Isaías 13:6 - CHUYA QELLQA La Biblia en Quechua de Ayacucho 2012

⁶ Allwaychik, Tayta Diospa piñakuynin punchawmi hichparamunña. Tukuy Atiyniyuq Diospa purmachinan punchawmi chayaramunña.

Quechua Ayacucho Bible 1987

⁶ Qaparkachaychik, Tayta Diospa castiganan punchawmi hichpamuchkanña. Tukuy Atiyniyoq Diospa purmachinan punchawmi hamuchkanña.

Chuya Qellqa 1992

⁶ Allwaychik, Tayta Diospa piñakuynin punchawmi hichparamunña. Tukuy Atiyniyuq Diospa purmachinan punchawmi chayaramunña.

Isaías 13:6 Iomraidhean Croise

Jobwan Sutichasqa Libro 31:23

Ñoqallayqa Diospa castigontam manchakurqani, paypa qayllanpiqa manam hoqarikuyta atiymanchu.

Isaías 10:25

Manapas unaymantam contraykichikpi piñakuyniy tukurunqa, piñakuyniyqa enemigoykikunatañam pasaypaqta chinkachinqa, nispa.

Isaías 10:3

¿Imatataq castigo punchawpi ruwankichik? ¿Karumantaraq sasachakuy hamususqaykichik punchawpi, pimantaq yanapasunaykichikpaq hapipakunkichik? ¿Maypitaq qori-qollqekichikta saqenkichik?

Isaías 13:9

Tayta Diospa punchawninmi chayamuchkanña: Manchakuypaq sinchi piñakuyninpim allpa pachatapas chunniqmanña tikrarunqa, chaypi kawsaq llapa huchasapakunatam chinkarachinqa.

Isaías 14:23

erizo animalkunapa yachananmanñam tikrarusaq, asnarichkaq mitupa kanantañam ruwarusaq. Pichanawan qopata pichachkaq hinam chinkachisaq, Tukuy Atiyniyuq Tayta Diosmi chaynata nin.

Isaías 14:31

¡Filisteokuna, qapariyllawanña waqaychik, llakimanta qaparkachaychik, nanaywan qewipakuychik! Norte lawmantam qosni hinaraq tropakuna kallpamuchkanku, soldadokunapas tropanmanta mana chullaykuspam hamuchkanku.

Isaías 2:12

Tukuy Atiyniyuq Tayta Diospa punchawninmi hamuchkan, hatun tukuqkunata uchuychananpaq, hatunchakuqkunata tuñichinanpaq;

Isaías 23:1

Tiro llaqtapa contranpim Isaías kaynata nirqa: Tarsispa barconkunapi llamkaqkuna waqaychik, Tiro llaqtam pasaypaq tuñichisqa kachkan, mayman yaykunapaqpas manañam wasipas kanñachu, Chipre lawmanta hamuqkunam chaynata willakunku.

Isaías 34:2

Tayta Diosmi llapa nacionkunapaq chaynataq tropankunapaqpas piñasqa kachkan, wañuchispa chinkachisqa kanankupaqmi payqa hapiykachin.

Isaías 34:8

Tayta Diospa vengakunan punchawmi kanqa, Jerusalén llaqtapa kutiykachikunan watam kanqa.

Isaías 47:11

Ñakariymi chayamusunki, manam maymanta hamusqantapas yachankichu, chay llakimantaqa layqa kaynikipas manam harkasunkichu; qonqayllamantam tuñichisunki, chayna tarikuruytaqa manam yachakurqankichu.

Isaías 52:5

Kunanñataqmi Tayta Dios kaynata nin: ¿Imatataq kaypi ruwani llaqtayta yanqamanta preso apasqankuta qawaspay? Paykunapi munaychakuqkunam qaparkachachinku, mana tukuytam sapa punchaw kamiwanku, nispa.

Isaías 61:2

Tayta Diospa kuyapayakuynin watamanta willakamunaypaq, enemigonchikmanta Diospa vengakunan punchawmanta willakamunaypaq, llapallan llakisqakunata consuelamunaypaq.

Isaías 63:4

Vengakunay punchawmi chayaramunña, llaqtayta reclamanay punchawmi chayaramunña.

Isaías 65:14

Serviqniykunaqa sonqonkupi kusisqam takinqaku, qamkunam ichaqa llaki sonqoyuq qaparkachankichik, ñakarispam llakipi tarikuspa waqankichik.

Jeremías 25:34

Michiqkuna nanaywan qaparispa waqaychik, llaqtay michiqkuna allpapi kuchpaykachakuychik, Nakasqa kanaykichik punchawmi chayaramun, poqosqa carnerokuna hinam nakachikunkichik; kuyayllapaq vaso hinam pakikunkichik.

