pakipasqañam kachkan.

Ezequiel 20:47

Chay montekuna lawmanyá ñoqa Tayta Diospa nisqayta kaynata niy: Chaypi kaq sachakunata kañaykuptiymi verde sachakunatawan chaki sachakunatapas ruparunqa, chay ninaqa manaña amachay atina kaspanmi chaypi yachaq runakunapa uyantapas lliw rupanqa, sur lawmanta qallaykuspa norte lawkama.

Oseas 13:13

Nacenanpaq nanaymi chayaramun, Efrainmi ichaqa mana musyakuq wawa hina, maman wachakuptinmi nacemunanpaq kachkaspan chakakurun.

Joel 2:6

Ñawpaqninkupiqa runakunapas manchakuymantam katkatatanku, manchakuymantam uyankupas ayayarun.

Nahúm 2:10

Nínive llaqtaqa purmachisqa chunniq mana imayuqmi qeparun. Sonqonkupas manchakuymantam hukmanyarun, moqonkupas pasaypaqtam katkatatarun, lliwmi mana kallpayuqña qeparunku, uyankupas pasaypaqtam ayayarun.

Juan 16:21

Warmiqa wachakunan tiempo chayaramuptinmi nanaywan tarikun; wawan naceramuptinñataqmi nanayninkunatapas qonqarun, kay pachapi wawan nacerusqanraykum payqa kusikun.

1~Tesalonicenses 5:3

Hawkam, segurom kachkanchik, nispa, runakuna nichkaptinkum qonqayllamanta paykunaman hatun sasachakuy chayaramunqa, dolorwan hapichikuq warmi hinam kanqaku, manam lluptinqakuchu.