Jeremías 49:3

¡Hesbón llaqta, Hai llaqta tuñirusqanrayku waqay! ¡Rabá llaqtapi warmikuna qaparispa waqaychik, qachqa pachawan pachakuspa qasqoykichikta takakuychik! ¡Loca hinaña kallpakachaspa aychaykichikta kuchupakuychik! Milcom idolotam sacerdotentawan ancha reqsisqa runakunatawan kuskata huklaw nacionman presota aparunku.

Jeremías 51:8

Babilonia nacionmi qonqaymanta wichirun, vencerachikuspanmi lliw ñutupakurun. ¡Paymanta qaparkachaychik! Heridankunapaq hampita apamuychik, icharaqpas sanoyanman.

Ezequiel 13:5

Israelta nanachikunankupaqqa manam perqallatapas allicharqakuchu, chaynapi Tayta Diospa castiganan punchaw guerra chayamuptin takyananpaqqa.

Ezequiel 21:12

Chaynaqa, runapa churin, waqaspa qaparkachay. Chay espadaqa kachkan Israel runaykunapa contranpim, Israelpa kamachiqninkunapa contranpim. Paykunam llaqtaywan kuska espadawan wañuchisqa kanqaku. Chayraykuyá qasqoykita takakuy.

Daniel 5:26

Wak qellqapa imam ninanqa kaymi: MENE ninanqa: Diosmi munaychakuynikipa punchawninta yupaspan puchukarachin, ninanmi.

Daniel 5:9

Rey Belsasar llumpayta mancharikuptinmi uyanpas ayayarurqa. Ancha reqsisqa kamachikuqkunapas manam ima ruwakuytapas atirqakuchu.

Joel 1:11

Chakra llamkaqkuna, uvas plantaqkuna, llakikuymanta waqaychik; trigomantawan cebadamanta waqaychik, chakrakunapim cosecha pierderun.

Joel 1:13

Sacerdotekuna lutokuspa waqaychik, altarpi servikuqkuna qaparkachaychik; Diosniypa serviqninkuna, hamuspa luto pachantin puñuychik; Diosnikichikpa templonpim kawsaykunata hinaspa vinota ofrecey tukurun.

Joel 1:15

Tayta Diospa punchawninmi hichpamuchkanña, ¡imaynaraq chay punchaw kanqa! Tukuy Atiyniyuqmantam puchukay hamuchkan.

Joel 1:5

Llapa sinkakuna rikcharispa waqaychik, vino upyayman qokuruqkuna allwaychik, vinom simikichikmanta qechusqa.

Joel 2:1

Sión moqopi trompetata tocaychik, sapaqchakusqay orqopi guerrapaq cornetata tocaychik, kay nacionpi yachaqkuna katkatataychik; Tayta Diospa punchawninmi chayamuchkanña, Tayta Diospa punchawninmi hichpamuchkanña.

Joel 2:11

Tropankunapa ñawpaqninpim Tayta Diosqa rayo hinaraq qaparin, tropankunaqa mana yupay atinam, paypa kamachisqanta ruwanankupaq atiyniyuqmi; ¡mayna manchakuypaqmi Tayta Diospa punchawninqa! ¿Pitaq chay punchawta aguantayta atinman?

Joel 2:31

Manchakuypaq hatun punchawniy manaraq chayamuchkaptinmi, intipas tutayanqa, killapas yawaryanqa.

Amós 5:18

¡Ay, imaynaraq kankichik! Diospa punchawnin chayamunanta munaqkuna. ¿Imapaqtaq Diospa punchawnin chayamunanta munankichik? Chay punchawqa kanqa tutayaymi, manam achkiychu.

Sofonías 1:14

Tayta Diospa hatun punchawninmi hichpamuchkanña, chayamuchkanñam, utqaymanmi kallpamuchkan. Tayta Diospa punchawninqa anchapas manchakuypaqmi kanqa. Mana imata manchakuq runakunapas chaypiqa qaparkachanqakum.

Sofonías 1:7

Tayta Diospa qayllaypi upallaychik, Señorpa punchawninmi hichparamun. Tayta Diosmi huk sacrificiota allicharun, convidonman hamuqkunatam chuyancharun.

Zacarías 14:1

Jerusalén llaqta, Tayta Diospa punchawninmi hamuchkan, llapa tukuy imaykikunatapas chawpikipim rakinakunqaku.

Malaquías 4:5

Ñoqa Tayta Diospa manchakuypaq hatun punchawniy manaraq chaya-muchkaptinmi, profeta Eliasta kachamusqaykichik.

Santiago 5:1

Apukuna, ¡kayta uyariychik! Qepa punchaw ñakarinaykichikmantayá waqaspa qaparkachaychik.

Apocalipsis 18:10

Castigota manchakuspankum karullamanta nichkanku: ¡Ay, ay, imaynaraq kanki, Babilonia hatu-hatun llaqta! Sinchi hatun tukuq llaqta, huk ñawi qemchiyllatam puchukayniki chayaramunqa, nispanku.